خلف اسوار العشق انتِ مملكتي

البارت الثامن والأربعون

الكاتبة : عليا الناصر

بارت : 48
————-
ريحان : حيدرة لحظة إنتظر جاي تتسرع حيدرة وحاولت تدفعه وتبعدة عنها بس ما گدرت لأن هو چان فاقد على الأخير بس اللي صحاه هو صوت الباب اللي إندگت بقوة

حيدر : إبتعد عن ريحان بسرعة وصاح نعم منو وفرك وجهة وبعصبية

ملاك : عمو أني أريد ريحان أگدر أدخل

حيدر: رجع صاح بيها لحظة أستغفر الله ودحگ على روحة

ريحان : ما صبرت وضحكت على وضعة المخربط ههههه وفتحت الباب شوية ومدت راسها ها ملوكة

ملاك : ريحان باچر راح نسافر لتركيا تعالي ساعديني محتارة شاخذ ويايه ملابس وشألبس باچر لأن بابا يگول كبرتي بعد ولازم ما تلبسين ملابس مالت زغار ولا تلبسين ملابس گصيفة وأني محتارة

ريحان : طلعت وطبگت الباب وراها ماشي تعالي نروح لغرفتچ ونختار وبقت تضحك

ملاك : مشت وياها راحن لغرفتها ريحان ليش تضحكين علية

ريحان : حياتي إنتِ ما موعليچ والله أضحك بس قبل شوية شفت مقطع بالموبايل وجاي أضحك عليه

ملاك : مقاطع مضحكة خلي أشوفها أني هم الله عليچ ريحان لأن ما نعسانة وضوجة

ريحان : اي حتى تطلع عينچ عود بعدين شوفيها وإنتِ باچر تطلعون من وكت فلازم تنامين وترتاحين مو تبقين سهرانة حتى لا تدوخين ويلة خلي نختار هدوم الچ بسرعة

ملاك : ميخالف بس مقطع واحد لو إثنين خلي أشوف

ريحان : ملاك الساعة فوگ الوحدة راح تصير وأصلاً المفروض إنتِ هسة نايمة وباچر وراچ سفر ومتأكدة المقطع يجر عشرة تعلميني بيچ وتلزگين على الموبايل وتبقين للصبح گاعدة

ملاك : لا بس شكم واحد والله يله ريحان حبابة حبابة

ريحان : اي ماشي وطلعت موبايلها من جيب بجامتها وبهاللحطة رن موبايلها من شافت الاسم طبگت حواجبها مستغربة ملاك طلعي الملابس لما أرد عالموبايل وحتى وراها لما تشوفين المقاطع أختارلچ ملابسچ وراحت گعدت وفتحت الخط ألو.. ألو ومن ما رد عليها تنهدت بقوة من إنسد الخط بوجهها ..

-----------------

فرات : يولو بكر شسويت إنتَ تخبلت خوما تخبلت وجر الموبايل من إيده دحگ عليه ومن شافة الخط مسدود رجع شمرة بحظنه لبكر

بكر: يا أخوية لا تلومني بس مدري شجرالي والله وحتى ما أدري شلون إيدي راحت على رقمها وطلبتوا

فرات : گعد بصفة عالمسطبة بالحديقة ما نسيتها لساعك يول مو والتالي شلون بيك وبعشگك المخبل هذا ها

بكر : گتلك والله مو قصدي بس مدري شصارلي من سمعتوا لصوتها

فرات : والله إنتَ أكبر مسودن شسمعت من صوتها وهي يجوز ما فتحت خط عليك لن هسة الساعة فوگ الوحدة والناس نايمة