خلف اسوار العشق انتِ مملكتي

الـبــارت الـثـاني عــشــر

الـكـاتبة : عـلـيـا الـنـاصر

خـلـفَ أســوار الــعـشـق أنـتِ مـمـلـكـتـي

الـبـارت : 12

بـكـر : إقترب منها وأخذ الجنطة منها الحمد لله على السلامة نورتي بغداد بنت العم

سـلـمـى : الله يسلمك بغداد منورة بأهلها

بـكـر : عجل وإنتِ هم من أهلها إي خوما ضوجوچ وأشر على فضيلة وعلي

سـلـمـى : ضحكت بإستهزاء وهي تباوع عليهم من فوگ ليجوى لا لأن ما يگدرون وعجل شيريدون يسوولي بعد يلة إمشينا

بـكـر : ههههههههه عجل وإمشينا ما ناسيتهن هذني شعجب

سـلـمـى : شلون أنسى عجل إذا أنسى ما أطلعوا بنت أبوي يولو   بكر حدر وإمشينا لا تضل هينه واكف

بكــر : رجع يضحك على كلامها هههههههههههههه يا معودة على كيفچ ترى حتى إحنة ناسين لهجتنا وصايرن نحچي نص .. نص من يوم جينا لبغداد وإستقرينا بيها وأني گلت هسة إنتِ ترمسين إماراتي (ترمس يعني تحچي بالاماراتي )

سـلـمـى : إماراتي وبغدادي وأنباري وجنوبي كلهن أحچيهم وحتى وياهن إنگليزي وفرنسي وإيطالي وإسباني إي 13 سنة غربة مو هينة گلت خلي أتعلم لغات وهم ألهي نفسي وهم أتونس وخاصة يومية دازيني بدولة شكل

بـكـر : الله يرزقچ ويعوضچ كل خير وطلعوا من المطار وصعدوا السيارة وإنطلق بكر يسوق

سـلـمـى : بكر وديني أزور قبل ما أروح لأهلي

بكـر : هسة إنتِ تعبانه ليش ما ترتاحين وأجيبچ بعدين وبعيني

سـلـمـى : لا اصلاً ما تعبانه وگلبي يطگطگ عالزيارة وديني عفية

بـكـر : ماشي بس وين ترحين بالأول تزورين

سـلـمـى : أريد أزورهم كلهم ووديني بالأول للكاظمية أزور موسى الكاظم وبعدين نطلع للشيخ عبد القادر وأبو حنيفة النعمان

بـكـر : سلام الله عليهم مو تدللين شكم دكتورا سلمى عدنا

سـلـمـى : تسلم يا وردة لعد أني ليش خابرتك حتى تجي تستقبلني لأن أدري بيك مو حقنة مثل أسدو ومنصور والبقية صدوگ شخبارهم

بـكـر : هسة ترحين وتشوفين شلونهم

سـلـمـى : الله شگد مشتاقة لذيچ الأيام من چنت صغيرة وأبوية ياخذنا يمكم على جدو وبيبي ونبقى هناك بالعطلة نلعب ونتونس وچان أسد يختمها بمصيبه هو ومنصور ويتعاركون فنرجع من وراه ويبقى عاد إسبوع إسبوعين شايش علينه بعدين إله ولحاله يرضى والحلوة أمي مدللته كلش وتزعل ويا وتاخذنا وتمشي ترجع لبغداد حتى لا تكسر بخاطرة وبيبي تزعل فيضطر أبوية المسكين يدزنا إحنة وأمي وهو يبقى حتى لا تزعل أمه ويكسر بخاطرها ومن يرجع تستلمه النوب أمي وتزعل علية بس أمي تحبه وما يطول زعلها عليه أكثر من خمس دقايق بمجرد ما يطب للبيت ويسلم ويگعد تتراضى هي ويا مباشرةً وولا كأنه صاير شي