خلف اسوار العشق انتِ مملكتي

البارت الثالت والسبعون

الكاتبة : عليا الناصر

البارت : 73

بكر : راح لبيت عمته زهرة وگام يصيح بعلو صوته على أنعام أهم هيا وينچ أم هيا

رقية : طلعت من غرفت عمتها الحجية زهرة إشششش صوتك شبيك تصيح خطية بنات سلام ومريم وزينه نايمات لا تخرعهن تالي الليل شعندك ما تگولي شنهو هالصياح بعد

بكر : ام هيا وينها أريدوا أحچي وياها بشغلة كلش مهمة

رقية : ام هيا مو هانة خذت حمودي وراحت وياهم وحتى فاطمة مرتوا الخطاب وعمتي إميره ما تشوفني أنة وزينه جينه هنا نباتوا يم مريم والبنات خوية بكر خيرك شيرايد منها لأم هيا گولي

بكر : ماكو شي ردتها بموضوع وما عبالي رايحة وياهم هالإجيت عليها وإعذريني لن صيحتوا وخرعتچ وفززتچ من نومچ

رقية : لا خوية ما فززتني انة ما چنت نايمة چنت أصلي القيام وسمعتك تصيح وجيتك خوية بكر شبيك من رديت من السفر وإنتَ مو على بعضك وخاطرك مكدر گولي ياهو اللي غاثك وأنه مو أخيتك إحچيلي يجوز أگدر أساعدك لو خلاص ما عدت مثل أخيتك

بكر : گعد عالدرج وطلع جگارة ورثها وسحب نفس منها الله شاهد عليه إنتِ ودانية أخياتي اللي ما جبتهن إمي وعندي غاليات حيل على گلبي وبمعزتوا لمنصور

رقية : اي من هيچي أنة أخيتك الغاليه عجل ما تحچيلي على كسرتوا لگلبك

بكر : كسر گلبي وجرحوا چبير وگبل چنت بالعوه للموس
وساكت بس هسة طگت چبدي وبعد ما أگدر أسكت وأضم مشاعري أكثر من هيچ ورجع يشرب بالجگارة

رقية : دام صار بيها كسرت گلب وجروح ومشاعر ما تگدروا تضمها معناها السالفة بيها ريحان مو

بكر : جر إسمها بحسرة رييييحااان وآخخخ من ريييحااان وجروح ريحان وحب ريحان اللي خلاني مسودن وما أدلوا لطريقي وين ما وين ام كرار أنة قررت أخطبها من عمي خطاب بس يرجعوا بالسلامة من عمامي وبعد شيريد يصير خلي يصير واذا رفضت هالمرة والله لخطفها وأتزوجها غصباً ما عليها

رقية : يا خوية زواج وبالغصب ما يصيروا وحتى حرام هم ومو إنتَ اللي تسويها

بكر : لا أسويها لني جزعت وما ظل كل صبر عندي تدرين أنة ليش جيت هسة أدوروا على ام هيا لني أريد أسألها على هذا إبن خالتها صگر هو شو يومية گالبله على وحدة من عدنا گبل راد دانية وهسة ريحان بعد شكم يوم يجي يريد زمرد هذا شنهي سالفتوا أنة أريدوا أعرف

رقية : خوية ما عندو كل سالفة الرجال إمو وخواتوا يريدن يزوجنوا وهو شارط عليهن تكون العروس وحدة متعلمة ومثقفة وبت ناس وأنعام داكرتلهم دانية مشوا عليها ومن أسد تدخل هو راساً إنسحب وتكتر على صفحة

بكر : وريحان شبساع گلب عليها نوب لا والحلوة يسألني عليها ويگولي هاي الارمله بنت حسين الله يرحموا ام كرار گولي الصدوگ أم هيا ذاكرتها لريحان الهم مثل ما ذكرت دانية لو لا