الحب لا يموت

الجزء 36

مشا جلس مع الرجال فالصالون و بقاو هوما تيهضرو، ميسم : هاي هاي الناس ديال الجلالب و دكشي، نسمة : وا هانتي يا ختي دغيا تسيف علينا، ميسم : ههههه مغنقدرش نحبس الضحكة إلا جا حمزة تاهو لابس هكا والله، جاتني فشكل هاد القضية، ميسم : غا حاولي تولفي را نهار تمشيو لداركم مغتشوفيهش لابس غا الجلابة خخخ، ميسم : وا ضسرتي ضسرتي ولا تزادت فيك شي ضلعة وليتي مقزدرة، نسمة : هههه علا اللي عاشرك عاد مزال يحشم، ميسم : ههه حمقة و صافي.......ميسم : نسمة شوفي لهيه، نسمة : فين؟ ميسم : لهيه، دارت نسمة تشوف لقات دوك البنات تيهضرو مع بعضهم و تيوشوشو و عينهم فشي واحد باينة داويين فيه، دارت تشوف فيمن لقات علاء جالس قبالتهم فصالون الرجال و تيهضر مع شي ناس و مرة مرة تيضحك، نسمة : البنات أش بان ليكم، ميسم : باينة تيهضرو عليه يا المسخوطة السيد عاطي العين طبيعي يضورو ليك بيه، نسمة : أنا غادي نوريهم، شهد : اجي بلاتي فين غادية، نسمة : واش بغيتيني نسكت ليهم ولا شنو، ميسم : حنا مزال ممتأكدين من والو متسرعيش، نسمة : واخا و شنو ندير نتقابل معاهم و نجلس نتفرج ولا شنو؟ ميسم : بلاتي عندي واحد الخطة عيطي لحفصة، نسمة : شنو هاد الخطة؟ ميسم : ديري اللي قلت ليك و غتعرفي، نسمة : واخا....مشات عيطات ليها و جات....ميسم : حبيبة ديلي ممكن تعاونينا فواحد الحاجة؟ حفصة : آه آه، ميسم : مزيااان، شفتي دوك الثلاثة اللي جالسين تما؟ حفصة : آه، ميسم : غادي تقبطي هاد التلفون فيديك و سيري جلسي حداهم حتا نعيطو ليك اوكي؟ حفصة : واخا، ميسم : ويتك على بنية شحال فنة، نسمة أري تلفونك.....عطاتها التلفون و صونات ميسم عليها و طفات ليكخون و خلات لابيل دايز و مشات حفصة جلسات حداهم و هوما مشاو لواحد القنت خاوي دارو مكبر الصوت و جلسو تيتصنتو على هضرتهم، 1: شفتيه را قبيلة دار شاف فيك و عاود دار مرة اخرى يمكن عجبتيه، 2: بصح زعما نكون عجبتو واخا بان ليا فحالا تتعجبو شي وحدة من دوك البنات، ناااري فين طارو عاد كانوا هنا، المهم دوك التوأم بنات عمي حمد اللي سلمنا عليهم فالباب شفتو فاش دخل سلم عليهم، 1: لا متنظنش يمكن غا جيران ولا يكون صاحب خوهم متنظنش تكون بيناتهم شي حاجة، 2: ناااري التيتيز شوفي على ضحيكة عندو، صافي حطيت عليه عيني نطيحو باش ما كان، نسمة : لا لا أنا منقدرش نسكت على هدشي، ميسم : غا بلاتي متسرعيش غنلقاو حل، 3: ناري البنات شوفو شوفو، 1: اهيا ناري هدشي كلو كاين فالمغريب و أنا مفراسيش، شهد : علامن تيهضرو، ميسم : معرفتش غنسمعو و نعرفو، 2: خليتو ليكم تخاطفو عليه أنا هاد السميمر عمر ليا عيني، 3: ناااري البنات شفتو عينيه كيدايرين، 1: خضرين، 3: ألا زرقين واش مبقيتيش تتشوفي، ميسم : يكونو تيهضرو على حمزة زعما؟ شهد : أنا نمشي نطل واش جا، ميسم : شوووكران، 1: شفتي اهند مشا جلس حدا لآخر يكونو صحاب زعما، نسمة : ناااري تيهضرو عليه اصحبتي، ميسم : لا منقدرش نسكت ليهم أنا والله حتا نحيح عليهم بالله، نسمة : بلاتي ياك عاد دبا تتقولي ليا متسرعيش آش غنربحو لا دابزنا معاهم و خصرنا فرحة خونا و شوهنا فينا الناس، نصدقو حنا اللي خاسرين فاللخر و يبانو هوما مضلومات و حنا نولي معديين عليهم انجلسو نفكرو بشوية علينا، شهد : حمزة جا يا البنات، ميسم : بففف ركبوني الأعصاب، 1: أنا بعدا عندي حبيبي سيف معمر ليا عيني، 2: بديتي أنت عاود سيف سيف طبختي لي راسي، شهد: البنات سمعتو شنو سمعت، نسمة و ميسم : سمعنا، ميسم : وا موصيبة هادي معرفت منين تسلطو علينا عاود، شهد : دبا عاد تفكرت تنقول فين شفتها، شتي هادي اللي كانت تتهضر عليه غير دبا را خدامة معاه فالشركة عرفتها را مخافياش عليا، نسمة : انجيبو التلفون من عند حفصة بعدا و نشوفو شنو نديرو من بعد، ميسم : واخا
مشاو جابو التلفون و بغاو يجلسو يتناقشو فشنو يديرو ولكن رحمة عيطات ليهم باش يجلسو مع الناس ميبقاوش بوحدهم، مشاو جلسو معاهم و نسمة مقابلة مع علاء مرة مرة تيشوف فيها و تيهضرو غير بعينيهم، شوية شافت شي وحدين تيهضرو معاه و جا واحد الراجل عطاه مصحف و سكت كلشي و بدا هو تيقرا القرآن، كان واحد الهدوء غير صوتو و هو تيجود اللي مسموع، كان صوتو رااائع فيه واحد الخشوع و تيجيب التبوريشة، فاش سالا كلشي بقا ساكت وواحد الشعور زوويييين حسات بيه نسمة، واحد الفيض من الحب و الفرحة، ميسم : يا سلااام على صوت، شهد : كنت تنسمعو تيقرا القرآن مع الفجر فاش كنا ففرنسا كنت ديما تنحط راسي على باب بيتو تنبقا نسمع ليه، سعداتك بيه انسمة والله را ماشي تنشكرو حيت خويا ولكن أنا عارفاه كيفاش داير، نسمة : سعداتي والله، معرفتش شنو درت باش عطاني ربي شخص فحالو، ميسم : أنا خارجة مع حمزة شوية و نجي، نسمة : آه واخا، سيري حتا انت أشهد را قبيلة شفت سيف تيعيط ليك، شهد : و أنت، نسمة : أنا نمشي عند علاء هههه، شهد : ايوا يالاه ههه