الحب لا يموت

الجزء 46

حلو عينيهم على صوت الغوات، ناضو قافزين لقاو باباهم واقف على راسهم : زيدي قدامي، نسمة : فين، السي حمد : للطبيب، نسمة : لا لا منقدرش انا ما درت والو باش نمشي.....جا جرها من يديها بزز و داها، جات ميسم بغات تحبسو و هو يدفعها و جات عمتها و جداها شدوها و هو جر نسمة بزز داها للطبيب قلباتها الطبيبة و قالت ليه بنتك عمر مسها شي واحد و عطاتو الشهادة و هو رجعها فرحان للدار و حدو قاليها : إيوا مزيان بعدا درتي شي حاجة زوينة، طلعي فحالك.....طلعات غطات راسها و تتحاول تستوعب دكشي اللي دار و مفهماتش علاش دار هكا وعلاش هاد التحول الجدري اللي وقع فيه من نهار تزوج بديك نورة، ياك كانو هوما قرة عينيه و ما كانش يسمح لشي واحد يآذيهم و دبا هو تيضرهم بيديه، علاش تتحس باللي عائلتها و كلشي واقف ضدها، جات عندها ميسم ما بغاتش تهضر معاها، علاء العشية كلها و هو تيصوني ليها ووالو، الغد مافاقتش و ما كلات والو، و النهار كامل هكاك، فالليل نعسات فالبيت بوحدها حتا تتسمع الصوت ديال البالكون تيتحل، حلات عينيها و هي تلقا علاء واقف حداها، نسمة : علاء ! شنو تدير هنا، واش عارف شنو غادي يوقع إلى شافك شي واحد هنا؟ علاء : مقدرتش نخليك بوحدك هكا، نسمة : كيدرتي دخلتي؟ علاء : نقزت السور و عاوناتني ميسم باش ندخل، نسمة : شنو درتي معاه لبارح؟ علاء : هضرت معاه ما بغاش بالطبع، قاليا نبعد منك، نسمة : علاء منقدرش نعيش أنا هكا، منقدرش نكمل معاك هدشي ما غادي يوصلنا لوالو، غادي غير نجبد ليك الصداع فحياتك و مع عائلتك، علاء : متقوليش هاكا الله يخلي ليك ما عز عليك، نسمة : أنت أعز واحد عندي ولكن منقدرش نآذيك معايا، ما كاينش الحل، علاء : لا كاين الحل، نسمة : شنو هو، علاء : نهربو، نسمة : ولكن، كيفاش، منقدرش، علاء : علاش اللي متقدريش؟ نسمة : أنا مرتبطة بهنا، خدمتي و عائلتي و ذكريات و كلشي، منقدرش ننفصل عليهم، علاء : كوني شجاعة فحال ختك و غامري شوية، إلا بقيتي هاكا عمرك غادي غتنجحي، نسمة : علاش مال ختي؟ علاء : هانتي سمعي حنا تافقنا كلنا بقيتي غير أنت، واش فنظرك باباك غيقبل حمزة و ميسم يتزوجو؟ كون عرف را حتا هوما مرتبطين كان غيحاول ما فجهدو باش يفرقهم فحالي تيدير لينا، غادي نبيعو نصيبنا فالشركة و نتزوجو و نمشيو لبرا نأسسو حياتنا من الأول، غير البداية اللي غادي تكون صعيبة ولكن فالاخير غادي نولفو دغيا، حتا سيف راه متافق معانا و غادي يحاول ما فجهدو باش يعاوننا، حتا واحد ما غادي يرضا على هاد الوضع اللي نتوما فيه، حنا متنديروش شي حاجة اللي عيب ولا حرام حنا غادي نتزوجو و نتجمعو فالحلال، يكفي أنك توافقي و كلشي غادي يكون مزيان، خلي الماضي ورانا و يالاهي معانا، غير حنا، نبنيو مستقبلنا و نعيشو كيفما تمنينا، نسمة : تحمست فالحقيقة، ولكن واش كلشي غادي يكون كيفما قلتي، علاء : أنا معاك متخافي من حتا حاجة، نسمة : و فوقاش نديرو هدشي؟ علاء : هانتي أول حاجة غادي نخلقو مشكل فالشركة اللي يخلينا نبغيو نخرجو منها حيت غير إلا جينا و خرجنا غادي يعرفو كاينة شي حاجة، فهاد الوقت غادي نوجدو الوراق ديالنا و فاش يطلعو غادي نمشيو للعدول نديرو العقد و نقطعو الطيارة و نمشيو، نسمة : و فين انمشيو بالضبط؟ علاء : نمشيو لفرنسا نبقاو فدارنا مع والديا تما حتا نقادو أمورنا و نستقرو عاد نشوفو دكشي لاخر، و أي حاجة غادي توقع هنا را غادي يعلمنا سيف، شنو بان ليك، نسمة : واخا صعيبة ولكن أنا معاكم فأي حاجة درتوها، علاء : عارفها صعيبة عليك و بزاف ولكن اللهم هكا ولا تعيشي العذاب هنا، نسمة (ضحكات) : انا معاكم حتال اللخر، علاء : آه و سمعي فهاد الوقت تصرفي عادي فحالا اقتنعتي بهضرتهم، مغديش نبقاو نتلاقاو غير ميساجات مرة مرة و صافي، و أي حاجة عندها علاقة بيا ما تبقاش، و قوليليهم را حنا تفرقنا، بينما وجدنا كلشي و نمشيو، نسمة (عنقاتو) : حياتي أنت، أنا كنتيق فيك و غادي نبقا معاك ديما، علاء : يالاه أنا نمشي قبل ما يحصلنا شي واحد و نصدقو فالمشاكل، نسمة : رد البال لراسك، علاء (باسها فجبهتها و حناكها) : بالسلامة، خرج و هي بقات جالسة تتفكر فهضرتو حتا داها النعاس .
الصباح فطرات مع عائلتها فالسكات، و خرجات هي و ميسم للجردة تناقشو فدكشي مزيان و قرروا انهم ما يتراجعوش واخا يوقع اللي وقع،  ميسم : آه حقا مفراسكش، نسمة : شنو، ميسم : مراد و صفاء غادي يخرجو يسكنو بوحدهم،  نسمة : وايلي واش بصح، ميسم : آه لبارح عاد قالوها، نسمة : و بابا شنو قال؟ ميسم : قاليهم صافي، نسمة : بهاد السهولة؟ ميسم : خليهم نيت حسن ليهم والله، نسمة : آه بصح، ميسم : و نورة غادي تجي تبات معانا ليوم، نسمة : بوحدها؟ ميسم : أغلب الظن آه، نسمة : خليهم دبا ما سوقيش فيهم يديرو اللي بغاو حنا قرابين نتهناو من هدشي فمرة، ميسم : الحياة السعيدة يا ختي، نسمة : يكفي تكوني أنت و علاء معايا مخصني حتا واحد آخر، ميسم : يكفي تكوني أنت و حمزة معايا مخصني حتا واحد .