الكاتبه : عليا الناصر
البارت :28
أسد : ورى ماصلى الفجر طلع برى يفتر بالحديقة گظاها گاعد ماگدر ينام اتصل عالحارث ها شلونها دانيه خوما بعدها تبچي نامت اي زين دير بالك عليها لعد مااوصيك اي الله وياك
عبدالله : بحده أسد وينها دانيه شسويت الها احچي وليش جاي توصي الحارث عليها يول احچي بت عمك وين وقلص قبضت ايده وضربه على صدره
أسد : طبگ حواجبه وبحدة هم ورد عليه يعني شمسويلها اني بعدين من كل عقلك إنت أني ممكن أأذيها
عبدالله : شدراني عنك إنتَ تصرفاتك ماتنحزر ودائماً شاد وياها وواگفلها عالكلمة وهي البنيه لوما فقيره ومربايه وتحترمنا وماتدور مشاكل مچان سكتتلك وترى أني مراقب كل تصرفاتك وياها شوف يول دانيه ممنوع تأذيها فاهم ومستحيل أسمحلك تضغط عليها وتجبرها حتى تتزوجها فخلي هالشي بالك وهسة گولي شجاي تلوص إنت وأخوك وديربالك تضم عليه مثل عادتكم من تسوون مصايب دومكم تخلوني آخر من يعلم ومثل الاطرش بالزفه
أسد : فضيلة الكلبة خطفتها لدانية وبدى يحچيله كل اللي صار وليش ودوها لبيت الحارث
عبدالله : لا اله الا الله وتالي وياها هلمرة هايه يعني ماكفاها اللي سوته بينه نوب رجعت على هاي الفقيرة دانيه هاي وحدة مسعوره والله ولازم يحجرون عليها استغفر الله العظيم نوبه مره الواحد خوما يحطو لعقلو وياها زين وأخوك وينو
أسد : رجع التحق لدوامه ناطينه يوم واحد بس واحسب الطريق يادوب يلحگ يرجع
عبدالله : وليش خليتو يرجع بهالليل وبهالطريق الزقنبوت أساساً هو شكو رجع شعندو يول خوما أذيتوها لفاطمة وانتقمتوا منها بسبب امها لني أدري بيك ماتطير طيرك بغبار
أسد : شعلينه بيها شلگيتنه بعدين مو توك تگول مره والواحد مالازم يحط عقله وياها بعدين احنه خوما فضيله ونخبط العامي بالشامي وفاطمة مالهاذنب ليش حتى تدفع ثمن أغلاط امها
عبدالله : والله أريد اصدگك بس أعرفكم كلش زين وبالذات إنت ماتعوف ثارك أبد ودومك تحرگ الاخضر باليابس وأخوك جيته ورجعته موخاليه وعموماً اذا مسوين شي راح تبين ماتنضم وهمزين امي وأم دانيه مو هنا چان شگدرت ترگعلهن چذبات وتضحك عليهن بيهن
أسد : أني ما أچذب بعدين دانية اندعمت وانكسرت رجليها وفضت راحت ولوما هي تستحي وتتحسس من اللي صار چان گلت للكل ماعندي مانع ومشى
عبدالله : أوگف يول وين رايح بهالفجريه موجاي نحچي
أسد : خير شكو بعد نحچي بي ماخلصت
عبدالله : أسد لشوكت راح تبقى شايل خشمك عليه يول تراني أبوك والله يشهد معزتك بگلبي بكفه واخوانك الباقين بكفة وتالي وياك ماحلك تنسى عاد السالفه صارلها ٢٥سنة
أنت تقرأ
خلف اسوار العشق انتِ مملكتي
قصص عامةاحنه من الله خلقنه بحچي الواهم ما نهم و جربونه هواي وآدم زلم نطلع من زلم زودنه من زود اهلنه حگنا لو شلنه الخشم و حگ الواعد اخته بماي و سيفه بالرگاب يحش لو انك مو معزب الضيف جدمي عليك ما يطرش آني برنو گصيرة الگاضيه الكلفات الما يعرف عطفهه افشلن چيلا...
