الحب لا يموت

الجزء 29

ميسم : نعسو ديا؟ شهد : دبا دبا؟ نسمة : تسطيتي يمكن، لا كنا انعسو دبا شنو الفائدة نن أن شهد تبقا معانا، خصنا نديرو شي حاجة نقصرو هاد الليلة نخلقو الجو ديالنا، انا غادي ندوز نوي بلونش اللي متفقة تهز يدها *بجوجهم هزو يديهم* ميسم : اه هدشي اللي قلتي مزيان ولكن شنو انديرو مثلا؟ نسمة : دبا يالاه 9 باقي الحال، هانتوما، انمشيو للسوبر مارشي ناخدو من تما السقاطة و الحلاوي و أي حاجة بغيتوها على حسابي، و نجيو لهنا نخدمو شي فلم نشدو بيه الليلة، آش بان ليكم؟ ميسم : فكرة زوينة ولكن الليل هذا، و الشتا خيط من السما، فين انخرجو؟ نسمة : معليش انا نقول لسيف يخرجني و نتوما وجدو الكيسان و صايبو الفشار و جبدو الأفلام باش نختارو منهم و قادو البيت بينما جيت، ميسم : صافي مشات، شهد : تحمست بزاف، نسمة : نجي نلقاكم وجدتو كلشي، ميسم : متخافيش عندك علامن تعولي، نسمة : يالاه هاني مشيت.....مشات عند سيف خرجاتو من تحت الغطاء فداك الليل باش يخرجها تشري اللي بغات، دخلو للسوبر مارشي و بقات غير تتهز و تحط حتا عمرات ديك السلة، سيف : نسمة باراكا عليك واش نتوما غتاكلو هدشي كامل، نسمة : غير خلي ناخد غير هاد الشكلاط و باراكا، حتا هذا بان ليا زوين، و هاد الگومات باينة زوينين اناخدهم حتا هوما، سيف : هههه نااري نتوما البنات لا تلاقيتو......بقات تتخير و تهز حتا جات عندهم ديك الموظفة قالت ليهم را خصهم يسدو، مشاو لاكيس خلصو و بقات تتحط دكشي فالاكياس و داتهم للطونوبيل و رجعو و هوما تيضحكو، سيف : يالاه هاحنا وصلنا، معندك متساليني خارج على قبلك فهاد البرد، ماشي حرام عليك، نسمة (باستو) : اودي لهلا يخطيك علينا و خلاص، سيف : يالاه هاكي هدشي ديالك انا ندخل الطونوبيل للگاراج......طلعات للبيت حطات لميكات و هبطات للكوزينة تشوفهم شنو دارو، لقاتهم مخشيين فواحد القنت و الفشار تيطير هنا و لهيه كاع الدنيا عمرات، نسمة : اويلي شنو درتو، ميسم : ماشي انا هي، شهد : لا عساك را هي السباب، نسمة : شنو واقع، شهد : هانتي دبا هي دارتو يطيب، و انا قلت ليها حلي عليه غير شوية نشوفوه واش بدا يطرطق ولا باقي، و هي فاش حلات بقا كلشي تيطير و حنا تخلعنا و تخبعنا هنا، ولكن الغلطة ديالها هي اللي حلات عليه بزاف، ميسم : و لكن كون مقلتيش ليا حلي مكان غيوقع والو، نسمة : ههههه ضحكتوني، نوضو جمعو هدشي انا نعاود نصايبو و نطلعو نقادو البيت كلنا......دكشي اللي دارو، جمعو ديك الروينة و دارو الفشار فواحد الجبانية و طلعوه للبيت، لاقاو الناموسيات ديالهم بجوج ولات فحال وحدة كبيرة و دارو الداتاشوو فالحيط قبالتهم و ختارو واحد الفلم امريكي رومنسي زوين و حطو الماكلة و الفشار حداهم و نعسو يثلاثة بيهم و شهد وسطهم و جلسو تيتفرجو، ميسم : الفلم زوين، نسمة : اه خصوصا داك السمر مول السكوتر كحل هو اللي مزين الفلم كامل، شهد : ايوا را هو اللي عليه كلشي هههه، ميسم : يسمعني حمزة يقتلني، شهد : يسمعني سيف يقتلني.....نسمة بقات ساكتة، ميسم : نسمة، مالكي خصرتي لينا القافية، نسمة : شنو بغيتيني نقول؟ ميسم : قولي حتا انت يسمعني علاء يقتلني، نسمة : ولكن معارفاش واش يديرها ولا لا، شهد : هههه يديرها احبيبتي يديرها، نسمة : يضربني زعما؟ شهد : لا لا زعما تيغير بزاف ميبغيكش تهضري على الدراري، هو ديما تيقول الراجل اللي يمد يدو على مرأة ماشي راجل، و الراجل اللي ميغيرش عليها حرام فيه ديك كلمة رجولة، نسمة : ناااري انت تتزيدي تهضري عليه و أنا تنزيد نبغيه كثر، ميسم : نتوما تتزيدو تهضرو و الفلم من وراكم تيفوت، شهد : ههه خلي يسالي الفلم و نكملو هضرتنا، نسمة : واخا
ميسم : ياااه الفلم سالا الصراحة مسخيتش بيه، نسمة : حتا انا، شهد : حتا انا.....*ترن ترن ترن، التيليفون ديال ميسم تيصوني* ميسم : نااري البنات حمزة تيصوني، شهد : ايوا جاوبي، ميسم : آلو حمزة، لا باقا منعستش، غير شاداها مع البنات حيت بقات معانا شهد، اه، ههههه وايييه، قول دبا أنت معيط غير على قبل صاحبك كون مكانش كون كاعما تصوني، اممم تيقتك تيقتك، غير تنضحك معاك، صافي دبا نقولها ليها، يالاه بونوي تال غدا، حتا انا، شهد : كلشي على حتا انا هههه، نسمة : وايييه، تتحابو فنص الليل، آش بغاك، ميسم : بغاك انت، نسمة : انا؟ ميسم : قاليا را علاء عيا ميصوني ليك و متتجاوبيهش، و قاليك شوفي را قاليك شي حاجة مهمة بغاك تقرايها، نسمة : آه نسيت تيليفوني مطفي، شنو تكون زعما هاد الحاجة المهمة؟ نسمة : باينة اتكون عندها علاقة بدكشي اللي طرا قبيلا، نسمة : ناااري باينة، شنو ندير دبا، ميسم شعلي تيليفونك و شوفي، نسمة : شعل شعل دغيا، ناااري شحال تيتعطل، هاوا شعل، ميسم : على سلامتك، نسمة : بففف الكود عاود، ويلي ويلي ويلي، عرفتي شحال من مرة مصوني و شحال من ميساج وا بزاف، ميسم : قرايهم، نسمة : غير جاوبي بغيت غير نهضر معاك.....مالكي متتجاوبيش........المهم خليك على راحتك منبززش عليك كنت باغي نقوليك شي هضرة ولكن معليش........تنظن مغديش تجاوبي على الابيل ديالي دكشي باش حسن نقوليك دكشي اللي باغي فميساج، ميسم : و شنو هاد الهضرة؟ نسمة : آخر ميساج انا انقراه.......
يتبع