خلف اسوار العشق انتِ مملكتي

البارت الثاني والخمسون

الكاتبة : عليا الناصر

البارت : 52

أسد : لزم خالد من ياخة قميصة وعته حيل ولك كلب إنتو اللي خطفتو وذبحتوه إحچي لا هنا أدفنك والله العظيم

خالد : بحدة يا أخي هو إحنة شعلينه بي شنو مصلحتنة وشعدنا ويا حتى نخطفة وحاول يبعد إيدين أسد عنه ويحرر ياخة قميصة

أسد : شد على ياختة أكثر وما قبل يحلها والله هالحچي تگولة لروحك شنو شعبالك جهال وتضحك علينة وجاي حتى تبلغنا صاحب واجب بسلامتك

الحارث : يولوأسد لا تتخبل عوف الرجال بحالو وطول بالك يعني بالعقل هو خالد شنو مصلحتو حتى يخطفوا لبكر إنتَ ترى جاي تخربط وتغلط هواي

أسد : ها ضحك عليك ولحسلك عقلك وگمت تدافعله يعني ليش ماله مصلحة بالله وهو أكثر واحد مغثوث من بكر وأكيد سوى هالشي حتى ينتقم منه لأن بكر فشلة گدام الكل وتلگاه رايح متفق ويا إبن عمة ومرتبين هذا الفلم علينه بس قسماً بالله اذا بكر يصير بي شي لو تتأذى منه شعرة وحدة إلا أحرگك إنتَ وكل عشيرتك فاهم ولا عبالكم البصرة ديرتكم وبكيفكم تصولون وتجولون لأن عشيرتكم چبيرة ومحد يحاچيكم والله لا أسويها جهنم وأذبكم كلكم بيها وأحرگكم

خالد : إحترم نفسك وكافي تتجاوز وصدگت أولا هاي مشكلتك أنة اللي عليه سويتة وبلغتكم ودفع أسد حيل وحرر ياخته منه

أسد : صاح على مهدي يول جيبلي سلاحك بسرعة ومن شمرلة الرشاشة راساً لگفها وسحب أقسام ووجهها على خالد مثل ما أخذتوا لبكر إنتَ هم ناخذك مقابيله

الخطاب : أسد تهدى شجاي تسوي يا معود الكلام أخذ وعطى خلينا نفتهم بالأول لا تثور راساً

أسد : شتفتهم واضحة مثل عين الشمس يرجعولنا بكر نرجعلهم الدكتور

الحارث : لا ترى من صدوگ زودتها إنتَ وتخبلت رسمي نزل سلاحك وإمشي خلي نگعد ونتفاهم وتقدم عليه

أسد : صاح بي مكانك وخطوة واحدة بعد اذا تقدمت هسة كلكم أذبحكم فاهمين وإنتَ إتصل هسة بأهلك وگلهم يحلونة لبكر يله إتصل بيهم بسرعة

خالد : والله إنتَ من صدوگ خبل رسمي وتريد تضرب تذبح شتريد تسوي سوي أنة ما خايف منك ودار ظهرة ويريد يروح يركب بسيارتة

أسد : صاح بي أوگف كلب وين مولي وضرب جوى رجليه وفوگ راسة سرى كامل مالت طلق

الخطاب : تقدم على أسد ولزمة من إيدة كافي لخاطر محمد شو نزلها تريد تبلينا إنتَ

الحارث : أسد شجاي تسوي الرجال ماعليه شنو ذنبة حتى تذبحة ولزم الرشاشة

أسد : صاح بيهم إمشو ولو من وجهي لا تتدخلون إنتو لا هسة وشرف محمد أذبحكم فوگاه وعت الرشاشة من إيد الحارث ووجهة على خالد يريد يضربة