خلف اسوار العشق انتِ مملكتي

البارت الــســادس

الـكـاتبة : عـلـيـا الـنـاصر

خـلـفَ أســوار الــعـشـق أنـتِ مـمـلـكـتـي

الـبـارت : 6

أسـد : صاح بي بعلو صوته وبس حتى يخوفهم لأخوانة ويلعب باعصابهم حتى يعترفون لأن يدري بيهم يحبونه وما ينطون بي اذا تعاقب بدالهم وهو هم گذلك فدائماً يستخدم وياهم هالإسلوب من يسوون مصايب حتى يعترفون وللللـككككك شلون دعمتها أثول خوما أثول وخفف حدته خاف مو إنتَ إحچي گول الصدوگ ولا تكذب

الـحـسـن لا .. لا أني دعمتها

زمـرد : راساً نطت من شافت أسد حمر عينه عالحسن خافت عليه چذاب والقرأن يچذب الحسن ووالله إبراهيم هو اللي دعمها

إبـراهـيـم : كفخها على راسها حيل ولي حمارة أني شكو هو حسن دعمها حسن مو إنتَ دعمتها

الـحـسـن : هز راسه إي أني

زُمـرد : بتأكيد جاي أگولك والله إبراهيم دعمها حسن ما عليه

إبـراهـيـم : من شافها صارت صدوگ وزمرد إعترفت عليه وهم خاف على حسن من أسد وعصبيته لأن يدري بي ما يتفاهم إي غير من وراچ من رحت أجيبچ من المول وصار إزدحام هناك وما سيطرت من ضايقوني ودعمتها

أســد : يا مول ولچ شوداچ هناك وجرها من إذنها قوي إحچيييي

زُمـرد : أووووي على كفيك راح تگطع أذني آآآخخخخخخ باااااابا

أســد : ما إهتملها من صاحت وإستنجدت بأبوهم إحچي شوداچ للصخام هاااه إنتِ مو مولية للمعهد على أساس عندچ دروس

زُمـرد : وهي ترگع لروحها إي هاي شبيك مو أني غير أروح أغير جو أني وصديقاتي ورى ما نخلص الدروس خوما  بس قراية . . قراية

أســد : ها گلتيلي تغيرين جو لا والله وما تشيشين أرگيله هم هناك

زُمـرد : لااااااء أيييييع رحيتها مطيبة

أسـد : راساً جر إبراهـيـم قربه منها ورگعهم راس براس ومن لزموا روسهم وعاطوا إثنينهم متوجعين
شوفوا ولكم أني من زمان عيني عليكم بس ردت هـيچ شوية شرارة عليكم حتى أحرگكم إثنينكم وأعيد تربيتكم من أول وجديد مأمنين بيكم ودازينكم لمعهد دروس تقوية ودورات وكل واحد ما يسواله كسرة نعل وكومه فلوس ذابين عليكم حتى يطلع براسكم خير تاليتها هايتين بالشوارع وحدة تروح تخم بالمولات والثاني يفرفر بالشوارع ويفحط بالسيارات وچنه چلب سايب وبعدين ولك إنتَ مو كبرت وصرت رجال شلون تخليها تفرفر بالمولات وحدها وإذا القنادر صديقاتها وياها ما بيك من شافتها راحت أول مرة تنطيها كفخة كفختين وتجرها من شعرها وترجعها للبيت وما تخليها دايحة وشوف منو يحاچيك بوكتها بس إنتَ ما براسك خير وجبان وتخاف من هاي العرمة وكفخ زمرد على راسها وكمل بس هي هاي تربية إمك شنگول وإنتَ حسن أفندي شكو تطمطم مصايبهم وترگع وراهم هاي عود إنتَ الخوش ولد وما عندك مكسرات هم طلعت ما بيك خير وأنگس منهم