الحب لا يموت

الجزء 28

نسمة : ميسم تيصوني تيصوني، ميسم : شكوون؟ نسمة : اللي خلا سروالك مدلي، وا علاء يا الهيشة شكون غيرو، ميسم : ضسرتي ضسرتي، نسمة : الناس فاش و انت فاش، شنو ندير، ميسم : جاوبي، نسمة : لا لا ميمكنش، ميسم : إذن متجاوبيش، نسمة : حشومة، ميسم : غا نبدا بهاد حشومة ديالك، طفي المشقوف و تهناي، نسمة : دكشي نيت اللي غندير، ميسم : هههه قلت ليك غير طفيه ماشي حيدي ليه الباتري، نسمة : لا خلي هكا حسن، ميسم : تضحكيني و الله، اه فراسك را فالعشية اتجي صحبت سيف، نسمة : شكون هادي؟ ميسم : را قالها لينا لبارح فاش نضتي غضبانة من الطبلة هههه، نسمة : صافي صافي، واش حتا شهد اتكون؟ ميسم : لا قالت ليا عندها شي موعد مغتقدرش تجي، نسمة : اه حسن، ميسم : حشومة تتعاملي مع البنت هكا، كون تعرفي آش كاين و الله مديري معاها هكا، نسمة : آش كاين، ياكما مصنوعة من الذهب و انا مفراسيش؟ ميسم : المهم مبغاتنيش نقوليك خلي حتا تعرفي منها نيت، نسمة : امم صافي.....وصلو للدار بدلو حوايجهم حيت كان الجو بارد، و لبسو حوايج سخان حتا جا لعندهم سيف للبيت : البنات راها جات، نسمة : ياااي متحمسة نعرف شكون هي، قوليا واش زوينة بعدا ولا شوية، سيف : زوينة زوينة غير تهناو، ميسم حتا انا متشوقة نعرف شكون هادي و كيمدايرة، قوليا شنو عجبك فيها بالضبط، سيف : كلشي، ضريفة و زوينة و حنينة و كلشي، أصلا حنا تنعرفو بعضياتنا من شحال يعني ماشي شي حاجة جديدة، نسمة : وانا عاد اتكون فخباري ماشي حشومة عليك، سيف : ههه حتا دبا باقي مفاتش الحال، يالاه متخليوهاش تسنا حشومة، نسمة : يالاه......مشاو للصالون فين كاينة، كانت جالسة و شادة صاكها بيديها، غير شافوها بقاو حالين فهم، و هي شافتهم مافهمات والو، مشا حداها سيف و هي وقفات، سيف : تنعرفكم بشهد، شهد هادو خواتاتي نسمة و ميسم، نسمة : ولكن كيفاش، شهد : واش نتوما هوما خواتات سيف، لا ميمكنش هادي كلها مصادفة، سيف : واش تتعرفو بعضياتكم؟ نسمة : ولكن بلاتي كيفاش، و علاء؟ شهد : انا عارفاك علاش متتحملينيش، ولكن علاء راه غير خويا، و بغا يضحك معاك دكشي باش خلق ديك الكذبة و جرني حتا أنا فيها، نسمة : ولكن، ناااري سمحيليا بزاف و الله مكنت عارفا، أصلا باينة مبيناتكم والو غير الشيطان وسوس لي، شهد : هي تصالحنا دبا، نسمة : آجي عنقني يا مرات خويا، الله أودي، سيف : ممكن نعرف شنو واقع هنا، ميسم : هههه متحتاجش المهم هو أن كلشي كيفما خصو يكون.....جلسو تيهضرو و يضحكو و كانت شهد بصح ضريفة بزاف و عفوية و دغيا نساجمات مع نسمة، داز الوقت دغيا و طاح الظلام، شهد : شكرا بزاف على هاد العشية و أفضل حاجة وقعات ليا فهاد العشية هي أنني عرفت باللي نتوما خواتات سيف، المهم خصني نمشي دبا تعطل الحال، نسمة : بقاي معانا هاد الليلة عافاكي و غدا سيري، شهد : علاء محال واش يبغي، ميسم : قوليليه راكي معانا ميقول والو يمكن، شهد : والله معرفت، نسمة : حاولي متخسري والو، شهد : واخا، هاوا تيصوني، أه ألو علاء، انا لاباس، امم بغيت نقوليك انا را مع ميسم و نسمة و شدوني نبات معاهم واش يمكن، اه اه، كنت عندهم، وي بصااح، ميغسي بزاااف، لا متخافش عليا، واخا بونوي، مواااح، حتا انا، شهد : قاليا صافي غير بقاي، ميسم : ياااااي، يالاهي معانا للبيت نعطيك متلبسي، شهد : واخا
ميسم : شوفي هاوا الماريو قدامك خودي اللي بيغيتي منو، شهد : غير شوفي ليا انت، ميسم : واش تتحشمي اصحبتي، شهد : هادي ديالك؟ نسمة : ديالها ولا ديالي مكاينش فرق غير خودي اللي عجبك، شهد : شكرا بزاف، نسمة : حتا انا را فايتة لبست حوايجك، شهد : هههه آه بصحتك، نسمة : و باقا مرجعتهمش ليك، شهد : لا ويلي غير خليهم واخا ماشي شي حاجة ولكن يكون فحال عربون لصداقتنا، نسمة : سمحيليا حيت كنت تنتعامل معاك ناقص، شهد : معليش عادراك عارفة الغيرة صعيية، نسمة : شكون قالها ليك؟ شهد : باينة ههههه، نسمة : ناااري كلشي عارف تشوهت انا صافي، شهد : لا متقوليش هكاك را حتا خويا مخاويش من جيهتك، نسمة : كيفاش؟ شهد : أول مرة انشوفو تيتعامل مع شي بنت فحال هكا، من هادي شحال و هو علاقتو مع البنات محدودة بزاااف، إما فإطار القراية ولا الخدمة صافي، معمرو داها فشي وحدة ولا تسوق ليها واخا كانو بزاف تابعينو كان ديما تيقول را البنات تابعين غير حاجتهم، ولكن أنت مختلفة عليهم، أول مرة نشوفو تيتعامل مع شي وحدة فحالي تيتعامل معاك، غير ديك النهار فلاصال فاش خلاني و مشا تبعك انا تصدمت حيت عمرو دارها، عافاكي متخسريهش را هو اللي عندي، واخا يبان ليك بعض المرات صارم ولا قاسح ولكن را فالداخل ديالو طفل صغير خاص غير اللي يجبدو، نسمة : هدشي مكانش فراسي، يعني يقدر يكون تيبادلني نفس الشعور، شهد : أكيد تيحس من جيهتك بشي حاجة، و هو متيآمنش بديك القضية ديال هديك فحال ختي، يعني لتقاربتو بزاف تأكدي را كاينة شي حاجة، نسمة : الله على هضرة هي اللي كنت تنتسناها من الصباح ديال ربي، آجي هاكي بوسة، ميسم : ولكن انا انبدا نغير دبا، نسمة و شهد : ههههه