ميسم : نسمة فيقي، فيقي بغيت نهضر معاك، نسمة : خليني، ميسم : نعاسة نوضي نقوليك جوج كلمات و كملي نعاسك، نسمة : خليهم حتال غدا، ميسم : لا دبا نوضي صافي، نسمة : اوووف شحال فيك ديال الصداع، الثلاثة دبا، واش عاد جيتي؟ ميسم : لا جيت قبيلة و كنت باغا نعاود ليك و قلت حشومة نفيقك حتال غدا ولكن مقدرتش نصبر، نسمة : يالاه قولي دغيا، ميسم : وا ديري شوية الحماس لهدشي اللي غنعاود ليك، نسمة : واش تتفلاي عليا مفيقاني فنص الليل و تتهضري على الحماس منيتك، ميسم : صافي نعسي، نسمة : وا غا هضري دابا فقت فين هو هاد النعاس، ميسم : صافي بلاش، نسمة : ياربي الصبر، واش متقوليش دبا؟ ميسم : لا، نسمة : بناقص هنيتيني، ميسم : بونوي......نسمة مع راسها "شنو تكون زعما هاد الحاجة اللي مفيقاني على قبلها، ناااري راسي غيبقا ضارني خصني نعرف" نسمة : ميسم، ميسم : امممم، نسمة : نعستي؟ ميسم : اه خليني، نسمة : قوليليا شنو هاد الحاجة، ميسم (ناضت من بلاصتها) : هاااا راسك بقا ضارك ياكي، إيوا حتا انا مغديش نقول موتي بالسم، نسمة : وا لا حشومة عليك صافي، ميسم : ههههه واخا يالاه سمعي، عرفتي قبيلة تلاقيت انا و حمزة، و عتارف ليا، نسمة : باش، ميسم : قاليا تنحس بشي حاجة من جيهتك، نسمة : اوووه هدشي زوين، و انت فرحانة يا ديك الشيخة، ميسم : ايوا حمزة ضريف و حتا انا تيعجبني و زيد عليها بوكوس و عويناتو اححح، نسمة : مسختي مبقيتيش تتحشمي، و باش جاوبتيه؟ ميسم : قلت ليه خليني نفكر هههه، نسمة : باااز بقاي دايرة فيها عزة النفس حتا تبوري، ميسم : را مخصوش نبان ليه ملهوفة عليه، الرجال متيبغيوش الحاجة الساهلة، خصكي حتا تمرمديه مزيان عاد توصلي لدكشي اللي باغي باش تيبقا ديما محافظ عليك، اه و تفكري الحاجة اللي تتجي دغيا تتمشي دغيا، و الحاجة اللي تتعذبي عاد تتوصلي ليها عمرك متقدري تفرطي فيها، تصوري را تقدر تكون شي نعمة كبييرة بين يديك متحسي بقميمتها حتا تفقديها، دكشي باش عمرك تشوفي بعيد شوفي شنو عندك و تمتعي بيه، نسمة : واو شوفو شكون تيقول هاد الهضرة، ولكن فالحقيقة كلامك معقول، وعند الصح، ميسم : آجي بعدا شنو درتي انت مع علاء......عودات ليها نسمة كلشي منين وصلات للاصال حتا رجعات للدار، ميسم : اويلي واش تسرقات ليك السنسلة، نسمة : غير سكتي قلبي تيتقطع عليها منين جيت و انا تنبكي، ميسم : دابا تلقايها، نسمة : فييين، ميسم : بففف ناااري، ولكن هانتي فكري على الأقل وقعات شي حاجة زوينة، دوزتي النهار مع علاء و ضحكتي، نسمة : وي بصح، ولكن حاجة اللي بقات ضاراني فراسي، شكون ديك شهد، عرفتي كانت جاتني واحد الفكرة، ميسم : شنو هي؟ نسمة : ندخلو للاصال، ميسم : منيتك؟ نسمة : آه، مالكي الرياضة را مفيدة و منها نيت نعرف كيفاش تيكون علاء فعلاقتو مع البنات، بغيتو يبقا قدام عيني، و قوليها حتال حمزة لبغيتي، ميسم : صافي اتفقنا .
الغد لبسو حوايج رياضية و مشاو للاصال، لقات تما واحد الولد و سولاتو نسمة : عافاك اخويا واش كاين علاء؟ الولد : وي ختي كاين شكون نقوليه، نسمة : غير وريني فين نلقاه بغيتو لشي حاجة شخصية، الولد : واخا آجيو معايا......داهم لبلاصة الآلات فين تيدربو و هي تشوفو مع شهد شادها من خصرها و تيوريها كيفاش تستعمل واحد الآلة، ميسم : شكون هاديك، نسمة : هاديك هي لالاهم شهد، ميسم : واو وا تيتيزة مع راسها، نسمة : زوينة عليا؟ ميسم : بالطبع لا علا انا كاين شي واحد زوين عليا، نسمة : ههههه مغرورة مع راسك، ميسم : شوفي إلا جاتك زوينة عليك متجمعينيش حتا انا معاك، نسمة : وا باز، شوفي شوفي كيفاش تيشوف فيها، عرفتي ولا تيعصبني بهاد التصرفات، ميسم : دابا واش غتهضري معاه ولا لا، نسمة : زيدي نمشيو، نسمة : احم احم سلام، علاء : أهلا صافا عليكم، ميسم غبرتي علينا شحال مشفناك، ميسم : ايوا غير مع الخدمة و دكشي راك عارف، علاء : وي بصح، نسمة لاباس عليك؟ كيبقيتي من البارح، نسمة : مزيان، علاء : هادي شهد، شهد، هادي نسمة را تتعرفيها و هادي التوأم ديالها ميسم، نسمة : امم شهد تلاقينا لبارح ولكن مهضرناش، شهد : آه، متشرفين، تتشابهو بزاف كيفاش تيفرقو بيناتكم، ميسم : متيفرقوش احبيبة خصنا حتا نهضرو عاد يعرفونا، علاء : لا ماشي بالضرورة، ميسم : كيفاش؟ علاء : نسمة فاش تتهضر تتعبر بيديها و بكلشي، و فاش تتكون مع شي واحد تتبغيه تتبقا مركزة معاه و عينيها تيلمعو، و زيد على هدشي كامل هي الأصل ديالها كانت عسرية واخا تتكتبي بيدك اليمنى، ميسم : واااو كيدرتي عرفتي هدشي كامل، علاء : عندي قوة الملاحظة، نسمة : شكون قاليك انا فأصلي عسرية؟ علاء : باينة، معرفتش بالضبط ولكن لاحظتها، شهد : و إلا كان هكا علاش تتكتبي باليمنى؟ نسمة : فاش كنا صغار يالاه تنتعلمو الكتابة كنت تنكتب بالليسرية و كان عندي واحد الأستاذ هو اللي علمني نكتب باليمنى قاليا هاكا اتجيك أسهل وولفت، علاء : فشكل هاد القضية، المهم آجي نمشيو للمطعم نفطرو و نهضرو تما......
أنت تقرأ
الحب لا يموت
Roman d'amourقصة بالدارجة المغربية رومانسية ❤❤❤ تجمع ما بين الحب و العذاب و التشويق و الإثارة.... الكاتبة: khullo #خولة ✌
