الكاتبه : عليا الناصر
البارت : 26
أسد : گاعد عالقنفه ويدخن ومفور تفور من العصبيه ومن شافها دخلت عاط بيها وين چنتي
ياسمين : بلعت ريگها وگامت تمتمت چچنت ييم سهى اي يم سهى
أسد : چذابه ماچنتِ يمها وخزرها
ياسمين : خافت ورجعت ليورى لزگت بالحايط اذا احچي خاف ..خاف تضربني
أسد : تعالي اگعدي ماأضربچ وصاح بيها من ماجتي تعااااالي فجتي راساً وگعدت بصفه ودنگت راسها لازم مسويه مكسوره حتى تخافين اضربچ مو وين وليتي احچي
ياسمين : رحت لبيت خالتي
أسد : بحده اني موحذرتچ ماتوصلين هناك لو شيصير ليش كسرتي كلامي ورحتي
ياسمين : مومو رحت على مودك والله
أسد : رفع تك حاجب على مودي وليش حتى تروحين على مودي بالله
ياسمين : گعدت بالگاع جوى رجليه وحظنت رجله وگامت تبچي وتتوسل الله يخليك لا تطلگني وتعوفني لان اموت بلاياك والله أموت ميخالف سفرني لو وديني لغير محافظه وحتى لو بالشهر ساعة تجيني هم ميخالف اقبل بس لا تعوفني
أسد : أستغفر الله العظيم گومي وسحبها ورجع گعدها بصفه عالقنفه امسحي دموعچ وجاوبيني ليش رحتي لخالتچ وبعدين نحچي بهذا الموضوع لا تهين السالفه
ياسمين : مسحت دموعها رحت اودعها وأگوللها راح أسافر وبعد ماأرجع وحتى اطلب منها تعوفك بحالك وماتجي بطريقك لأن ادري بيها زين راح تأذيك هي وولدها لأن حاقدين عليك ويكرهونك ولأن أني السبب هذا الكره والحقد رحت أگوللها خلاص أني بعد ماموجوده وراح اطلع من حياتك وأسافر فماكو داعي للعداوه بينكم خاصةً وولدها يردوني وبالذات غانم فإذا طلعت من حياتك وابتعدت بعد ماعليهم بيك
أسد : إي وشگالتلچ خالتچ ماگالتلچ جيبيلي شكم مليون حتى اقبل
ياسمين : هاا اي گالت بس إنت شمدريك
أسد : أدري بيها كلش زين شلون تفكر و لأن فلوس ذهبچ اللي بعتي ونطيتي الها غنومي السافل كلهن طيرهن بليله وحده من طلع من السجن لاعب قمار ومتداين من بيت الگ ..اللي رايح بي وشابعينه كتل لان نوب مچلب بوحده وطالعه مرافگه مسؤول ورايدين يذبحونه ووحده من البنات اللي هناك تعرف خالتچ مخابرتها فرايحتله وگوة مطلعته بعد مادافعتله دم گلبها حتى هسة بيتها مرهون راهنته الهم وبعد هي مو مثل قبل طاح نجمها محد جاي يلفي يمها وإنت الثوله رايحة عليها والله شنو على مودي لچ إنتِ خبله ليش أني ما أگدر احمي نفسي بعدين هذوله الساقطين احطهم جوى حذائي وادوسهم شوكت تبطلين غباء بس اريد اعرف
أنت تقرأ
خلف اسوار العشق انتِ مملكتي
General Fictionاحنه من الله خلقنه بحچي الواهم ما نهم و جربونه هواي وآدم زلم نطلع من زلم زودنه من زود اهلنه حگنا لو شلنه الخشم و حگ الواعد اخته بماي و سيفه بالرگاب يحش لو انك مو معزب الضيف جدمي عليك ما يطرش آني برنو گصيرة الگاضيه الكلفات الما يعرف عطفهه افشلن چيلا...
