الحب لا يموت

الجزء 53

نسمة : إيوا يا العفريتة عاوديليا فين كنتي لبارح، ميسم : اححح منين نبدا، نسمة : وا قولي، ميسم : أنا نقوليك، إيوا لبارح يا ختي حتا بدلت حوايجي و جيت غنعس أنت كنتي فسابع نومة ديك الساعة، و هو يصوني لي حمزة قالي يالاه نخرجو ما عاودتهاش معاه ديك الساعة لبست و قاديت و خرجت لقيتو تيتسناني، إيوا و مشينا لقيت السيد معول على خزيت هو أصلا من شحال و هو يتحلف عليا، لقيتو حاجز فواحد ل أوطيل شهوة منو دكشي واعر، إيوا و غير دخلنا تكاني على الحيط اححح منعاودش ليك على بوسة، من بعد جرني فوق الفراش و.....نسمة : صافي صافي مبغيتش نعرف، ميسم : اويلي و شكون من الصباح و هو باغيني نعاود ليه؟ نسمة : انا آه و لكن ماشي بالتفصيل، قوليليا واش جاك دكشي عادي؟ زعما واش ما تقسحتيش؟ ميسم : علاش نتوما ما درتو والو؟ نسمة : لا كنا عيانين، ميسم : ولا أنت مبغيتيش، متقوليش ليا حشمانة، نسمة : شوية، ميسم : اويلي اصحبتي را راجلك هذاك، نسمة : عارفة ولكن باقا ما ولفت، أنت بنتي ليا مولفة تتهضري عادي، ميسم : هههه حنا را مدوزين من قبل، نسمة : اويلي واش بصح! ميسم : ماشي بزاف ولكن محيدين الحشمة من بعضياتنا موالفين نتشادو و نتباوسو هههه، متقوليش ليا نتوما معمركم درتو شي حاجة! نسمة : مرة وحدة اللي باسني فيها فاش يالاه اعتارفنا لبعضياتنا، أنا را ماشي فحالك يا وجه المسخ، مكتحشميش، ميسم : عادي متخافيش كلشي غادي يدوز مزيان، غير حيدي منك الحشمة راه راجلك هذاك متعيه و عيشي معاه، أنا عارفاه غادي يكون مشهيك غير شافك أنت مترددة و خايفة و مبغاش يزيرك، عرفتي شنو، هو ديما تيجيب ليك الكادويات و يخرجك و متيخلي ما يدير على قبلك، حتا أنت ديري على قبلو شي حاجة، نسمة : بحالاش؟! ميسم : وجدي لشي ليلة دوزيها أنت و ياه، شفتي أنا نعاونك شحال و أنا تنقلب فهدشي عارفا كاع شنو خاص يكون، نسمة : و كيفاش غادي ندير؟ ميسم : شحال دبا، را باقي الحال، آجي نمشيو أنا و ياك لواحد البلاصة فيها كاع دكشي اللي غادي تحتاجي، نسمة : اللي بغيتي......مشات عند حمزة، ميسم : حبيبو أنا غادي نمشي لواحد البلاصة أنا و ختي حتا نساليو و نعيطو ليكم، حمزة : واخا خودي راحتك، فاش تسالي صونيليا، ميسم (باستو) : تهلا فراسك "تتهضر مع علاء" أنا غادي نتسلف نسمة من عندك هاد العشية، علاء : بصحتكم، نسمة ردي لبال لراسك، نسمة : حتا أنت......جرات ميسم ختها من يديها و بقات غاديا بيها، ركبو فطاكسي و مشاو لواحد المول فيه كلشي، بقاو تيتساراو على المحلات، ميسم : هاوا لقيتو، نسمة : شنو غادي نديرو فمحل تاع الشموع؟ ميسم : ههههه زيدي زيدي قدامي انا غادي نوريك، هانتي غادي ناخدو شموع صغار و كبار، فروائح متنوعة، و ناخدو عطور باش تعطري الدار، و البخور حتا هوما، بقات تتخير وتحط فالسلة حتا عمرات، و نسمة غير مقابلاها و فوقما تسولها على شي حاجة تدير ليها آه براسها، فالاخير خلصات ميسم و خرجو، نسمة : كون خليتي انا نخلص را عندي لاكارت، ميسم : حتا أنت واش بيناتنا الفلوس اصحبتي، اعتباري هدشي كادو من عند ختك، و تعلمي را مغنبقاش ديما معاك، نسمة : علاش فين غادة بالسلامة؟ ميسم : منعرف المهم اعتامدي على راسك شوية، نسمة : واخا أ لالة، دخلو لمحل آخر نسمة غير شافتو عينيها خرجو، نسمة : فين جايبانا اصحبتي، ميسم : مالكي معجبكش؟ كان محل نسائي تيتباعو فيه لي شوميز دو نوي و الملابس الداخلة و كاع دكشي تاع العريسات، نسمة : لا مستحيل أنا نلبس هدشي واش تسطيتي، هي تتهضر و ميسم كاعما مسوقة ليها جالسة تتعزل و تخير، نسمة : واااا ميسم معاك تنهضر، سمعي أنا مغديش نلبس هدشي راك غير تضيعي وقتك و صافي، ميسم عيطات على ديك البنت اللي خدامة فالمحل و طلباتها باش تعاونها تقنع نسمة و تخير معاها، إيوا و تجمعو عليها بجوج بالهضرة حتا عيات و خلاتهم يديرو اللي بغاو، فاش سالاو عيطو على علاء و حمزة يجيو و فالوقت اللي تيتسناوهم بقات ميسم تتنصح نسمة و تتوريها شنو تدير،  إيوا و جاو وصلو حمزة و ميسم لدارهم و راجعين هوما للدار، علاء : إيوا قولي ليا فين مشيتو؟ نسمة : والو غير درنا فالمدينة شوية و صافي، علاء : بنتي ليا هازة شي حاجة شنو شريتي؟ نسمة : لا غير شي حوايج و صافي، علاء : ياكما مزال ناقصاك شي حاجة؟ نسمة : لا لا غير شفناهم قالتلي ميسم غيجيوني زوينين و شريناهم، علاء : إيوا فاش نرجعو وريهم ليا، نسمة : ماشي شي حاجة، علاء : واخا ماشي شي حاجة بغيت أنا نشوفهم، نسمة (ما عرفات ما تقول) : وا إن شاء الله، علاء : بغيت نقوليك واحد الحاجة، نسمة : قول، علاء : محسيتيش بشي حاجة ناقصة؟ نسمة : لا بحالاش؟ علاء : وا فكري، شي حاجة تتكون مور العرس، تتكون زوينة بزاف، و عمرها تنسا، و كاع البنات تيحلمو بيها، تيبغيوها دوز فأحسن بلاصة و احسن الأجواء، نسمة "نااااري ليلة الدخلة، صافي نا بقا عندي فين نزيد نهرب، هدي اللخرة ليا"