خلف اسوار العشق انتِ مملكتي

البارت الواحد والسبعون

الكاتبة : عليا الناصر

البارت : 71

الحسن : چان يقيس ضغط عبدالله عمي ضغطك صاعد ١٨ وهذا مو زين عليك

زمرد :  رجعت من بيت جدها بابا حبيبي شبيك ليش ضغطك هيچي صاعد خلي أروح أصيح أسد يوديك للمستشفى

عبدالله : صاح بيها أوگفي لا تروحين ولا تصيحين لكل أحد ولا تخليني هسة أسبچ وأسب أسد وياچ أنة فايت لغرفتي أرتاح وما أريد أشوفو أحد ويا ويلچ لو رحتي وگتليهم

زمرد : زين بابا حبيبي خلي ناخذك أني والحسن للمستشفى يله الحسن گوم شبيك متنح

عبدالله : ما كو داعي أنة زين بس چفوني شركم إنتِ وإخوانچ

زمرد : بابا زين راح أسويلك ليمون حتى ينزل ضغطك وفدوة رحتلك لا تگول لا الله يخليك

منى : رجعت من الدوام خيرك ليش ضغطك صعد منو اللي غثك ونظرت لزمرد بحدة ولچ شمسويه لأبوچ بس لا رجعتي تعاركتي وياها لهدية

الحسن : من عبدالله راح لغرفته وما حاچهم بعد لا عمة زمرد ما عليها عمي عبدالله صعد ضغطوا من ورى الخطاب

منى : ليش شبيه الخطاب شمسويله لأبوه وهو شوكت إجى مجاز مو چان إنذار وحاجزينه

زمرد : دامة إجى معناها فكو الحجز وخلص الإنذار

منى : خلي أروح أشوفة زمرد عصريلة ليمون وجيبي ورايا أخوچ وينة

زمرد : طالع ويا وليد ماما فدوة روحي لبابا بسرعة وشوفيه لأن حيل معصب وحاوليه تهديه وعوفي إبراهيم مو وكته وهسة أني أجيب الليمون وأجي وراچ ومن راحت منى شمسوي الخطاب أشو ما حسينة غير بس عالهوسة گبت برى وأسد يصيح عليه

الحسن : صفن عليها گولي لروحچ هالحچي هذا إنتِ شگايلتلة لأسد والخطاب سمع بي وتعصب

زمرد : إنتظرني لما أعصر ليمون وأوديه لبابا وراجعتلك ما أتأخر فلا تروح وراحت وورى شوية رجعت شقصدك يعني أسد گاله على سالفت قتيبة إبن خالتها لفاطمة من چان يراقبها

الحسن : زمرد لو أبوچ صايرلوا شي من ورى الخطاب چان خطيتوا برگبتچ إنتِ شكو وتروحين تگوليلة لأسد وتحچين بمكانها لفاطمة ليش هي ما عدها لسان وتحچي بي بعدين أسد شكو وتدخلنه بالموضوع فاطمة عدها الخطاب واذا هو ما موجود أخوها علي موجود وقتيبة إبن خالته تگولة عليه وهو يتدخل ويحلها وياه ليش تورطنه بعد لأسد هو ناقص عداوات جديدة

زمرد : گعدت بصفة شوف الحسن إنتَ مو تدري أسد هو الكل بالكل وإحنة تعودنا علية نشريد نطلبة منه وأي شي يصير لازم نگولة اله وما نضم عليه أي شي وحتى بابا عودنا على اي شي يصير لازم أسد يدري بي ويوافق عليه حتى يتم وبعدين ترى إحنة نخاف عليه هواية بس شنسوي ما عدنا غيره نلجئلة وشوفت عينك بابا مريض ومو حمل مصايب ومشاكل