خلف اسوار العشق انتِ مملكتي

البارت التاسع والثلاثون

الكاتبة : عليا الناصر

البارت : 39

بكر : استغفر الله العظيم هسة هذولة شجابهم هي يومية صدوگ سووها بدون ملح

إبرهيم : اليوم شعند نسيبك جاي أشو القاعات و منصور راح يحجزهن خاف ماعجبنها لمرتة وبناتة السعالوا

الحسن : ابراهيم  امشي نكمل قراية ومعاليك بسوالف النسوان

ابراهيم : يله امشي خلينا نروح لبيتنا احسن وخلي بكر ويا نسايبه وفلتوا اثنينهم

أبوعادل : بضوجة السلام عليكم عمي بكر شلونك ابوك موجود عندي حچي ويا

بكر : وعليكم السلام الحمدالله اي موجود تفضلوا لبيتنا

ام عادل : بكر شلونك شخبارك أشو ماكو لاتبين لا تسأل حتى عاد إتصل إتصال هم ميخالف

بكر : رد من ورى خشمة الحمدالله زين بس مشغول هالفترة وما فاضي يله تفضلوا ومشى گدامهم

ام عادل : عست هدية يالغمة سلمي عليه حاچيه روحي امشي بصفة شبيچ ثولة تلحلحي يا حظي

هدية : يوم اثتحي من ابوية بعدين ما تثوفينه ثلون گلب خلقته وحتى ما باوع بوجهي ولا عبرني وعبالك ولا موجودة  يوم والله مايريدني

ام عادل : انچبي شنو مايريدچ غصباً ما عليه يرضى بيچ ويله امشي ولا تظلين ثوله ولاتنسين اللي وصتچ شهلة تگولينه

بكر : دخلهم للصالة تفضلوا تفضلوا استريحوا ام كرار وين ابوية جايينه ضيوف

رقية : هلا ومرحبا بيكم عمي ابو عادل شلونك شلون صحتك

أبو عادل : الحمدالله إنت شلونچ اهلچ مناك شلونهم

رقية : الحمدالله وأهلي كلهم زينين عمي جاي يصلي المغرب وهسة يجي

ام عادل : أگول رقية لساعة منصور زعول هو وأهلچ و حارمچ من الروحة عليهم

رقية : احنه عمام وأهل وما بيناتنا زعل وسوء تفاهم صار بوكتة وانه ما أحب أجيب بسيرته واعيد بالموضوع والسالفة صارلها چثير من صارت

حجي حسن : حيا الله ابوعادل شلونك خويه وسالمه وباوسه وگعدوا خوية ام عادل شلونچ

ام عادل : الحمدالله ياحجي بس والله احنه مو زينين وخاطرنا مكدر ومغثوث

حجي حسن : افا وآنه أبو منصور منهو هذا اللي غاثوا لخاطركم ومكدروا

ابوعادل : ابنك بكر احنة سمعنة على أساس گايل ما يريدها لهدية بنتي ومجبور عليها وباچر راح يفركشها ومايروح يگطع مهر شوف حجي إنت بمعزت اخوية وأكثر وإني ما جبرتك تجي تخطب بنتي لابنك إنت اللي جيت وخطبتها واذا السالفة بيها جبر فمن البداية اگولك إنتو بطريق واحنه بطريق ولا تعرفونه ولا نعرفكم لن احنه مو لعابة بايديكم وتضحكون علينا بعد ما خطبتوها وطشت السالفة يم اهلنا وجماعتنا يجي هسة ابنك يريد يفركشها ويفضحنا شبيها بنتي شسمعتوا عنها حتى يريد ابنك يعوفها ووين چان من البداية ليش قبل عالخطوبة