كانو جالسين تيهضرو و دوك البنات تينفضو حوايجهم و حتا واحد ممنتابه لهضرتهم من غير نسمة اللي طالقة ودنيها و تتسمع حتا نطقات وحدة فيهم : تفو على*****إلا كانت سميتي لجين والله لبقات فيهم ممربيينش ديك بنت******جاتني على غفلة أما كون وريتها شغلها......نسمة غير سمعاتها جبدات ليها ماماها و هي تشعل مشات عندها دفعاتها حتا طاحت للأرض و بقات تضربها تضربها حتا جاو الدراري تيجريو و البنات مفاهمين والو بالكشايف باش بعدوها منها و ديك البنت هربات قبل متزيد تكمل عليها و بقا سيف تيغوت عليها و هي تتغوت حتا هز يدو و سرفقها بلا ميشعر بقا كلشي مصدوم، سيف : واش أنت مريضة ولا مالكي واش تسطيتي ولا واكلة شي حاجة؟ هادي هي نسمة المهدنة و اللي عمرها جبدات الصداع مع شي واحد و معزيزش عليها العنف مالكي شنو طرا ليك؟ نسمة : آه مريضة و مسطية و متسولش هاد البنت المهدنة شنو اللي خلاها تعصب و تغوت هااا؟ هادي هي ختي و عمري نخلي شي واحد يقيسك؟ نرضى نكون مسطية و هبيلة و حمقة و كلشي، نرضى ميبغيني حتا واحد و كلكم توقفو ضدي ولكن منرضاش شي واحد يجبد ماما بكلمة خايبة يكون اللي كان......حسات بصوتها تخنق و الهضرة مبقاتش باغا تخرج، دارت فحالها و مشات تتجري و كلشي بقا ساكت معرف ميقول، تبعها علاء شدها بغا يهضر معاها و هي مبغاتش : طلق مني طلاااق، علاء : نسمة سمحيليا عافاك لاضغطت عليك ولا شي حاجة مقصدتش ولكن...،نسمة : بعد مني مبغيتش نهضر معاك، عرفتي شنو، نتفارقو حسن، علاء : ياك هذا هو الحل فنظرك، نسمة : آه، علاء : اوكي علا خاطرك، "ياك بهاذ البساطة قدرتي تخلا عليا، دغيا سخيتي بيا و تتقولها بكل برودة الدنيا عندك هانية، هادي هي تنبغيك و انت هي حياتي، فلحظة تسالا كلشي" قالت هدشي مع راسها، طلق ليها يديها و خلاها طلعات فحالها لبيتها و جبدات الفاليزا ديالها و بقات تتجمع فحوايجها حتا طلع سيف و مسيم لعندها، ميسم : نسمة شنو تديري فين باغا تمشي، نسمة : غادا فحالي، سيف : جلسي للأرض معندك فين تمشي والليل هذا.....نسمة كاع ممسوقة ليهم و تتجمع حوايجها معوالاش تبقا تما، حتا جا مراد لقا كلشي مجموع مفهم والو، مراد : مالكم ياك لاباس، سيف : لا والو، مراد : نسمة مالكي شنو تديري فين غادة بدوك الحوايج؟ نسمة تفكرات را ليوم فرحة خوها و مبغاتش تخصرها عليه ضغطات على راسها و ضحكات ليه : لا والو غير تنقص الحوايج حيت الماريو عمر، مراد : آه قولي هكاك هههه، إيوا انا غادي نعس را عييت و فات الحال حتا انت نعسي، نسمة : واخا تصبح على خير........خرج مراد و تبعو سيف، نسمة : ميسم عافاك تقدري خليني بوحدي، ميسم : بغيت نبقا معاك، نسمة : عافاك، ميسم : واخا ولحتجتي شي حاجة انا حداك، نسمة : تصبحي على خير، ميسم : حتا انت........غير خرجات طفات التلفون و سدات الباب من وراها و حطات راسها على الوسادة و بقات تتبكي، بكات و بكات حتا عيات، بغات تنعس و حلف النعاس لا جاها كان قلبها تيضرها و مصدقاتش هدشي اللي طرا، بقات سهرانة حتال 2 ديال الليل حتا تتسمع شي حاجة تدير *طرق* فالشرجم، ما هي مرة ما هي جوج، حلات الريدو و طلات تيبان ليها علاء واقف و فيديه بوكي ديال الورد كان هو اللي تيرمي الحص على الشرجم باش تسمعو، علاء (تيهضر بشوية) : نزلي بغيت نهضر معاك، نسمة : لا شنو بغيتي عندي، علاء : وا هبطي بغيت نقوليك شي حاجة، نسمة : لاء سير فحالك، علاء : غنحسب تال 3 إلا منزلتيش غادي نبدا نغوت، نسمة : غوت، علاء : تيسحابليك منديرهاش، نسمة : دير اللي بغيتي مسوقيش.......سدات الشرجم و رجعات لبلاصتها حتا تتسنعو تيغوت نسمة بالجهد، مشات طلات عليه دغيا : واش تسطيتي ولا مالك؟ علاء : انت اللي سطيتيني و حمقتيني مبقيت عارف مندير، يالاه هبطي ولا نزيد نغوت، نسمة : اوووف صافي هانا جايا، دارت شال على كتافها و نزلات عندو بالبيجاما و بانتوفا، خرجات من الباب اللوراني باش مديرش الصداع و لقاتو واقف تيتسناها و يديه ورا ضهرو، نسمة : هانا شنو بغيتي، علاء : باقا مقلقا مني؟ نسمة : آه، تتقولها و فالداخل ديالها غطير بالفرحة، علاء : منقدرش نعس و انا عارفك مقلقة مني، النعاس حلف لا جاني و أنت متتجاوبيش على التلفون، إلا غلطت فحقك سمحيليا ولكن والله مقصدت، و هذا كادو صغير مني ليك حيت عارفك تيعجبك الورد، نسمة (بدات تتبكي) : خفتك لتمشي و تخليني، خفتك لاتسمح فيا، علاء : الحمقة واش اللي عندو وحدة فحالك يقدر يسمح فيها، نسمة : سمحليا على قبيلة ولكن ماشي بخاطري، علاء : هذاك الموضوع تسد أنا فهمت كلشي من الأول و عاذرك، يالاه آجي لعندي مسحي دموعك و متبقايش تبكي.....عنقها و هي فرحانة، علاء : جيتي زوينة بالبيجاما هههه، نسمة : ايوا شنو انت مفيقني من فراشي، علاء : آجي نضربو دويرة و نرجعك، نسمة : والا قلت ليك لا؟ علاء : غادي نخطفك بحال هكا........هزها و هي معنقاه و تضحك، داها ركبها فالطونوبيل و ديمارا، كان الليل و البرد و الدنيا خاوية غير هوما بحدهم بحال الحماق طلقو الموسيقى و بقاو تيغنيو معاها و هوما حالين الشراجم و الريح باااارد تيضرب فيهم و كاع مجايبين للدنيا خبار..........
ترقبوا التتمة
يتبع......
أنت تقرأ
الحب لا يموت
Roman d'amourقصة بالدارجة المغربية رومانسية ❤❤❤ تجمع ما بين الحب و العذاب و التشويق و الإثارة.... الكاتبة: khullo #خولة ✌
