خلف اسوار العشق انتِ مملكتي

الـبــارت الــثــانــي والــعــشــريــن

الـكـاتبة : عـلـيـا الـنـاصر

خـلـفَ أســوار الــعـشـق أنـتِ مـمـلـكـتـي

الـبـارت : 22

سـهـى : وياسمين كانن يفترن العصر بالمول كالعادة وراها راحن گعدن بالكافتريا والله تكسرت  فوگ ما أني متكسرة شجاني وطاوعتچ وجيت أفتر وياچ إنچبي وأگعدي بالبيت شكو طالعة تفرفرين

يـاسـمـيـن : وهي عينها بموبايلها شگد عياره ترى أني ياسمين مو أمير حتى تتعايرين گدامي

سـهـى : ياه ولچ هو منو اللي كسرني غير أمير دإسكتي فدوة لا تخليني أحچي يجيني مدمن ورى ما يرجع من دوامه ولا يشبع عبالك ما شايف وما يحلني للصبح

يـاسـمـيـن : مو زين يجيچ حامي عليچ ومريحچ ما يخليچ بحسرتة وحسرة جيته

سـهـى : شكد ساقطة مو صوچچ صوچي أني الثوله اللي أحچيلچ بس ما أعتب عليچ لأنچ متخبله من ورى أسد ما إجاچ بعد وعبرچ مو

يـاسـمـيـن : بضوجة لا ما إجى وما راح يجي أسد وأعرفة من يطبگن عنده ويعاند محد يكسر عنادة ولعلمچ أني أدري كلش زين هو ما يحبني بس أني أحبة ومستحيل أعوفة لو أتخلى عنه

سـهـى : هاي من شكوت هذا الحچي أشو قبل من چنت أگولچ تزعلين وتتعاركين ويايا وتطنگرين وما تحاچيني شنو اللي تغير هسة حتى إقتنعتي وصدگتي ما يحبچ

يـاسـمـيـن : شوفي سهى راح أگولچ  شي أعرفة وأول مرة أگولة وحتى أسد ما يدري بيه أعرفة ترى أسد من تزوجني مو لحتى يحميني ومن هالكلاوات هايه لأن چان يكدر يسفرني برى لو بغير محافظة ويلگالي شغل ووظيفة ويخليني أستقر وما أحتاج لأحد حتى چان يگدر يزوجني لواحد ثقة ومو إلا هو يتزوجني وبكل سهوله يسوي هالشي وتنتهي القصة بس گتلچ هو عنودي وإذا واحد داسلة على طرف وعاندة لازم يرجعلهيا والصاع صاعين فهو أخذني بس حتى يعاندهم لأبوه وجده وجديته

سـهـى : وهمه شعليهم يعني لأن إعترضوا على وضعچ ووضع أهلچ وخالتچ وولدها واللي سووه بأسد

يـاسـمـيـن : لچ لا مو لهذا السبب وإنما هو حاقد على أبوه لأن يعتبره السبب بوفاة أمه  المرحومه وجده وجديته همين لأن  وگفوا ويا إبنهم وساندوا وبعدين راحوا خطبوله وزوجوه رغم كلش يحبهم ويحترمهم ومستعد ينطي روحة إلهم بس أكو جرح بگلبه منهم وهو هذا اللي خلاه يعاندهم بيه وينتقم حتى لو كان إنتقام بسيط