خلف اسوار العشق انتِ مملكتي

البارت الخامس والأربعون

الكتابة : عليا الناصر

البارت : 45

هند : نزلت عالخطاب ودرجة التوتر عدها تقرى ألف بلعت ريگها ها الخطاب شتريد ووگفت گباله

الخطاب : هذا الدكتور جايب اهلة وجاهة شكبرها وشكلة جاي يخطبچ وجدي گاللهم تتغدون وتاخذون واجبكم كامل ووراها نشوف طلبكم وطلع يعرفه للشيخ ابو للدكتور وأسد دزني حتى أخذ رأيچ شتگولين إنتِ

هند : دنگت راسها وفركت اديها حيل ما أريده ما موافقة ومو گتلك قبل من حچينا

الخطاب : بس جدي عاجبينه الجماعة وحتى أبوية هند گوليلي الصدوگ ولا تخافين إنتِ ما تريدينه لأن ما عاجبچ لو من ورانه حتى لا نزعل عليچ ونلومچ ونگول عندچ علاقة بي

هند : أني ما أگدر أعيش ويا أهلة هذولة بابة عرب وشيوخ وامة تريدلة بت اخوها لو أختها وابو هم بالعكس يعني أكيد حاجزيلة من گرايبهم أني شلون أقبل وأروح بنص هالمعمعة وبعدين إنتو عندي تسوون خالد وكل اهلة وعشيرته ودامكم ما راضين اني هم ما أرضى وإذا سألوك عن رأيي گوللهم رفضت

الخطاب : خوش لعد أسد محضرلهم فلم مثل الفلم اللي سويتنه إنتِ وجديتي فمو تتفاجئين گدام جدي خاصةً اذا سألچ وگالچ هالشي صدوگ لو كذب گولي صدوگ

هند : شلون يعني فلم دخيلك بس لا هالمرة راح تنطوني لمهدي وتخلونه ينهي عليه بعدين جدو شلون تريدني أكذب عليه وعيني عينك والله ما أگدر

الخطاب : لا مو مهدي لأن مهدي ما يدبرها وبس جدي يعيط بي يقر ويعترف بكل شي واذا خايفة تكذبين على جدي لعد تحملي عصبية أسدعليچ وزعله منچ

هند : شتريدون تسوون سوو أني ما لي علاقة ولا راح أتدخل وأهم شي لا تعصبون عليه وتزعلون مني وجرت ايد الخطاب لزمتها باديها وحظنتها الله عليك ارضى عاد وكافي تزعل عليه

الخطاب : راساً جرها وحظنها وباسها من گصتها ولچ ما زعلان ليش هو إحنه شعدنا غيرچ هو إنتِ أكثر وحده حنينة بينا يله خلي اروح أشوف أسد شراح يسوي وأگولة ردچ

هند : ما گلتلي منو اللي راح ينهي عليه اذا مو مهدي لعد منو

الخطاب : لا تستعجلين إصبري ويجيچ رزقچ بعد شوية وتعرفين

منى : همزين لگيت واحد منكم هنا هذا الحچي اللي يگوله مهدي صدوگ شوف الخطاب بنتي ما أزوجها لهذولة  الناس وجدك شيريد يسوي خلي يسوي وحتى لو زعل عليه وبعد ما حاچني اني مو علموده هو يدور جاهات وربع اذب بتي بنص النار شصاير عليه هن هالاثنين قابل عندي العشرة الظالات والنايمات على گلبي وبس أريد أخلص منهن وشلون ماچان أزوجهن وياهو اللي يدگ الباب أنطيه حتى أشمرها  لا هنا ولا هنا وانطيها بالبصرة شصاير عليه ولاعبالك سكتت هذيچ المرة من عمتي طلعتلها فلم خاطبيها لاخو رقية على اساس فسكتت بس لأن گرايبنا وابن عمها بس لا والله هسة ولا أسكت وعندي استعداد هسة أطب بنصهم وأگوللهم ما الكم مرة يمنا فلا تخلوني اسويها