خلف اسوار العشق انتِ مملكتي

البارت التاسع والستون

الكاتبة : عليا الناصر

البارت : 69

أسد : لحگ دانية للمطبخ ومسكها من متنها أوگفي خلي أفهمچ مو وكت طناگيرچ خبالچ هسة

دانية : بعدت إيده عن متنها وبحدة لا تفهمني ولا شي تريد تسافر روح سافر الله وياك محد مانعك

أسد : صاح بيها لچ بابا سفري بس على مود الشغل مو على مودها لياسمين فليش تصيرين غبيه وحيوانة إنتِ ومسكها من وجهها بإديه الأثنين دانية بلا خبالچ هسة وإسمعيني زين و..

دانية : قاطعته وهي تدفعة وتبعده عنها أني فعلاً غبية لأن صدگت بيوم إنو ياسة خلص طلعت من حياتك وبعد راحت بحال سبيلها وما ترجع الك لو شيصير

أسد : وفعلاً هذا اللي صار واذا عالمسجات اللي شفتيها فأني راسلتها بس على مود أعرف خالتها مديحة وولدها الهم علاقة باللي جاي يصير ويانا لو لا لأن چنت شاك بيهم وحبيت أتأكد من شكوكي منها لأن أدري بيها تگدر تسحب الحچي من خالتها وتعرف هاي كل القصة لا أكثر ولا أقل

دانية : وهاي تأكدت ما شاء الله بس شلون لازم تروحلها وتشكرها بنفسك لأن ما يصير تشكرها حاف بس عن طريق الموبايل الا لازم وجه بوجه وتگعدون وتتناقشون بيناتكم وتذكرون إيام زمان وشلون چنتو واحد يحب ويعشگ الثاني وشلون چانت هي مدللتك ويجوز تحنون للي چان يصير بينكم وعادي تسوون ليله حمرا وترجعون العلاقة وخاصةً إنتَ هسة خطية محروم وچنت من قبل ما أجيب بشهر كل شي ما محصل مني وهسة نوب لازم تنتظرني  لما يطلع الاربعين شراح يصبرك بس دام ياسة موجودة وحاضرة ومستعدة تنطيك اللي أني ما أگدر أنطيه الك حالياً فهي خوش تفي بالغرض و..

أسد : قاطعها وهو يتقرب عليها حيل خلاها تلزگ بالحايط وعيونه گامن يجدحن من العصبيه وصاح بيها بعلو صوته تنچبين وتاكلين نعل شيايفتني إنتِ مسقط وحيوان وأهم شي أشبعزغرايزي والله العظيم يا دانية لوما بس أستخطيچ لأن بعدچ نفاس ووعدتچ قبل ما أمد إيدي عليچ چان هسة عرفت شأسوي بيچ على هذا كلامچ الخايس ولچ إنتِ شلون هيچي تتهميني هااا وكأنو أبد ما تعرفيني ولا تعرفين أني منو ولچ أني أسد تعرفين شنو يعني أسد وأني لو أريد أرجعها لياسمين  على ذمتي من الصبح أرجعها وما راح أخاف منچ لو من غيرچ وعناداً بيچ ودامچ إتهمتيني راح أسافر باچر وبس أوصل إلا أعقد عليها لياسمين وأرجعها على ذمتي ومن أخلص شغلي هناك إلا إجيبها هنا وأخليها مگابلتچ وگاعدة على گلبچ لأن إنتِ ما تستاهلين كل إحترام

دانية : صاحت بي ودموعها نزلن على خدودها وبعبرة والله
العظيم يا أسد اذا سويتها صدوگ إلا أخذ ولدي وأهج منك وبعد ولا أبقالك دقيقة وحدة هنا بالبيت وبعد أبد ما أشوفك وجهنا وخليها لياسة تفيدك

أسد : جربي وسويها ووالله العظيم اللي حلفتي بي لو طلعتي خطوة وحدة بس خطوة خارج البيت الا أكسر رجليچ وأحبسچ وأتويچ بمكان محد يندله وأخذ ولدچ منچ وأنطيهم لياسمين تربينهم وبعد لو تموتين ما أخليچ تشوفينهم