الحب لا يموت

الجزء 19

حمزة : ولا كان هدشي بصح علاش فنظرك دارت هكاك، علاء : وشكون عرف، حمزة : و دابا شنو تتحس من جيهتها؟ علاء : معرفتش بالضبط، تنكرهها، و فنفس الوقت تنتمنى ميكونش دكشي اللي وقع بصح، ميكونش دكشي اللي سمعت بصح، حمزة : الكره رآه جزء من الحب، حتا هو شعور، و متيكونش لكلشي، حيت كون مكانتش تتهمك مكنتيش غتأثر لهاد الدرجة، مكنتيش غتبقا سهران لهاد الوقت، كنتي غادي تقبلها و غيجيك الأمر عادي، هدشي تيعني أنها مهمة بالنسبة ليك، عندها مكانة مادامت شاغلة تفكيرك لهاد الدرجة، خود وقتك وريح راسك و خلي الباقي للوقت، إذا كنتي تقدر سير تعرف على شي بنات آخرين و شوف واش اتنساها، إلا نسيتيها عرف را غير نزوة و حسن منين وقع هدشي، وإلا راك بصح تتبغيها، و منها نيت عرف ردة فعلها واش تتبادلك نفس الشعور ولا لا، علاء : عندك الصح، حمزة : يالاه هانا مشيت حتال غدا و ندوز عليك، علاء : سمح ليا فيقتك فهاد الليل، حمزة : را كنت فايق، و نيت كان بالي مشوش عليك، علاء : هههه و جاي بحوايج النعاس، حمزة : وايييه اصحبي، نضت من الفراش لعندك، را الدار قدامك بغيتي شي حاجة فأي وقت حل الباب و دق عليا ولا غير صوني را ندوز عندك، علاء : العز اصحبي لهلا يخطيك، حمزة : غير بقا لينا على خاطرك، تهلا اصحبي تال غدا، علاء : بالسلامة .
دازت ديك الليلة كل واحد بات تيفكر، حتا صبح الحال و طلعات الشمس و حلات نسمة عينيها على صوت العصافير تيزقزقو، لقات ميسم غارقة فسابع نومة، بالكشايف باش فاقت، قادو ريوسهم و مشاو للدار باش يشوفو شنو غيديرو فدكشي ديال لبارح،
مشاو للدار كان كلشي باقي ناعس، طلعو لبيتهم بدلو حوايجهم و هو يصوني التلفون ديال نسمة : آلو، سيف : نسمة ختي فينك؟ نسمة : انا فالدار، سيف : فين؟ نسمة : فبيتي، سيف : تسناي أنا جاي لعندك، نسمة : واخا، ميسم : شكون؟ نسمة : غير سيف....."الدقان" نسمة : دخل، سيف (عنقها) : حبيبتي فين كنتي، الليل كلو منعستش، نسمة : كنا بجوج، سيف : جلسي بغيت نهضر معاك، نسمة : واخا، سيف : أنت عارفاني علاياش انهضر، المهم سمعيني، أنا مغنسولك على حتا حاجة، إلا مبغيتيش تقولي مغنبززش عليك، حاجة وحدة اللي بغيت نعرف، واش أنت باغا تزوجي بأسامة؟ نسمة : لا لا لا، سيف : صافي غير تهناي هاد الزواج هو اللي عمرو يكون، هانتي هبطي را كلشي مجموع و بابا بغا يهضر معاك، و متخافيش انا غنكون فجنبك فأي حاجة قلتيها، نسمة (عنقاتو) : شكرا بزاف، سيف : يا الحمقة راكي ختي علا انا شحال عندي منك، ميسم : جوج، نسمة : ههههه، سيف : عندي نسمة وحدة و ميسم وحدة غير تهناي، ميسم : ههههه عارفة غير تنضحك، سيف : يالاه نهبطو.....هبطو للصالون لقاو كلشي مجموع، السي حمد : فين كنتي؟ نسمة : كنت غير هنا، السي حمد : اجي جلسي نهضر معاك....دابا عجبك دكشي اللي وقع لبارح؟ نسمة : ونتوما عجبكم؟ حتا واحد معجبو، كون جيتو قلتوها ليا من الأول مكنتش غنقبل، مكانش غيوقع هدشي كامل، السي حمد : الدري كامل مكمول قاري و خدام و بفلوسو و زوين و تتعرفيه من صغرك، نسمة : ولكن مبغيتوش، أصلا متنفكرش نتزوج دبا، السي حمد : علاش شنو ناقصو؟ بحال دبا بحال من هنا خمس سنين، و شنو نقول لنورة دبا؟ نسمة : مسوقيش و متيهمنيش بيناتكم دكشي و قوليها تشد عليا ولدها أصلا هو من شحال هادي و هو تابعني و النهار اللي شافتني فيه عمتي كان باغي يهضر معايا بزز، السي حمد : شنو هاد الهضرة دبا، سيف : بابا صافي هي مبغاتوش واش غتزوجهم صحا و أصلا رآها كبيرة و بعقلها و داك الزواج التقليدي مبقاش واكل فهاد الوقت خليها على خاطرها، السي حمد : ضبرو راسكم و تحملو المسؤولية غير نهار يوقع ليها شي مشكل مع شي واحد متجيش لعندي، نسمة : مغنجيش غير تهنا، الجدة : صافي منين تحل المشكل زيدو تفطرو و كل واحد يمشي لشغالو.....فطرو و مشاو البنات للورشة، ميسم : هانتي سمعي، أنا غنصوني لحمزة نشوفو فين كاين علاء و سيري تبعيه شوفي شنو تيدير، نسمة : لا أنا انمشي لعندو و نواجهو، انشرح ليه كلشي و نفهمو، على الأقل مبغيتوش يبقا واخد عليا نظرة خايبة، واخا يكرهني، المهم يفهم الواقع، ميسم : متأكدة؟ نسمة : آه، هذا هو أفضل حل، ميسم : شوفي اللي يريحك ديريه، أنا غنصوني ليه، نسمة : واخا، ميسم : هاوا تيصوني، آلو خويا حمزة، حمزة : خويا؟! زوينة هادي، صافي غير ختك واقع ليها مشكل مع صاحبي جمعيني حتا انا، ميسم : علاش شنو قلت ليك دبا؟ حمزة : من فوقاش وانا خوك؟ ميسم : هههههه، المهم سمع بغيت ندوي معاك فشي حاجة، حمزة : تنسمعك، ميسم : المهم من اللخر بغيت نعرف فين نقدر نلقا علاء، حمزة : شنو بغيتيه؟ ميسم : ماشي انا، نسمة اللي بغاتو، بغينا نحلو المشكل محدو باقي جديد، حمزة : معرفتش ولكن هو باقي متأثر بدكشي، معرفتش واش هذا حل مزيان ولا لا، ميسم : كيفاش متأثر؟ حمزة : لبارح دزت لعندو كان طالع ليه الدم، ميسم : دبا غتقوليا ولا لا؟ را من الأفضل نخليو الأمر بيناتهم هوما يحلوه، حمزة : ليوم الأربعاء غالبا تيكون فلاصال، وإلا غتلقاه حدا البحر جهة المرسى، ميسم : فين جات هاد لاصال، حمزة : دابا نسيفط ليك البلاصة، ميسم : صافي شكرا، حمزة : مكاين المشكل، انت صافا بعدا؟ ميسم : صافا مزيان، خاص غير يتحل هاد المشكل باش نتهنا......حمزة : وي بصح، يالاه خليتك دبا، ميسم : بالسلامة.....