الحب لا يموت

الجزء 37

كان علاء خارج من الصالون يالاه غادي تنوض نسمة باش تخرج تمشي لعندو و هي تنوض ديك البرهوشة اللي حاطا عليه العين من الصباح سبقاتها و بقات تابعاه، تبعاتها نسمة و علاء خرج برا هضر فالتلفون و فاش كان داخل تساطحات معاه بلعاني ديك البنت و طاحت فالأرض و نسمة تتشوف من بعيد، علاء : سمحيليا ياكما تقسحتي؟ البنت : آه طحت على يدي، علاء : انعاونك.....مد ليها علاء يديه باش توقف شدات فيه و جلسات على الكرسي، علاء : ياكما تضرك بزاف، البنت : شوية، علاء : المهم تنعاود نعتذر منك، البنت : ماشي مشكل......كان علاء غادي و هي تعيط ليه : بلاتي فين غادي، علاء : ياكما خاصك شي حاجة، البنت : لا غير جلس نهضرو شوية، علاء : خصني نمشي نتلاقاو ففرصة أخرى، البنت : بففف باينة غنتعذب معاه ولكن هانية.......نسمة : علاء شكون هاديك، علاء : منعرف تساطحنا فالباب و صافي، نسمة : بعد منها، علاء : نسمة واش لاباس واش انا نقدر ندير شي حاجة، نسمة : منعرف، علاء : شنو هاد الهضرة دبا، نسمة : أنا غير قلت ليك و صافي حضي راسك، علاء : واش متايقاش فيا؟ نسمة : تايقة ولكن، منعرف متبقاتش التيقة، علاء : ايه شكرا هذا هو جزائي نستاهل نيت، يالاه بالسلامة دابا، نسمة : عاين فين غادي، علاااء، بففف مالو دبا شنو درت ليه، ميسم : نسمة مالكي، نسمة : شتي ديك شنيولة إلا مشنتفتهاش منتسماش نسمة، كتلعب ليا على اعصابي و أنا منصبرش لشي حاجة فحال هكا، قبيلة هو داخل بلعاني تساطحات معاه و بقات تتلوا عليه، و فاش جيت هضرت معاه تعصب و مشا، ميسم : ياكما قلتي ليه شي حاجة قلقاتو، نسمة : لا قلت ليه مبقات تيقة ولكن ماشي عليه عليها هي يمكن سحابليه داوية عليه، ميسم : ايوا سيري عتاذري منو، نسمة : أنا مقصدتش شي حاجة هو اللي أول هضرتي هو اللي خصو يطلب السماحة، ميسم : اممم يمكن غا انت متخليش شي حاجة تدخل بيناتكم خصوصا لكانت بنت، نسمة : متخافيش، المهم غا حضي راسك منهم، ميسم : متخافيش........كان الجو مشحون و النظرات ديال علاء و نسمة متوثرة و مهضروش مع بعضهم، طاح الظلام و السبوع مزال متسالا.......ميسم : بففف حمزة مشا قاليا عندو الخدمة غدا خصو ينعس بكري و مزال تابعاهم الطريق، نسمة : اينا طريق، ميسم : على مقالش ليك علاء غيسافرو، غادي يمشيو لكازا غير نهار ماشي شي حاجة، نسمة : و انا علاش مفراسيش؟ ميسم : معرفتش، نسمة : أنا غادا نسولو، فين مشا بعدا عاد كان هنا، ميسم : معرفتش نجي نشوف معاك؟ نسمة : لا غا خليك أنا غادة.....مشات تتقلب هنا و لهيه حتا لقات سيف : تتقلبي على شي واحد؟ نسمة : اه مشفتيش شهد؟ سيف : شفتها شنو بغيتيها، نسمة : نسولها غا على شي حاجة، سيف : را علاء برا خلي حتا نساليو و نهضرو فهدشي، نسمة (حشمات) : لا شنو دخلو فالهضرة، سيف : غا سيري راني عارف كلشي......مشات نسمة لبرا و الصدمة لقاتو واقف مع ديك البنت و تيهضرو، يالاه غادي تمشي لعندهم و هي تجرها ميسم و تخبعو فواحد القنت و جلسو تيشوفوهم، مكانوش تيسمعو علاياش تيهضرو غير بانو ليها بجوج تيضحكو، واحد اللقطة لاحت عليه يديها و هي نسمة مصبراتش مشات جراتها من شعرها و طيحاتها للأرض و بقات تضربها و هوما يجيو دوك صحاباتها تيتحاماو و جات حتا ميسم و شهد على أساس أنهم تيفكو و هوما تيلكعو غا من اللتحت للتحت، ترونات الدنيا و علاء تيجر فنسمة و هي تتغوت مبغاتش تطلق بالكشايف حتا فكها، نسمة : بعد مني طلقني، علاء : واش تسطيتي ولا مالك شنو هدشي تديري واش أنت لاباس ولا شنو، نسمة : ايه ايه زيد غوت عليا و حامي عليها، أنت معارفش هاد البرهوشة، علاء : البنت شنو دارت ليك أنت هاجمة عليها شوفي كيولات، نسمة : هادي را أكبر بوحاطية و أنت منيتك تدافع عليها المفروض تكون معايا أنا، علاء : مكانش يسحابليا أنت هاكا، نسمة : حتا أنا صدمتيني فيك الصراحة، علاء : إيه سري هذا مبقا حد يقول الحق، نسمة : اشمن حق أنت را تعماو ليك العينين يمكن، علاء : نتوما تحاميتو على البنت و معرفت حتا آش دارت ليكم و انت أشهد حساب معاك هو اللخر، سيف : شنو واقع هنا، نطقات ديك البنت اللي خدامة مع سيف : معرفتش هاد البنات جاو تهجمو على صحبتي مخلاو فيها غا اللي نساو شوف مسكينة كيف ولات *شاف البنت لقاها كلها مقموشة و شعرها منتوف و مكياجها كاع تخصر المهم حالة و صافي* و حتا أنا ضربوني معرفتش شنو درنا ليهم، سيف : شنو هدشي اللي تنشوف، ميسم : شحال فيهم ديال الكذوب 😱 سيف : سكتي أنت، البنت المضروبة : تفو على أشكال يا ربي و الله لبقات فيك يا المسخة، نسمة : شناهوا، عاودي عاودي، المسخة هي أنت يا بنت الجوع، سيف : نسمة صافي سكتي، نسمة : لا مساكتاش مسمعتيهاش شنو قالت، سيف : قلت ليك سكتي صافي، نسمة : لا معندكش الحق تسكتني و أصلا المفروض أنت توقف مع خواتاتك جالس تدافع على البراني، علاء : صافي متزايديش فالهضرة مع خوك، ميسم : صافي صافي را عطيناها اللي تستاهل قلبي برد بعدا، نسمة : بففف على نهار.......