الحب لا يموت

الجزء 15

تسمة : شوفي هاد الكسوة كيجاتك؟ ميسم : واااو هادي تتجيك فنة، عقلتي كانت عندي وحدة فحالها و كنت تنجري و طحت بيها ههههه، نسمة : ههههه وي عقلت، تجيني زوينة؟ ميسم : كتجيك واعرة، لبسيها و آجي ندير ليك شوية الماكياج، نسمة : بلاش، ميسم : غير شوية عافاك، نسمة : ايوا بلاتي نلبس بعدا........لبساتها جاتها فنة، الكسوة بيضاء تحت الركبة شوية بسماطي و فيها وريدات بيضين و لبسات معاها جاكيت جينز زرق، نسمة : كيجات؟ ميسم : واو تحمقي، آجي نقاد ليك شعرك و ندير ليك شوية المكياج، نسمة : بشرط، حتا انت، ميسم : هههه صافي واخا....دارت ليها ميكاب خفيف، كحل و مسكارة جاوها واعرين مع عينيها كبار و زيتيين زادو بانو و أحمر شفاه فالغوز فاتح تيلمع شوية و شعرها رطب و طويل بوكلاتو و طلقاتو غطا ظهرها و جاها واعر، ميسم : واااو جيتي واعرة اصحبتي، نسمة : اممم شحال هادي ملبست و قاديت، ميسم : ليوم علاء عقلو يخرج، نسمة : سكتي سكتي و جلسي نقاد ليك.....ميسم لبسات كسوة بيضا فيها وريدات فالغوز حد الركبة و نص كم و فيها فتحة فالكتاف و جمعات شعرها ديل الحصان و دارت كلوز و ايلاينر و مسكارا و دارو طريبشات فالابيض و هزو صيكانهم و خرجو، مشاو للورشة و بقاو خدامين مرة يهضرو مرة يخدمو مرة يضحكو حتا وصلات 14:00، ميسم : أنا نمشي نجيب الغداء و نجي، نسمة : واخا.......بقات نسمة خدامة فالبيرو ديالها حتا سمعات الدقان، نسمة : دخل، علاء : نسومي، نسمة : علاء، باقي الحال على الوقت، علاء : عارف، و لكن أنا بغيت نشوف نسمة كيف تتكون فالخدمة ديالها، نسمة : مرحبا بك، علاء : واش خارجة لشي بلاصة؟ نسمة : لا علاش؟ علاء : جيتيني مبدلة و صافي، نسمة : شنو واش جيت خايبة، علاء : لا بالعكس جيتي زوينة، نسمة : و شنو؟ علاء : غير أنا عندي فكرة، ربما تجيك غريبة شوية، ولكن تتعجبني البنت اللي تتخلي الزينة ديالها غير لراجلها، تتعجبني البنت تكون بسيطة و طبيعية، متيعجبنيش التصنع، نسمة : صافي، علاء : شوفي فيا، ميبقاش فيك الحال، راكي جيتي زوينة يا هاد الحمقة، ولكن الأنثى راها حاجة ثمينة، و حاجة اللي عندها قيمة ماشي غير آجي ووصل ليها، هانتي شوفي معايا، الذهب و الألماس و النفط و كاع الأشياء اللي عندها قيمة تتكون مخزونة تحت الأرض، تيخصهم يحفرو و تيبقاو شحال تيقلبو عاد تيوصلو ليها، و فاش تيلقاوها تتكون القيمة ديالها طالعة بزاف، و تتكون ثمينة، أما الحاجة اللي معندها قيمة حتا واحد متيديها فيها، واش فهمتي قصدي؟نسمة : آه فهمت، علاء : نتمنى تكوني تقبلتي النصيحة ديالي، عتابري فحالا نصحك سيف ولا مراد، نسمة: و لكن أنت ماشي سيف و ماشي مراد، علاء : هههه واخا يا لالا غير بقاي على خاطرك.........ناض علاء من الكرسي و بقا تيشوف فيها، قرب ليها حتا مبقا بيناتهم والو، مد يديه و هز واحد الصندوق كان وراها، و هي قلبها كان ايسكت من كثرة ما كان تيضرب، علاء : ديالك هذا؟ نسمة : آه، كان ديال ماما، دورو را تيدير الموسيقى، علاء : ذكرى زوينة، نسمة : آه.......ميسم: هانا جيييت، علاء مرحبا، علاء : مرحبا بك، ميسم : جيتي بكري، مجاش معاك حمزة؟ علاء : لا قلتها ليه قاليا مفيه اللي يجي، ميسم : خليه، آجي ناكلو و نخرجو نيت أنا عييت، نسمة : واخا.........كلاو غذاهوم و خرجو تيدورو فالمدينة و تيهضرو، نسمة : قوليا اعلاء، علاء : نعام، نسمة : فوقاش اتكمل الشقة ديالك؟ علاء : را كملات، جمعت حوايجي و كلشي، نهار الخميس انتحول، ميسم : واش حتا حمزة ايمشي نهار الخميس؟ علاء : آه انمشيو بجوج، نسمة : واش ساكنين حدا بعضكم؟ علاء : آه فنفس الطابق حنا جيران، نسمة : اممم مزيان، علاء : ظلام الحال يالاه نرجعو، نسمة و ميسم : يالاه .
رجعو للدار بدلو حوايجهم و طفاو الضو و جلسو تيهضرو، ميسم : حمزة عصبني فاش مجاش، نسمة : و علاء عصبني، عرفتي شنو قال ليا؟ ميسم : شنو قال؟ قاليا بأن البنت تتخلي الزينة ديالها لراجلها و متخرجش بيها، ميسم : تلقايه غير غار عليك، نسمة : علاش ايغير هو أصلا متيبغينيش، ميسم : و أنت؟ نسمة: معرفتش، تيعجبني نبقا معاه و نهضر معاه، تتعجبني شخصيتو و ضحكتو، ولكن باش نقوليك تنبغيه لا، و أنت؟ ميسم : أنا شنو؟ نسمة : حمزة؟ ميسم : نفس الشيء، إعجاب و صافي، نسمة : علاء مدايرني غير ختو و صافي، ميسم، ميسم : نعام، نسمة : انريح راسي واحد الشوية، انحيد النمرة و كلشي، خليني بعيدة عليه شي وقت باش نعرف واش بصح إعجاب ولا غير نزوة عابرة، ميسم : صافي حتا أنا أندير نفس الشيء، نسمة: و إذا تلاقيناهم نخليو حدود بيناتنا، ميسم : متافقة معاك......آجي بعدا، صفاء كملات ربع شهور فالحمل، شفتي كرشها بدأت تتكبر، نسمة : آه شفتها، واااو سعداتها، ميسم : ههههه