الحب لا يموت

الجزء 34

دازو الأيام و سافر حتا حمزة و بقاو البنات بوحدهم، كانت نسمة وعلاء كل ليلة تيهضرو بالساعات و العلاقة ديالهم توطدات كثر و كثر، ولحسن الحظ أسامة شدو شي شغل و قرر يبقا تما حتا يرجع مع علاء و حمزة......دازو أيام، حتال ديك الليلة كانت الشتا خيط من السما، الدار كلها فاقت على صوت الغوات، نسمة : ميسم شنو واقع، ميسم : صفاء جاها الوجع ديال الولادة و مراد داها للطبيب باش تولد، نسمة : انولي خالة يا سلااام، ميسم : حتا أنا، نسمة : أنا انرجع نكمل نعاسي واخا خسر، ميسم : حتا أنا يالاهي......الصباح فاقو لقاو الحالة نايضة فالدار، ميسم : شنو واقع؟ نسمة : معرفتش يالاه نهبطو نشوفو، ميسم : سيف شنو واقع؟ سيف : صفاء ولدات، نسمة : ياااي واش بصح، ميسم : كيفاش واش بصح هههه، نسمة : سيف دينا نشوفو البيبي عافاك عافاااك، سيف : را هدشي علاش جيت أصلا يالاهو، نسمة : ياس اطط انلبس دغيا شي حاجة و نجي، ميسم : حتا أنا........دغيا لبسو حوايجهم و مشاو للكلينيك، دخلو لعندها لقاو كلشي مجموع تما، نسمة : على سلامتك اصفاء، ميسم : مبروك عليكم، صفاء : الله يبارك فيكم......مشاو يشوفو البيبي لقاوه ناعس، كان صغير و زويين، نسمة : يا وينووو ما شاء الله فنيون. قوليلي شنو غتسميوه؟ صفاء : زيد، ميسم : زيد سمية زوينة.........خرجو من الكلينيك و مشاو للدار و جاو الناس تيباركو ليهم، كان كلشي فرحان حيت تزاد عضو جديد فالعائلة، نسمة : ميسم عارفة شنو غيكون غدا؟ ميسم : على انا نقدر نسا غدا غيجي حبيب القلب، نسمة : اه غدا غيجي حمزة و علاء عرفتي توحشتو بزاااف، ميسم : يا ختي حتا انا، نسمة : ميسم، ميسم : نعام، نسمة : و عارفة شنو غيكون من هنا سيمانا؟ ميسم : مؤكد السبوع، نسمة : غنطير بالفرحة والله، ميسم : كون تشوفي أنا
صبح الصباح فاقو البنات بكري و مشاو طلو على البيبي و لعبو معاه.....لبسو حوايجهم و تلاقاو بشهد و توجهو للمطار، نسمة : شحال باقي باش يوصلو؟ ميسم : 3 السوايع، نسمة : نارييي بزاف منقدرش نصبر توحشتو بزاااف، ميسم : كون تشوفي أنا را مبقيتش قادرة نصبر را منكرهش نمشي لعندو دبا، شهد : حتا أنا توحشتهوم ولكن مبقا قد ما فات.....دازو دوك 3 السوايع على احر من الجمر، حتا وصلات الطيارة و بداو تينزلو منها الركاب، نسمة و شهد و ميسم تيضورو وجههم هنا ولهيه و تيقلبو عليهم بعينيهم، ميسم : حمزة، نسمة : فين فين، ميسم : راهم جاو.....غير شافوهم مشاو تيجريو لعندهم وواحد الفرحة وواحد الشوق للقاء، تعانقو و مبغاوش يطلقو من بعضياتهم، نسمة : علاء حبيبي توحشتك بزاف كثر ما تصور والله متبقاش تغيب عليا بحال هكا، علاء : حتا أنا توحشتك بزاااف مخدمت كاع على خاطري عقلي و قلبي و كلشي كان غير معاك، نسمة : متبقاش تخليني بوحدي عافاك، علاء : تنواعدك عمري باقي نغيب عليك حتا لكان عندي شي شغل غتمشي معايا مباقيش نخليك بوحدك، نسمة : تنبغيك، تنبغيك بزاف كثر ما تصور، والله حياتي بلا بيك متسوا والو، بغيت نبقى غير معاك مبغيت حتا حاجة أخرى، علاء : الحميمقة ديالي تنموت عليك *قبط ليها فيديها* يالاهي نمشيو نقادو حوايجنا و نستاراحو من العيا دالسفر و عاودي ليا كلشي بالتفصيل، نسمة : واخا احياتي......مشاو للدار دخل علاء و حمزة يدوشو و نسمة و ميسم كانو فالكوزينة تيوجدو ليهم الماكلة، فاش خرجو كلاو و جلسو تيحيدو الشوق من بعضهم، علاء جالس و نسمة فحضنو و تلعب ليها فشعرها......طاح الظلام و رجعو للدار.
الغد فاقت فالصباح بكري و خرجات باش تلاقا مع علاء، مشات للقهوة فين كانوا مدايرين لقاتو تيساينها، طلبو الفطور ديالهم فطرو و هوما تيهضرو و تيضحكو، فاش سالاو بقاو تيتمشاو و كان الجو زوين بزاف التراب فازك بالشتا حيت طاحت فالليل و العصافير فالسما تيزقزقو و الناس خارجين لخدمتهم، كان منظر تيشرح النفس، مشاو لواحد الجردة جلسو فيها،
علاء : نسمة بغيت نقوليك شي حاجة، نسمة : نعام احياتي، علاء : ايوا دبا غتشوشي ليا دماغي و غتلف ليا الهضرة خليني متبت را شحال و أنا تنجمع فالكلمات و تنفكر كيفاش نجبد معاك الموضوع، نسمة : شي موضوع مهم هذا، علاء : آه، نسمة : واخا تنسمعك، علاء : المهم انت عارفاني شحال تنبغيك ياك، نسمة : آه، علاء : ولكن فالحقيقة را تنبغيك كثر ما كتصوري، عمرني بغيت شي شخص فحالك، عجبتيني من أول مرة شفتك فيها، كل حاجة فيك تتسحرني، كلك تتحمقيني، تنتمنى كون عرفتك من قبل، تنتوحشك فكل دقيقة فكل ثانية فكل لحظة، الوقت اللي تتكوني غايبة فيه عليا تنحس بقلبي ماشي معايا، إلا كانت غير شوكة تآذيك نحرق عليها الدنيا، بغيت نقوليك راني تنبغيك و تنحماق عليك و باغي نبقا معاك طول حياتي، عمرني نتخلا عليك إلا متخليتيش أنت عليا، عمري نبزز عليك شي حاجة مباغياهاش، عمري نقوليك ديري ولا مديريش، أنا معاك فأي حاجة و فأي خطوة درتيها، إلا تخلا عليك العام كامل أنا را منفرطش فيك، إلا خيروني بين الموت و بين حياة مفيهاش أنت غادي نختار الموت بعيني مغمضين، تنبغيك أ القطيوطة ديالي، أنت قطيطوطة ديالي ياكي، نسمة (حشمانة) : آه، حتا أنا تنبغيك و عمري بغيت حتا بغيتك و عمري نبغي شي واحد آخر، كاين غير علاء علاء علاء حتال آخر لحظة، ميسم : را قالت ليا ميسم تتسمعك فالليل تتعيطي بسميتي، نسمة : لا لا اويلي غير كذوب، علاء : شوفي و كان، نسمة : أنا متنهضرش فاش تنكون ناعسة اصلا، علاء : متأكدة؟ نسمة : آه، علاء : sûr؟ نسمة : وي، علاء : اوكي و شنو هذا هههه؟