خلف اسوار العشق انتِ مملكتي

البارت السبعون

 
الكاتبة : عليا الناصر

البارت : 70

حجية مهجة : شنهوووو شجاي تگولون الصبي مثل الوردة شلون هيچي طلع مريض وهو هذا وينو ووينها للعملية

فرات : الدكتور يگول لازم يسويها وبأسرع وكت لنها تأثر عليه كلما تأخرنا وما ساويناها الو بس دانية الله يهديها ما رضت وأخذتوا وطلعت

حجي خطاب : جدي دانية دام هذا حچي الدكتور عجل خلي نسويها الو إنتِ هم ترضين يبقى وليدچ يتعذب ومعلعل

دانية : جدو والله أخاف عليه لأن صغيروني ومثل ما گالت بيبي هو هذا وينة ووين العملية هسة ومنو يگول يتحملها بلكي صارت وياه مضاعفات ومات لا سامح الله عود شأسوي أني وشأگول والله أموت وراه

حجي خطاب : گولي يا الله بنيتي الله كريم وقل لن يصيبنا الا ما كتبه الله لنا والله ما يگطع توكلي عليه وهو ما يخيب عبده وبعدين ليش هو ياهو اللي يسوي عمليه يموت وترى هذا زرع رب العالمين ومثل ما نطاه الچ يريد يحيي يريد ياخذوا

أميرة : ماما إنتِ مو چنتِ تنگين علينه وعبالك گلبچ الله عالمة وتگولين إبني مريض صحتة مو زينة وشوف شبيه وأبد مو مثل أخو وهاي مو زين والحمدلله الله سبحانة وتعالي خلاچ تنتبهين عليه بساع وتودينة للدكتور ويكشف حالتة وبعدين خالد طمنة يگول عمليته إن شاء الله مضمونة فعليش تخافين وما جاي تقبلين تسويلة العملية

حجية مهجة : إسييد درى گلتولوا لنها هاي دوينة أدري بيها اذا هو مو هانة ما ترضى تسويلة العملية

فرات : أنة خابرتوا قبل شوية من وصلنا وعلمتو وگتلة خابر على دكتور خالد والحارث وهمة يعلمونك بكل شي وگال باچر ان شاء الله أنة يمكم راجع واذا ما يدبرونها أسفروا للخارج 

حجي خطاب : الحارث وخالد إثنيهم خوش دكاترا ولو إلو لزوم نوديه للخارج ونسفروا چان گالوا سفروه

حجية مهجة : يا يمة عوينت اللي ما صلت عالنبي زعم فرحنا بيهم توم وليدات وشلونهم مثل الورد منين جتنا هالمصيبه هذي من سودة بوجه العدو جده دوينة چانتلچ مضمومة حرگت هالگلب هذي والله لو صايرة بواحد بينا رلا بهالوليدات لن إحنه كبار ونتحملوا الوجع والمرض ولا صايرة بيهم فدوات عينك ربي محد يعترض على شغلك

أميرة : ماما دانية إفرضي أسد ما گدر يرجع باچر وصارت عند ظروف وما حصل حجز خوما نيقيه لحمزة على هذا وضعة إنتِ لازم تقدرين وتقررين يسولولة العملية باچر فتوكلي على الله ومثل ما گال جدچ وإن شاء الله خير

دانية ما أدري ماما والله ما أدري راسي يوجعني وأحس جاي يطلع دخان من عند من سمعت بالخبر لحد هسة خلي أودي حمزة يرتاح بمهدة وأشوف عبودي أحسن وگامت من يهم

حجية مهجة : يا حجي خاف هاي دوينة تركبوا راسها وتعاند وما ترضى تسوي الصبي العملية والدختور يگول حالتوا مستعجلة ولازم منا لباچر يسويها