الحب لا يموت

الجزء 59

نسمة : وا شنو غادي نشرح ليك شنو؟ واش سحابليك ساهلة نقول راه كان تيتحرش بيا من صغري؟ حياتي كلها و هو تابعني و محرم عليا عيشتي، وليت تنخاف من كلشي و من أي حاجة، مقدرت نقولها لحتا واحد حيت حتا واحد ما كان غيتيقني، كان ديما تيهددني يقتلني ولا يدير ليا شي حاجة، انت الشخص الوحيد اللي ارتاحيت ليه و بغيتو، عافاك فهمني را ماشي لخاطري، علاء : ولكن علاااااش علاش متقوليهاش ليا من الاول؟ نسمة : مقدرتش نقولها ليك فهمني عافاك، علاء : لبارح عاد واعديتيني عمرك تخبي عليا شي حاجة، علاش درتي هاكا علاش، نسمة : اهئ اهئ عافاك فهمني، علاء : شنو كان تيدير ليك؟ نسمة : كان ديما تابعني، كان تيبقا يقيسني و يتلمس فيا، علاء : صافي صافي دبا، نسمة : علاء فين غادي؟ علاء : انا منقدرش نبقا هكا، نسمة : واش غادي تخليني؟ علاء : معرفتش، نسمة : غادي نطالقو! علاء : معرفتش معرفتش مغنقوليك والو دبا، خليني انا معصب مبغيت نهضر مع حتا واحد، متبعينيش و متسوليش فيا.....خرج و خلاها غارقة بوحدها فدموعها، جات عندها الحاجة مينا تتعنقها و تواسيها، عاودات ليها نسمة كلشي من لأول و هي تفهماتها و بقات معاها، علاء ما عرفوه فين مشا، داز داك النهار كلو و هي تتسناه يرجع، ووالو، داز الليل و جا الصباح و ما بانش ليه الأثر، عيات تصوني ليه تيليفونو طافي متيجاوبش، داز نهار و يومين و أسبوع كانت غادي تسطا، نسمة : خالتي غادي نقولها لحمزة هو يقدر يعرف فين هو، الحاجة مينا : ولكن....نسمة : ما كاين حتا ولكن أصلا ما بقا ما يتخبا، خايفة غير ليمشي يقتلو ولا يدير ليه شي حاجة، خالتي انت ما عارفاش علاء فاش تيتعصب كيفاش تيولي، الحاجة مينا : معندي منقول ليك ابنتي، اللي بان ليك ديريه، تاصلات نسمة بميسم قالت ليها تجي دبا باش تهضر معاها و يجي معاها حمزة، فاش جات دخلو للبيت عاودات ليها نسمة كلشي بالتفصيل و ميسم بقات غير مصدومة، ميسم : معرفت منقول والله، ولكن علاش مقلتيش ليا هدشي من قبل؟ نسمة : وا مقدرتش نقولها لحتا واحد، معرفت مندير دبا والله، ميسم : و لكن هوا ما كانش عليه يخليك هكا و يمشي، أنت ما ليك حتا شي ذنب فهدشي، نسمة : واش غلطت فنظرك؟ ميسم : ربما كان عليك تقوليها ليه و صافي، كون راه كان باغي يعرفها منك، الطريفة باش عرفها خايبة بزاف، حطي راسك فبلاصتو و شوفي، نسمة و شنو ندير دبا؟ عرفتي شنو عافاكي شوفي كيفاش تهضري مع حمزة يشوف لينا كيفاش يدير يهضر مع علاء نعرف غير فين هو على الأقل، ميسم : صافي ولا عليك انا عارفة كيفاش ندير باش نهضر معاه، نسمة : واخا......هضرات ميسم مع حمزة و ما عاوداتش ليه كلشي، قالت ليه را نسمة تخاصمات مع علاء و هو غبر و بغات غير تعرف بلاصتو باش ترتاح شوية، بقا شحال حمزة تيصوني عليه فنمرة أخرى ووالو، حتا قرر يجرب واحد النمرة تاع المغرب، بقات تتصوني حتا قطعات، نسمة : علاش متيجاوبش علاااش، حمزة : واخا ميجاوبش ماشي مهم، المهم أننا عرفنا فين هو، نسمة : فين فين؟ حمزة : انا متأكد غادي يكون فالمغرب، حيت هاد النمرة كان جابها معاه لفرنسا و منين تتصوني يعني أنه فالمغرب و داها معاه، يالاه نمشيو حنا للدار شوفي واش كاين الباسبور تاعو تما إلا ما كانش صافي غادي نتأكدو، نسمة : واخا.......مشاو للدار غير دخلات مشات تتجري للبيت قلبات فالمكتب ما لقاتوش كان ديما تيحطو تما عرفو راه بصح هبط للمغرب، نسمة : غادي نشد الطيارة دبا، ميسم : اويلي فين غتمشي؟ نسمة : منقدرش نبقا هنا، غادي نمشي للمغرب، ميسم : ولكن حنا ما عارفينش فين هو بالضبط، نسمة : ما شغليش، ميسم : حتا أنا انمشي معاك، نسمة : لا معندك ما تمشي ديري، ميسم : ولكن، نسمة : ما تخافيش عليا، أنا غادي نقولها لخالتي مينا و نمشي، ميسم : وا بلاتي نمشي معاك غير للمطار بعدا، نسمة : واخا، انعيط على خالتي بعدا هي اللولة، نسمة : آلو خالتي، الحاجة مينا : امضرا؟ نسمة : راه هبط للمغرب، أنا غادي نلحق عليه، عيطت ليك غير باش نعلمك، الحاجة مينا : شكون غادي يمشي معاك؟ نسمة : بوحدي، الحاجة مينا : لا ميمكنش نخليك تمشي بوحدك ضروري ما يمشي معاك شي واحد، نسمة : بلاش اخالتي متيحتاجش، الحاجة مينا : غادي نسيفط صهيب يمشي معاك راه تيقة و غيوقف معاك، نسمة : ايوا واخا اخالتي، الحاجة مينا : باش ما كان علميني، نسمة : صافي .
مشاو للمطار جا صهيب قطعو البيي تاع الطيارة و بقاو تيتسناوها توصل، كان الليل طاح ديك الساعة فاش جات الطيارة، جلسو حدا بعض و انطلقت الطيارة فالسما، صهيب : غير نعسي حتا نوصلو و نفيقك، نسمة : ما غاديش يديني النعاس غير خليني، صهيب : واخا نسولك، نسمة : وي تفضل.......