الحب لا يموت

الجزء 32

جرات الريدو على الشرجم و بان ليها علاء واقف قدام الباب، بقات ساهية فيه حتا هز عينو فجأة و شافها، جات عينيه فعينيها و هي دغيا سدات الريدو و و بقات مسمرة فبلاصتها "ناااري شتي دبا شفتو غير من بعيد و مقدرتش نطول فيه الشوفة، لا منقدرش نهبط لعندو منقدرش نشوف فيه لا ميمكنش" تتهضر مع راسها حتا وصلها ميساج منو "مالكي مخبعة ياكما غناكلك، نزلي تفطري را شدوني نفطر معاكم عاد نمشي، و منها نيت نلقا الوقت باش نهضر معاك، باغي نقوليك شي هضرة ضروري، و منها نيت نشبع عيني من دوك العوينات" ناااري هذا ولا تيتغزل فيا نيشان، ناري قلبي غنسخف، و عاد تيتسناني نسمعو شنو ايقول، ميسم : نسمة شنو باقا تديري هنا نزلي دغيا، نسمة : لا ويلي منقدرش أنا غير شفتو مبقيتش قادرة نخرج الهضرة مقادة، لا انا انبقا هنا حتا يمشي، ميسم : واش تتسطاي عليا ولا شنو؟ زيدي قدامي، نسمة : نااري مبقيتش تنعرف نتمشى بالطالون، ميسم : اويلي حتا ربعة سنتيم تتسميه طالون، الرجوع الله شدي فراسك شوية، واش هادي أول مرة تشوفيه، هانتي تهدني و تنفسي مزيان و غيدوز كلشي مزيان، نسمة : را هاد المرة ماشي فحال شحال هادي، من لبارح لليوم را كلشي فحياتي تبدل، ميسم : غير متزيريش على راسك و يالاه نهبطو، نسمة : يالاه....هبطو و الخلعة مبغاتش تحيد منها، غير شافتو قلبها بدا تيضرب عاود بالجهد و تفكرات الموقف ديال البارح، ميسم (تتهضر بشوية) : قولي السلام اصحبتي، نسمة : ااه، احم صباح الخير عليكم، أهلا خويا علاء لاباس عليك، علاء (تيخنزر) : الحمد لله هاد الساعة، نسمة : اه......جلسات فبلاصتها و كانت اونفاص مع علاء، هزات راسها لقاتو تيشوف فيها و هو يغمزها، كان تتشرب و هي توحل ليها، نسمة : كح كح كح، سيف : بسم الله عليك هاكي الماء، بشوية عليك، لاباس عليك......من تما مبقات هزات راسها فيه، ماكملو داك الفطور حتا غفر ليها ربي كاع دنوبها، علاء : الله يخلف و شكرا على الفطور و حيت بقات معاكم شهد لبارح، السي حمد : الله اودي، مالك مزروب جلس تغدا معانا، علاء : مكرهتش وليني مازال تابعني السفر خصني نمشي لفرنسا على ود شي خدمة، السي حمد : هي غطول، علاء : شهر منفوتوش، السي حمد : ايوا فاش ترجع دوز عندنا ضروري، علاء : الله أودي إن شاء الله ندوزو فساعة الخير، عافاك بغيت لافابو نغسل يدي، ميسم : اه هايا نسمة توريك فين، نسمة سيري مع السيد، نسمة : آ واش أنا، ميسم : واش كاينة شي نسمة أخرى من غيرك، نسمة : واخا، آجي معايا....بقات طالعة و هو تابعها حتا وصلاتو و كانت راجعة و هو يشد ليها يديها، علاء : معندك مازال فين تهربي، نسمة (متوترة) : لا زعما، علاء : زعما شنو، متوحشتينيش؟ نسمة "ناااري هذا واش باغي يفضيها معايا ولا شنو" علاء :جيتي زوينة ليوم، هو فالحقيقة انت ديما طوب ولكن هاد النهار شي حاجة واعرة، "دابا شنو أندير شنو هاد الوحلة" نسمة : احم احم اه شكرا، انا تنتسناك لتحت، علاء : مباغاش تعرفي شنو انقوليك؟ "لهلا يوريك انا را منعستش من كثرة ما ضرني راسي" نسمة : شنو هاد الهضرة......فلحظة مكانتش متوقعاها فمرة شدها من الخصر ديالها و جرها لعندو و نطابقات الشفاه ديالهم وتخلطو الأنفاس ديالهم و فحالا الوقت حبس و بقا تيتسمع غير صوت دقات قلبهم، حطات يدها على قلبو و حسات بيه تيضرب بزاف، معرفاتش شحال ديال الوقت داز و هوما على داك الوضع، بعد عليها شوية وطبع قبلة على عنقها و همس ليها فودنيها "انتوحشك بزاف" حلات عينيها ببطء.....كان تيشوف فيها بواحد النظرة أول مرة تشوفها، معرفاتش تفسرها، أو بالأحرى ملقاتش الكلمات اللي توصفها، فحالا كان غارق فشي عالم آخر و عاد فاق، حتا سمعات شهد تتعيط لعلاء باش ينزل، طلقات منو و طلعات تتجري لبيتها سدات عليها الباب و حطات يدها على قلبها تتفكر ديك اللحظة.........
هز علاء راسو فالمراية لقا فمو فيه الآثار ديال العكر، ضحك على راسو و مسحو دغيا و نزل، سلم عليهم و خرج هو و شهد، غير سمعات نسمة الصوت ديال الطونوبيل مشات تتجري طل لقاتو غادي، بقات متبعا الطونوبيل بعينيها حتا مبقاتش تتبان، دخلات عليها ميسم و مشات جلسات حداها، ميسم : ناااري عرفتي شنو، حتا حمزة ايمشي لفرنسا من هنا لخمس أيام و غيرجع مع علاء، ناااري غادي نتوحشو بزاف، نسمة معاك تنهضر فين ساهية، نسمة : هااا، ميسم (تتعيبها) : هاااا، كيفاش هااا را تنهضر معاك واش سمعتيني، أه حقا مقلتيش ليا شنو قاليك علاء، باينة شي حاجة زوينة، نسمة : اه، ميسم : و شنو هي؟ اتقوليليا ياكي أنا ختك، نسمة : باسني، ميسم : شنووو، واش باسك باسك، منين واش من فمك، نسمة : آه، ميسم : ناااري هدشي عندكم زويين، إيوا هانتي السي علاء حتا هو مصدقش ساهل، و أنا تنقول مال العكر تخسر هاهاها، ضسرتي ضسرتي، عاوديليا شنو دار واش بحال دكشي ديال الأفلام، نسمة : آه، ميسم : إيوا عاودي ليا، نسمة : شنو انعاود ليك، حط يدو على جنبي و جرني لعندو و باسني صافي، ميسم : لا لا انت زربتي عليا و أنت حالتك باينة دكشي كان زوين عاوديليا من الأول.......عاودات ليها نسمة كلشي بالتفصيل الممل، ميسم : ويتك على عصافير الحب، وليني صدقتو مساهلينش، و أنا حمزة حتا يدي عمرو شد فيها، نسمة : ميسم، أنا غادي نبدل عليا و نعس را الليل كلو مناعساش، ميسم : واخا ابب