خلف اسوار العشق انتِ مملكتي

البارت السابع والسبعون

الكاتبة : عليا الناصر

البارت : 77

أسد : رجع الحسن وزمرد وياه بالسيارة وطول الطريق وهمة ساكتين وما چان يقطع السكوت غير بس شهگات زمرد اللي ما گدرت تكتمها نظرلها بالمراية زمرد كافي بچي ترى إذا ما سكتي والله هـ ..

زمرد : قاطعته أدري تنزلني هنا بس والله لو أعرف تشمرني بالشط ولا أسكت ورجعت تبچي

أسد : سكت ما حاچاها على مود الحسن اللي چان صافن وعبالك مو وياهم گاعد ومن وصلوا للبيت ونزلوا من السيارة الحسن اليوم إرتاح ولا تعب نفسك الحسن ما رد عليه وعافة ومشى وزمرد وراه

منصور : يولو وين چنتو هايتين إنتَ وياها وين ماخذها للبنية ودايح بيها تراك إنتَ وعمك بكر مصخوتها وياهن هذاك ليل نهار يصحوا ريحان صايرلي مجنون ليلى وإنتَ ٢٤ ساعة دايح ويا وزمرد بالله منين جبتهم ورديتهم للبيت وصاح بي ولك الحسن مو وياك ما گتلي شو تعال جاي يول وحاچيني

أسد : مسكة من متنه عوفة بحالة ولا تظل تلح وتصيح عليه تراه مو ناقصك

منصور: ليش شبيه منهو غاثو إحچي يولو لا تضم عليه مو تگطوا الكلمة وتسكت

أسد : الحسن مريض وبي ورم بالدماغ وحچالة كل الكلام اللي گاله الدكتور الهم

منصور : يا يابا يا بوية يا يابا وگام يدگ ويلطم على راسة شلون هيچي يصيروا وياه شلون وهالمرض الملعون ما لگى غيروا للحسن حتى يفتك بي شوف أسد الحسن ما لازم  يموت وأنة لو أعرفوا إبيعوا كل  گياعيننا والوراي واللي گدامي وأسفروا للخارج  بس حتى يتعالج

أسد : منصور الفلوس مو مشكلة بس إنتَ سمعتني شگلت العملية خطيرة والعلاج الكيمياوي ما يفيدة

منصور : اي سمعتك بس شلون هيچي ما تگلي خوما نعوفو لما شوية شوية يموت ويخلص عمروا

أسد : أكيد ما نعوفة وأني هسة أشوف عبدالعزيز يعرف خوش دكتور بالخليج يمهم لأن أخوه چان بي نفس مرض الحسن حتى وچانو يعالجونه يمة  إذا هاي أتفق وياه ونسفرة

منصور : وأخو عبدالعزيز شصار عليه تعالج وتشافى لو مات

أسد : مات بس هذاك وضعة چان حيل متدهور وماله كل چارة والدكتور گاللهم من البداية العلاج ما يفيده اذا بالهواية نعالجة يعيش لمدة سنه

منصور : يعني الحسن هم راح يعيش بس سنة مثلولو عالجناه ويموت

أسد : گول يا الله شبيك إنتَ هذاك الولد چانت حالته خطيرة ومتأزمة ووضعة ميؤوس منه أما الحسن فإن شاء الله وضعة أحسن منه شوف أدري بيك الحسن غالي عليك وغالي علينة كلنه بس المفروض ما نيأيس ونتوكل على الله وناخذة نسفرة لهذا الدكتور وإن شاء الله الله يشافيه ويعافيه

منصور : والله لو جهالي ثلاثتهم المصيوبين بهالمرض ولا الحسن

أسد : شنو هالحچي هذا بلا خبال گلنه الحسن عزيز وغالي بس خوما تگوم تدعي على جهالك