(04112020)
Kahit
Sa panaginip
Tinitignan kita
Sa malayo
Minamasdan kita
Kahit malabo
Ginagawa ko ito
Kahit alas onse na ng gabi
Hubad sa itaas, malambot na kumot ang tumatakip
Nasanay na akong matulog na walang damit
Wala akong kasama
Pakiramdam ko'y dahan-dahang sumasama
Lalo na kapag nagigising sa umaga
Mula sa panaginip kung saan ka nakita
Buhay ka nga pero
Bakit hindi mo ako pinapatahimik
Kahit ipagdasal ko pang 'wag ka na ulit
Bumalik
Pilit kang sumisiksik, bakit
Kahit
Sa panaginip
Tinitignan kita
Sa malayo
Minamasdan kita
Kahit malabo
Sinusubukan ko
Kahit magulo, sinasaulo ko
Kahit hanggang doon
Lagi lagi tayong nagkakasalubong
Na parang hindi tayo magkakilala noon
Siguro nga
'Hindi na kita kilala ngayon'
*
Sana malaman mong laging masama ang gising ko sa umaga tuwing napapanaginipan kita.
BINABASA MO ANG
Mga Tula Ni Juana
PoetryMagulo itong mga tula ko. May parte na malungkot. May parte na nayayamot. At kasunod may kasama nang puot. Tapos biglang sasaya ulit. Kasi bakit? Pasensya na. Sadya sigurong komplikado akong tao. Kasi dapat Filipino lang ito, pero biglang nahaluan...
