الحب لا يموت

الجزء 16

دازو أيام، من الدار للورشة و من الورشة للدار، مبقاوش تيتلاقاوهم و لا تيجاوبوهوم، و حتا هوما لاحظوا هاذ القضية، نسمة : توحشتو، ميسم : حتا أنا، نسمة : ولكن منضعفوش قدامهم خلينا مكملين على اللي بدينا بيه، واخا انا بقا فيا الحال، على الأقل كان يدير السبة بشي حاجة و يجي لعندنا، ميسم : غير خلي بلاتي هاحنا انشوفو فين ايوصلنا هدشي......*الدقان فالباب* ميسم : شكون؟ العمة : أنا خديجة، ميسم: آه عمتي دخلي.........دخلات و جلسات حداهم، العمة : سمعوني مزيان، ليوم فالعشية غيجيو عندنا شي ناس مهمين، نبغيكم ترحبو بيهم و ديرو عقلكم، نسمة : و شكون هادو؟ العمة : حتا يجيو و تعرفو، نتوما تتعرفوهوم مزيان، بالأخص انت *على نسمة* نسمة : أنا؟ العمة : آه، المهم العشية وجدو ريوسكم، نسمة و ميسم : واخا.......خرجات و سدات الباب، ميسم : شكون يكونو هاد الضياف دبا؟ نسمة : و الله معرفت، ميسم علاء تيصوني، ميسم : قطعي متجاوبيش، نسمة : هاوا تيصوني عاود، صونا شي خمسة ديال المرات، ربما شي حاجة مهمة، ميسم : شنو نقوليك جاوبي لبغيتي، نسمة : آلو، علاء : على السلامة منين جاوبتي، نسمة : لا غير مسمعتوش، علاء : مبروك، نسمة : علاياش؟ علاء : كيفاش علاياش؟ العشية اتخطبي، العشية اندوزو لعندكم، نسمة : ك كيفاش؟ علاء : واش مفرحاناش؟ اتجمعي مع الشخص اللي تتبغي فدار وحدة، نسمة (طايرو بالفرحة) : واش بصح؟ علاء : واش تضحكي عليا؟ واش مفراسك والو؟ نسمة : لا فراسي ولكن....علاء : العشية نتلاقاو، نسمة : واخا، ميسم : مالو شنو بغا، نسمة : ايجي فالليل، ايخطبني، ميسم : حلفي، نسمة : هدشي اللي فهمت واخا بان ليا معاجبوش الحال، يمكن حيت مبقيتش تنهضر معاه هادي مدة و متنجاوبوش، ميسم : واااو سعداتك فرحت ليك و الله، و أخيرا شي وحدة فينا غتفرح، نسمة : دابا 14:00 يالاهي نخرجو نشريو لحوايج اللي خصنا باش نوجدو قبل ميجيو، ميسم : ياااااي تحمست بزاف
لبسو حوايجهم و خرجو ديك الساعة مرجعو حتال العشية و يديهوم عامرين بالحوايج اللي شراو، طلعات عمتها جابت ليها قفطان أبيض لبساتو جاها تيحمق، ميسم : جيتي فنة اصحبتي، نسمة : اه ولكن مبانش ليك كلشي داز بالزربة؟ ميسم : أنت متفكري فوالو، فكري غير فعلاء و صافي، نسمة : نااري قلبي قرب يسكت، الجدة : غير بشوية عليك لتمشي تسخفي لينا هنا، العمة : شفتي أ مي قلت ليك را بيناتهم شي حاجة، البنت قربات تسخف، الجدة : ايوا مبغيناش نبقاو حديث فلسان الناس اللهم نسربيو قبل منطيحو فشي فضيحة، ميسم : ميمتي شنو هاد الهضرة، العمة : ايوا منعرف، نسترو محد كلشي باقي مستور، المهم الناس من قبيلة و هوما يتسناو فيك، دوزي الكوزينة را ربيعة تعطيك الصينية و دخليها ليهم، نسمة : واخا، ميسم : أنا نمشي معاك.......نسمة : ميسم سيري طلي شوفي شكون جا، ميسم : واخا.......نااااري، كاينة نورة و أسامة و بابا و سيف و مراد و صفاء و.....نسمة : العار لاما طلقينا، ميسم : و حمزة و علاء، نسمة : احح قلبي، ربيعة : هايا الصينية دخليها ليهم، نسمة : واخا، ناااري يدي كترعد باينة أندير شي فضيحة تما، ميسم : متخافيش غير تشجعي و سيري، نسمة : بسم الله..........دخلات و بقا كلشي تيشوف فيها، و علاء اياكلها بعينيه، هزات عينيها فيه و هي حشمانة و حابسة الضحكة فقلبها من كثرة الفرحة، و هو مغوبش، "ناااري باينة تقلق حيت مكنتش تنجاوبو، ولكن متصورش شحال فرحت"........بدات بيه هو اللول، هز الكاس ديالو و دورات عليهم كاملين، وصلات لأسامة بقا تيشوف فيها و تيضحك، هي محملاتوش، حطات الصينية و جلسات حدا باباها السي حمد و حداها ميسم حاضية حمزة بنص عين، نورة :تبارك الله عليك جيتي فنة، نسمة : ربي يخليك........هزات عينيها تشوف فعلاء لقاتو تيخنزر فيها "هذا مالو من الصباح و هو مغوبش و عاقد حجبانو، اللي يشوفو يقول هذا راه غير مبززين عليه هاد الزواج، ولكن متصورش شحال فرحت، عاد اكتشفت أنني بصح تنبغيك و منقدرش نعيش حياتي بلا بيك، و كون متأكد اسي علاء بأنني انخليك تكون أسعد رجل فالعالم"
كلاو و شربو و هضرو، السي حمد : دابا ندوزو للمعقول، نسمة "ناااري قلبي غيسكت دبا"، نورة : المهم نتوما كلكم عارفين علاش جينا، أنا جيت ليوم باش نخطب بنتك نسمة لولدي أسامة...........نسمة تصمكات مبقات تتسمع حتا حاجة، تتشوف فمهم تيتحرك و معارفا حتا شنو تيقولو، ميسم : كككيفاش، أسامة : أنا تنبغي نسمة و باغي نكمل معاها حياتي، حنا تنعرفو بعضياتنا من الصغر، منلقاش حسن منها، السي حمد : حتا حنا منلقاوش حسن منك، و نورة راها مرتي دبا، و أنت فمتابة ولدي، ميسم (تتهضر بشوية) : نسمة شنو واقع هنا، نسمة مالكي، نورة :إيوا ابنتي باقي مسمعنا رأيك، الجدة :متحتاجيش تعرفي، الدراري تيبغيو بعضياتهم و حنا بغينا نجمعوهم فالحلال هذا ما كان .