خلف اسوار العشق انتِ مملكتي

البارت الثالث والأربعون

الكاتبة : عليا الناصر

البارت : 43

أسد : بعد ما صلى صلاة الفجروصلاة العيد بالجامع القريب على بيتهم هو وجد وأبو وكل رجال العايله وعايدهم وعايد باقي جماعتهم
ومعارفهم بعدين وورى ما رجعوا راحو تريگوا بيت سلام عزمهم رجع للبيت وصعد لغرفته ومن دخل شاف دانية ناطيتة ظهرها وچانت واگفة گدام المراية تكحل بعيونها ولابسة قفطان احمر وشعرها السرح متهدل مثل الشلال تحت فخذها صفن عليها لأن منظرها حيل جذبة فما تحمل راساً راح عليها وحظنها من ورى كل عام وإنتِ بخير كل عام وإنتِ روحي ونبض گلبي وباسها من خدها

دانية إلتفتت براسها عليه وباسته من خده وإنتَ بخير وربي يحفظك ويديمك النا ورجعت تمكل تكحيل عيونها

أسد : ولساعة حاظنها ويدحگ على إنعكاس صورتها وصورته بالمراية وإتكىء على كتفها همسلها شعر:
كن في عينه اليمنى غروس الروايـا
كاثر الماءعليها فوق حيل سمانـي
وكن في عينه اليسرى جموع وسرايا
نهضت بالبيارق شافت الليـل دانـي
عينها عين حر شاهر مـن مطيـره
شاف جول الحبارى في البطين أدرجن
ويابو عيون هدبها سـود لا تذبح النـاس بعيونـك
تذبح بنجل وبيض خـدود عجزت أوصفك وش لونك
أم العيون السود والرمش فتان اللي رمتني بحبها يا حلاها
غمازيتين الخد والخد مليان وطول الشعر لا طاح كله وراها
ولا الشفايف لونها لون رمان والعنق طوله زايدن في حلاها
اما طباعه يا عرب ما به انسان مشابهن للي اوصف نواها
حي العيـون الناعسـات الكحيلـه الي سهوم الموت داخـل هدبهـا
من صابته يسهـر ثمانيـن ليلـه ويمكن تجيه منيته مـن سببهـا

دانية : مصت شفتها اممم صح لسانك وركزت بعيونة وهي تشوف انعكاس صورته بالمرايه وردت عليه بشعر :
إنتَ الخيال للمهرة
اللي بشفافها الحمرة
وإنتَ المي اللي يبرد النار والجمرة
وإنتَ الضيغم بوقت الضيق
اللي ما ينزاح زودة وحاروا بأمره

أسد : ابتسم ورفعلها حواجبه هالمرة إنتِ اللي صح لسانچ وزود اي البارحة چانت مريتي تتوعد وتهدد شفتيها شي وين راحت وسحبها ويا وراح گعد عالسرير وگعدها بحظنة وهو يدفن راسة برگبتها ويشمها ويطبع بوست ناعمة عليها اي ما گتيلي وين راحت

دانية : حظنت راسة بكف ايدها اللي خلته فوگ خده موجودة اذا تريدها نطلعها الك هسة

أسد : رفع ايدها اليمنى ولزم إصبعها السبابة اللي هددتة بي البارحة وقربة من شفته وباسة يا ريت تطلعينها والله لأن عجبتني حيل واللي صار ورى التهديد عجبني بعد أكثر اي شرايچ نعيده

دانية : اي يله بس وراك ذبح وتگطيع واذا تأخرت شراح يخلصك من بيبي والله تفضحك

أسد : أني شعليه اذبها براسچ أگولها بت ابنچ چلبت بيه تريد حقها مني وما خلتني اطلع صدوگ اذا رحت أذبح راح تخافين مني مثل قبل وتشردين تختلين لو شفتي الدم على اديه