الحب لا يموت

الجزء 33

حطات راسها على الوسادة و بقات تتفكر فدكشي اللي وقع و تضحك غير بوحدها، حتا وصلها ميساج، كان من علاء، حلاتو وهي تلقا التصويرة ديالها فاش كانت ناعسة لبارح، نسمة (غوتات) : شنووو! لا ميمكنش، ميسم : مالكي تتغوتي قفزتيني، نسمة : شوفي.....وراتها التصويرة....،،ميسم : هادي انت، ولكن امتا صورها، لا بلاتي هادي را غير لبارح، ناااري باينة شهد هي مولات الفعلة، نسمة : حشومة عليها والله، انا نصوني ليها.....،.متتجاوبش، اويييلي على شوهة، ميسم : ولكن جيتي كيوت فحال شي بيبي ناعس، نسمة : انبدا بالبيبي ديالك عاود، ميسم : ههههه غي تنضحك، عادي دكشي تيوقع، نسمة : ولكن حتا انا را مخاوياش، ميسم : كيفاش؟ نسمة (وراتها التصويرة ديالو فاش كان صغير) : اويلي شكون هذا، لا متقوليش ليا علاء، خخخخخ شوفي كيكان، العفريتة منين ضبرتي عليها؟ نسمة : لبارح صورتها من الالبوم ديالو، ميسم : هي راكوم مقادين دبا، نسمة : دكشي اللي كاين نيت.....دازت ديك العشية عادية و فالليل نعسو بكري، الغد فاقو فطرو و دازو للورشة و داز النهار روتيني وممل، نسمة : بففف الملل، ميسم : وايييه كون تشوفي أنا، و حتا حمزة قرب يمشي و غنبقاو غير حنا و الريح، نسمة : نعيطو على شهد تخرج معانا؟ ميسم : شهد مسافرة مشات تشوف خالتها فمدينة أخرى و شداتها عندها، نسمة : اووف شتي دبا، وحتا علاء كاعما بقا سول، ميسم : تلقايه ملاهي مع الزعرات تما، نسمة : و يديرها زعما؟ ميسم : الرجال طبيعتهم وحدة، نسمة : لا متقوليش هكاك، سكتي صافي، فمك لاحسو كلب جاعر، ميسم : ههههه أنا غير قلت و صافي، العشية انخرج مع حمزة يالاهي معانا، نسمة : انت و صاحبك آش غنمشي ندير معاكوم؟ ميسم : عافاكي غير يالاه متبقايش بوحدك، نسمة : معنديش مشكل و الله غير سيرو، اصلا انا عيانة بغيت نمشي للدار نتساراح، ميسم : إلا كان هاكا صافي، يالاه هاني مشيت بالسلامة، نسمة : بالسلامة......بففف بقيت بوحدي، مكرهتش كون خرجت حتا انا ولكن معندي مندير معاهم، *علاء تيصوني* "ناااري علاء تيصوني" نسمة : آلو، علاء : لاباس عليك؟ توحشتك، نسمة : اه لاباس الحمد لله، وصلتي مزيان بعدا، علاء : آه مزيان، احم قلت ليك توحشتك مغادي تقولي حتا حاجة؟ نسمة : حتا أنا، علاء : واش تتحشمي مني ولا غير جاب ليا الله، نسمة : لا علاش؟ علاء : وليتي مبدلة، شوفي كوني غير على طبيعتك و هضري معايا عادي، لمكنتيش مرتاحة نخليك على خاطرك، نسمة : لا لا بالعكس حتا انا كنت باغا نهضر معاك، بقيت غير بوحدي هنايا قنطانة، علاء : فينك دبا؟ نسمة : فالورشة، ولكن دبا شوية غادي نخرج، مكرهتش كون بقيتي معايا والله متصورش بلاصتك قداش بقات خاوية، شوف غير نهار واحد و توحشتك، كيفاش باغيني نصبر شهر كامل، علاء : حتا انا توحشتك بزاف ولكن الخدمة آش ندير، غير ساليت الإجتماع و انا نصوني ليك، نسمة : اممم بصح، علاء : والله، نسمة : انت فالشركة دبا، علاء : وي، نسمة : واش عندك حتا انت سكرتيرة؟ علاء : ضروري، نسمة : و كيمدايرة؟ علاء : تيتيزة العوينات زورق و الشعر زعر و الفيم غوز، نسمة : تتجبدني دبا، علاء : هههه غير تنضحك معاك، شنو غندير بوجهها أنا المهم را تدير خدمتها، غرتي ياكي، نسمة : ماشي من حقي؟ علاء : لا بالعكس، نسمة : عرفتي تشوف فشي وحدة نحيد ليك عينيك و نديرهم فبواطا و بقا تديهم معاك للخدمة، علاء : ناااري وليتي تتخلعيني، عرفتي شنو خلينا غير خوت عينيا عزاز عليا، نسمة : علا حنا شنو دبا ؟ علاء : عشاق، نسمة : ههههه ويتك ويتك، علاء : حتا انت تشوفي فشي واحد ذنوبك على راسك، نسمة : لا توصي، علاء : يالاه نخليك دبا من بعد نهضرو، نسمة : واخا، علاء : تنبغيك، نسمة : شنووو، علاء : و أنت؟ نسمة : صافي راك عارف، علاء : لا بغيت نسمعها منك، نسمة : حتا انا، تنبغيك......قالتها و قطعات بالزربة و جلسات تضحك غير بوحدها حتا دخلات عليها نجاة : مالكي تضحكي آش اللي مفرحك لهاد الدرجة؟ نسمة : والو اخالتي، نجاة : اممم الله يجعلني نتيق، انا خارجة دبا لبغيتي نوصلك معايا، نسمة : بلا منعدبك معايا، نجاة : ايوا شتي دبا ،اشمن عذاب واش انهزك فوق ضهري، نسمة : على هاد الحساب واخا، أنا نهز صاكي و نجي، *فالطونوبيل* أتمشي للدار ولا نوصلك لشي بلاصة، نسمة : معرفتش نمشي للدار واخا معندي ميدار ولكن صافي، نجاة : يالاهي معايا ونسيني حتا انا بقيت غير بوحدي، نسمة : واخا
مشاو للدار و دارو آتاي و جلسو تيهضرو، نسمة عاودات ليها كلشي على علاء حيت حاسباها ماماها قبل متكون صحبتها، نجاة : هدشي كلو واقع و انا مفراسي خبار، شحال هادي كنتي تتعاودي ليا انا اللولة، نسمة : غير مجاتش الفرصة و صافي، شكرا على كسكروط خصني نمشي للدار قبل ميضلام الحال، نجاة : واخا و بقاي دوزي لعندي و را بغيت نتعرف على علاء فأقرب فرصة نعرف راجل بنتي كيف داير، نسمة : غير يجي و نديرو وقت ندوزو لعندك، يالاه بالسلامة، نجاة : بالسلامة