خلف اسوار العشق انتِ مملكتي

الـبــارت الــواحــد والــعــشــرون

الـكـاتبة : عـلـيـا الـنـاصر

خـلـفَ أســوار الــعـشـق أنـتِ مـمـلـكـتـي

الـبـارت : 21

حـيـدر : من كانو كلهم گاعدين عالعشى بستثناء علي وملاك وفاطمة  فطومه وينها بغرفتها

فـضـيـلـة : لا مو بغرفتها راحت لعمتكم خالدة  وتبقى يمها شكم يوم

سـيـف : وشوكت راحت قبل المغرب چانت موجودة من إجتي صديقتها عليها وودعتها ودخلت شو ما گالتلي تريد تروح لبيت لعمتي

فـضـيـلـة : عمتك خابرت عليها تريدها وراحت لها ورى المغرب

حـيـدر : ومنو وداها ليش ما گالتلي حتى أني أوديها

فـضـيـلـة : السايق مالتي وداها بعدين عمتك مو زعلانه عليكم وما تريد لا تشوفكم ولا توصلون يمها بعد وين توديها

حـيـدر : أدري بيها بس ما راح أدخل جوى وأفوت جوى  لبيتها من الباب أوصلها لفاطمة وأرجع

زنـوبـة : حچي حيدر صحيح المفروض ما تدزينها ويا السايق وحدها بهيچ وكت والدنيا مو أمان وشفتي بعينچ هذاك الحقير اللي خليتي سايق لملاك شسوى بيها لوما الله وأهل الله يخلصونها من ذوله اللي چلبوا بيها والله من سمعت باللي سواه  بودي ألزمة وأذبحة بإيدي لو صاير بملوكة شي لا سامح الله

فـضـيـلـة : ما صار بيها شي ولا تظلين تعلچين بالسالفه وتعيدين وتصقلين بها

زنـوبـة : أگول أشو أني ما شفت فاطمة من طلعت وأم قيس خابرتها العصر أسأل عليها أشو ما گالتلي مريضة وتريد فاطمه تروح يمها

فـضـيـلـة : باوعت على منال اللي كانت نظرتلها نظرة متشفيه عود راح يكشفونچ بس فضيله ما تهتم وعودها قوي وموبسهولة تتأثر أني ما گلت مريضة گلت تريدها تبقى يمها لنها مشتاگتلها وإنتو تدرون بيها تحب فاطمة هواية ودومها تدز عليها وتريدها تبقى يمها

مـنـال : إي صحيح بس إنتِ  چنتِ ما تسمحيلها تروح شمعنا هسة

فـضـيـلة : خزرتها قبل فاطمة چانت مريضة وما أسمحلها تطلع خاف تتخربط خوما يم العالم تجيها الفحيطة وتفحط ويحيرون بيها