الحب لا يموت

الجزء 10

فاقو الصباح على زقزقة العصافير، ميسم : نسمة صباح الخير، نسومي فيقي، وااا يا هاد البنت نوضي را 9 دابا را خصنا نمشيو، ميسم (باقا تتحل عينيها) : فين؟ ميسم : شفتك ولفتي النعاس، انمشيو للورشة نطلو عليها شوية و من بعد نشوفو أنا وياك شنو نديرو، نسمة : واخا أنا نوض نوجد راسي، عنداك تلبسي فحالي يمشي يوقع لينا فحال لبارح، ميسم : هههه لا متخافيش، مشات نسمة تقلب على ملتبس هو يوصلها ميساج فالتيليفون، نسمة : ميسم شوفي شكون، ميسم : "صباح النور، كيف الأحوال"، نسمة : شكون مسيفطو؟ ميسم : علاء، نسمة : مممم قولي ليه "صباح الخير، كلشي بخير و أنت؟" ميسم : واو تيجاوب فالبلاصة، قاليك "حتا انا بيخير" نسمة : هدشي اللي قال صافي؟ ميسم : هاوا سيفط ميساج آخر، "واش مسالية نتلاقاو ليوم" اوووه هدشي زوين عندكم، نسمة : قوليليه "واش نقدرو نتلاقاو فاش نخرجو من الورشة؟" ميسم : قلتها ليه، و لكن آجي بلاتي و أنا نبقا بوحدي؟ نسمة : واش أنا نخليك بوحدك؟ غنمشيو بثلاثة بينا، ميسم : لا أنا أرفض، هو باغي يتلاقاك أنت، مذكرش سميتي كاع، هاوا سيفط ميساج : "صافي سيفطيلي غير البلاصة، و فاش تساليو صونيليا ندوز عليكم اوكي" نسمة : شفتي شنو قال، ندوز عليكم، يعني حنا بجوج، هو هضر معايا غير حيت تعرفني من قبل، متجيش يهضر معاك أنت اللولة وا فهمي اصحبتي، ميسم : مممم عندك الحق، آجي قولي ليا، كيجاك هاد علاء؟ نسمة : وا هو ضريف، و ضحوكي، و داغي تيدخل للقلب، ميسم : عنداك غير يمشي يبكيك فالاخير، نسمة : حبوبتي، حنا غير دي زامي، زوينة نكونو صداقات، عقلتي را من يامات القراية ما درنا صحاب جداد، على الأقل نلقاو معامن نخرجو و نبدلو الجو ولا لا؟ و أصلا أنا متنفكرش فالحب و داك الشي تيجيني غير تخربيق، مباغاش حتا نتزوج، باغا نعيش حياتي و نحقق دكشي كلو اللي باغاه، باغا نسافر و نكتشف أماكن جديدة، باقا باغا نعيش الحرية، العلاقات تيقيدو، ميسم : عندك الحق، حتى انا عندي نفس الفكرة، المهم يالاه نمشيو تعطلنا، نسمة : يالاه...........سيف : آجيو فين غاديين؟ ميسم : سيف خويا توحشتك، سيف : احياني البوحاطية، و أنت متجيش تسلمي على خوك، نسمة : هههه را غير لبارح كنتي معانا، سيف : هههه صافي كنت معاك متسلميش، نسمة : غير تنضحك، سيف : مقلتوش ليا فين غاديين، نسمة و ميسم : انمشيو للورشة، ميسم : اه قول ليهم ميتسناوناش للغذاء سيف : متأكدة؟ ميسم : وي، سيف : يالاه سيرو لتعطلو، نسمة و ميسم : بالسلامة......مشاو للورشة، لقاو كلشي غادي مزيان، خدموا شوية و فوقت الغذا صونا علاء : سلام، نسمة : أهلا لاباس عليك؟ علاء : لاباس و أنت؟ نسمة : كلشي بيخير، علاء : آجيو للريسطو اللي مقابل معاكم حنا تما، نسمة : نتوما؟ واش معاك شي واحد؟ علاء : تا تجي وتعرفي، نسمة : لا ولكن بلاتي، بففف قطع، ميسم : مالكي؟ نسمة : راهم فالريسطو اللي تما، ميسم : شكون هوما؟ نسمة : معرفتش مقالش ليا، المهم نمشيو و نعرفو......دخلو للريسطو كان قريب، بقاو تيقلبو بعينيهم مبانش ليهم، نسمة : واش يكون لفوق؟ ميسم : ممكن يالاه نشوفو.....طلعو لفوق لقاوه جالس فطبلة و معاه حمزة، نسمة : سلام، علاء : على السلامة تعطلتو، نسمة : ماشي بزاف، حمزة بيخير؟ حمزة : كلشي هو هداك، لاباس عليكم، نسمة : الحمد لله، هيهوو ميسم مالكي ساهية؟ ميسم : اه لا والو، علاء : تفضلو جلسو، شنو تاكلو؟ نسمة : أنا بلا ديال الحوت و صلاد، ميسم : أنا فحالها، حمزة : ديالاش الورشة اللي خدامين فيها؟ نسمة : المهم مور ما شدينا الباك ديالنا، درنا الماركوتينگ فواحد المدرسة فامريكا قرينا ثلاث سنين و فاش تخرجنا قررنا نستقلو براسنا و نديرو مشروع خاص، حنا متعاقدين مع واحد الشركة فرنسية برا، تنتجو ليهم العطور و تنصدروهوم، جزء تيتباع ففرنسا و جزء هنا فالمغرب، علاء : واو مشروع رائع، منين جاتكم الفكرة؟ نسمة : شحال و حنا تنفكرو و شحال خدمنا على هاد البروجي، كانت البداية شوية صعيبة خصوصا فحال هاد المشاريع ممنتاشريتش، و لكن دغيا درنا كليان ديالنا و غادي على أفضل حال دبا، علاء : اممم فهمت.......جا الجرسون حط ليهم الماكلة و جلسو تياكلو و يهضرو، ميسم : مقلتوش لينا نتوما فاش خدامين و شنو تديرو فحياتكم، حمزة : هههه آه بصح، حنا مور ما شدينا الباك ديالنا قرينا بثلاثة بينا حنا بجوج و أسامة ففرنسا، تخرجنا و حنا دبا رجال أعمال ههههه تتجي غريبة شوية و لكن هدشي اللي كاين، غير هو كاين بيناتنا واحد الشخص محاملش هاد المجال أصلا، ياك اسي علاء، علاء : اممم شوية، نسمة : و علاش درتي شي حاجة مباغيهاش و معاجباكش أصلا؟ علاء : والديا هدشي اللي بغاو، مكان عندي مندير، ولكن عندي واحد لاصال ديال السبور هي أفضل حاجة بالنسبة ليا، هي اللي تنلقا فيها راحتي، نسمة : واااو هدشي زوين..........بقاو تيهضرو و تعرفو على بعضهم كثر و كثر و من بعد خرجو تيتمشاو فالمدينة و فاش طاح الظلام رجعو لديورهم و كانت هاديك أفضل ليلة بالنسبة ليهم كاملين .