الحب لا يموت

الجزء 11

ميسم.....نعام......نعستي؟........لا باقي و انت؟.........حتا أنا، مدانيش النعاس.........نسمة........نعام..........داز نهار زوين........اه بزاف........حمزة و علاء ضريفين..........بزاااف .
دازو أسبوعين بنفس الروتين، الدار و الورشة و مرة مرة الخروج، أما علاء و حمزة فكانو ففرنسا على قبل شي خدمة، يعني من داك النهار متلاقاو، حدهم تيهضرو معاهم فالتيليفون، دوزو البنات النهار كلو فالورشة و رجعو عيانين مشاو نيشان كل وحدة شدات بلاصتها........نسمة.......نعام..........من الصباح و أنا تنتقلب و النعاس حلف لجاني.......آجي نعسي حدايا..... واخا،،،،،،،،،،،،نعسو حدا بعضياتهم و كل وحدة راسها على راس الأخرى، ميسم : باقا تديري هاد السنسلة، نسمة : منقدرش نحيدها، تتفكرني بماما الله يرحمها، أنت واش تلفتي ديالك؟ ميسم : لا راها مخبية و صافي، عنداكي تمشي طيح ليك أنت شي نهار، نسمة : بغيتيني نموت، ميسم : الله يستر، آش بان ليك غدا نمشيو للبحر؟ نسمة : بوحدنا؟ ميسم : نقولوها لمراد و سيف، و حتا صفاء تمشي معانا لا بغات، عمتي و جدة ميبغيوش يمشيو أصلا متيحملوش البحر، و بابا مشغول مع الخدمة، نسمة : اممم صافي غدا نشوفو أصلا الصيف دخل و الجو سخن و أنا توحشت البحر، ميسم : كون تشوفي أنا شحال توحشتو، آجي بعدا، فينهوما المايوهات ديالنا؟ نسمة : راهم مع حوايج البحر غدا نجبدهم ليك غير نعسي، ميسم : واخا تصبحي على خير مواح، نسمة : و أنت بخير
ميسم : نسومي صباح الخير، نسمة : صباح النور، ميسم : ياااااي فرحانة، نسمة : علاش؟ ميسم : دغيا نسيتي، ياك تافقنا ندوزو النهار فالبحر؟ نسمة : آه بصح يااي، نوضي دغيا نوجدو حوايجنا باش نقولوها لسيف و مراد و نمشيو، ميسم : يالاه.........ميسم.......نعام؟........مجاتش معيقة نعومو بالمايوه؟.........اممم بصح و لكن شنو نلبسو؟........خلينا نلبسوه و نلبسو فوقو كسوة حتا نمشيو لتما و نشوفو لكان كلشي تيعوم بيه نعومو حتا حنا.......حتا هادي فكرة..........لبسو كساوي فنفس الشكل غير الألوان اللي مبدلة، و دارو كاسكيطات و جمعو الفوطات و كريمات الشمس و كلشي اللي يحتاجوه و داو سلة فيها سندويتشات و المونادا و هبطو موجدين ريوسهم، نسمة : انا نمشي نقولها لسيف و انت سيري عند مراد، ميسم : صافي، طلعات نسمة عند سيف لبيتو و ميسم نفس الشيء، نسمة : سيف ممكن ندخل، سيف : وي دخلي، هاي هاي، لابسة و موجودة فين غادة؟ نسمة : جاتني الكسوة زوينة؟ أنا و ميسم قنطنا و بغينا نهبطو للبحر، يالاه معانا، سيف : دوماج منقدرش مداير نتلاقا بواحد البنت و منقدرش منمشيش، نسمة : هاي هاي هاي شكون هادي؟ سيف : كانت تتقرا معايا هادي شحال و مشات لفرنسا و هاد الصيف غتجي للمغرب و بغات نتلاقاو، آجي انت بعدا، شفتك توانستي انت و ميسم مع دوك الجوج، نسمة : شكون؟ سيف : علاء و حمزة، نسمة : آه لا غير ضريفين و صافي، الواحد تيبغي معامن يتوانس، سيف : ههههه سيري الله يجعلني نتيق، نسمة : بففف المهم متقدرش تمشي معانا ياك، سيف : سمحيليا و الله كون غير علمتيني قبل كنت نشوف كيف ندير، نسمة : صافي معليش، أنا مشيت، سيف : نتابهي لراسك، نسمة : كون هاني، "بففف دابا غنمشيو غير حنا و مراد، بالحق معليش واخا مع الجماعة تتكون حسن و لكن هانية" ميسم : نسمة، مراد ميقدرش يمشي، صفاء مريضة راكي عارفة مع الوحم و دكشي ميقدرش يخليها بوحدها، نمشيو غير بثلاثة بينا، نسمة : لاااا متقوليهاش، حتا سيف ميقدرش يمشي عندو شي موعد ميقدرش يفلتو، ميسم : لا وااايلي، و شنو نديرو دبا؟ نسمة مسوقيش غنمشي، ميسم : بوحدنا؟ نسمة : و يكون، ميسم : خلي حتال غدا، نسمة : انا غادة مبغيتيش خليك هنا، ميسم : صافي سيري بوحدك، نسمة : لا زيدي قدامي، ميسم : عاد قلتي مبغيتيش خليك، نسمة : وا صافي يالاهي، ميسم : هههه زيدي زيدي
حطو دكشي اللي غيحتاجو فالطونوبيل و يالاه فاتو الباب حتا تيبان ليهم حمزة و علاء جايين، نسمة : شوفي شوفي شكون جاي، ميسم : هادو فوقاش جاو؟ نسمة : يالاهي نزلو لعندهم......نزلو من الطونوبيل و مشاو تيجريو لعندهم، نسمة : علاء توحشتك فوقاش جيتو؟ علاء : لبارح فالليل، ميسم : آه و مقلتوهاش لينا واخا فيكم، علاء : جينا عيانين و بغينا نخليوها مفاجأة ليكم، نسمة : أفضل مفاجأة، حمزة لاباس عليك؟ حمزة : بيخير، عندكم الصهد هنا، تما الجو مبرد، علاء : كنا دايزين لعندكم، واش غادين لشي بلاصة؟ ميسم : هابطين لبلاج، علاء : بوحدكم؟ ميسم : كنا غنمشيو مع سيف و مراد ساعا ممساليينش، و نسمة قالت والو نمشيو، علاء : و إلا مشا حتا تبسل عليكم شي واحد تما؟ نسمة : اصافي مكاينش دكشي..........علاء دار فيها واحد الشوفة تتخلع، نسمة : صافي صافي بلا متخنزر، شنو دبا منمشيوش حنا؟ حمزة : علاء آش بان ليك نمشيو معاهم؟ نسمة : اه فكرة زوينة، علاء : ولكن مكناش معولين، نسمة : عافاك عافاك، علاء : ههههه صافي واخا، انبدلو حوايجنا و نمشيو، نسمة : لا غير يالاه منتعطلوش كثر، حمزة : نمشيو هكا؟ نسمة : شورط و تيشورت، هادو هوما حوايج البحر أصلا، علاء : لا مفر، يالاه نمشيو بشرط، نسمة : شنو هو؟ علاء : أنا نسوق، و نديكم لواحد البلاج واعر مبعيدش بزاف غي. شي 12 كلم، نسمة : بشرط، علاء : ههههه شنو هو؟ نسمة : نركب القدام، علاء : امممم اتفقنا .