خلف اسوار العشق انتِ مملكتي

تكملة البارت الثمانون والأخير القسم الثاني

الكاتبة : عليا الناصر

تكملة البارت : 80 القسم 2

فرات : دخل شايط للبيت وصاح يولي مريم مريم شو تعالي هنا وين وليتي مو وياچ

حجية زهرة : خيرك يمه ليش تصيحو عليها شمسوية مريومة

فرات : خلي تجي بالأول هنا وأنة أعلمها على اللي مسويته

حجية زهرة : طول بالك ولا تظلو تنافخ عليها وچنك ثور رقية طلعت من المستشفى لا لن منصور البارحة من خابرتهم گالي اليوم إن شاء الله يطلعونها وهم صارلهم ٣ ايام منومينها بالمستشفى خطية ووليدتها مهضومين على فراگها لن هذي اول مرة تفارگهم بيها

فرات : اي طلعت قبل شويه ووليداتها البارحة گالبين الدنيا عليها والحسن ماخذهم هو ومهدي المغرب للمستشفى حتى يشوفونها وبالگوة يله مطببيهم عليها شايفينها ومنصور دافع فلوس يله گادر يطببهم ٥ دقايق شايفينها ومطلعينهم مرييييم مرييييم ووجع وين صرتي

مريم : جتي لافة راسها بالمنشفة شبيك يا عيني ليش تصيح وخبصتنه والله چنت أسبح وعلى السريع ذبيت المي على راسي وطلعت طايره وركض جيت عليك و... شهگت بقوة من فرات شمر المنشفة وجرها من شعرها قوي وكفشها

فرات : ولچ إنتِ ما توبين من هذا لسانچ الطويل أنة شكم مرة محذرچ ما تطولينو هاااا

مريم : مسكت ايده بإيديها وحاولت تبعدها وتفك راسها لأن أذاها وهو يجر بي والله ما حاچية شي شبيك عليه فراته والله گطعت شعري

حجية زهرة : گامت وتقربت عليهم يولو شو فكو إيدك منها هاا فرات أنة مو وياك بعدين شمسوية هالفقيرة هذي وبعدت إيده عن راسها لمريم وجرتها وراها خلتها

فرات : هاي الفقيرة ام الدگايگ رايحة گايله لكرار وخوانه امكم خذوها خوالكم وبعد ما ترد لهنا وابوكم تزوج عليها وهسة يجيب مرتو هنا يمكم وهذولة متخبلين يومين لا أكل ولا شرب وبس يبچون والا الحسن ماخذهم البارحة للمستشفى وشايفينها يله ساكتين ولچ شلون هيجي تگولين الهم  وكفخها على راسها من ورى إمة

مريم : آآآآييي والله مو قصدي چنت ناصبة على كرار وأتشاقى وياه

فرات : تقدم عليها وصاح بيها ولچ وكرار شنو والشقى هااا حتى تتصخمين وتتشاقين وياه

مريم : ختلت ورى حجية زهرة والله العظيم وداعتك شقى وحتى إسأل أنعام همين وهي تگولك

حجية زهرة : اوف منچ ام لسان ما تگعدين راحة يمة فرات تهدى وصلي عالنبي وتهدى شوي ما صار شي وهي دومها لسانها متبري منها وتحچي وهي وكرار مثل الشرايچ گالتلوا هيچي حتى تحرگو وتخليه يضوج

فرات : اللهم صلي على محمد وآل محمد وأستغفر الله العظيم يولي جوزي من هاي سوالفچ لا يوم تبقين بيدي وما أرحمچ