خلف اسوار العشق انتِ مملكتي

الـبــارت الــثــالـث والـعـشــرون

الـكـاتبة : عـلـيـا الـنـاصر

خـلـفَ أســوار الــعـشـق أنـتِ مـمـلـكـتـي

الـبـارت : 23

أسـد : كان گاعد بالمطبخ يتغدى لأن كان طالع ها عمة شلون صارت دانية خوما بعدها مصخنه

أمـيـرة : لا الحمدلله إنخفظت حرارتها بس تگول گلبي يوجعني وما أگدر أتنفس وهند تگول عادي لأن متعرضة لشد عصبي صاير عدها تشنج بصدرها منا ليومين تصير زينه وأني صراحة خايفة عليها خاف گلبها شوف شبي وأريدها تروح لدكتور متخصص يفحصها حتى نتطمن على حالتها أحسن

أسد : لعد خلي ناخذها لحارث صديقي هو خوش دكتور واختصاصه هذا روحي گوليلها وتحضرن حتى اخذچن هسة

أميرة : والله ياريت بس هاي عنوديه شيقنعها تگول مابيه شي
اروح اگوللها واشوف  بس كمل غداك خوما تروح جوعان

أسد : لا شبعت انتظرچن يم السياره هاي شنو الصياح شبي هذا منصور تخبل خوما تخبل منا العالم اني رايح اشوفه عمه عود لحگني

أميرة : صار بس روح لمنصور خطية والله رقية راح تنجلط من ورى صارله ٣ ايام يرعد على راسها وهسة تخبل فرد مرة وهاي الجاي يصيح لان عمه ومرته راحولهم للبيت

أسد: رايحله اشوفه لاتتأخرن عليه عود وهاي قنعيها مو تعوفيها اذا عاندت وطلع

أميرة : صعدت فوگ لغرفة بناتها لگتها فارغة هاي وين راحن ذني دگ الموبايل راحت عليه شافته عالشحن عالميز عبالها مالت ريحان فتحت خط المتصل راساً هند وتالي وياچ الى متى تبقين مطنشتني ومتفتفحين خط علية لو تحضرين رقمي عبالچ من غيرتي مكان تدريبچ ورحتي لغير مستشفى راح تبعدين عني ومااگدر اوصلچ هند احچي ليش ساكته اترجاچ بس وافقي بس گولي اي ومن الصبح اجيب العشيره كلها واخطبچ من ابوچ الوو الوووو سدت الخط وباوعت لهند اللي دخلت الغرفة وعيونها عليها وعلى الموبايل وبلعت ريگها

هند : عمه اميرة هذا موبايلي عفته عالشجن رجع رن الموبايل

أميرة: دحگت نفس الرقم رفضت الاتصال هند منو هذا  اللي يتصل بيچ نفسه اللي لحگنا ودعمتي سيارته مو احچي ليش ساكته

هند : والله عمه ماعندي شي ويا بس هو لازگلي ووين مااروح لا حگني وحتى غيرت مكان تدريبي من ورى بس مجاي اگدر اخلص منه وحتى كل مايتصل احضره يرجع يتصل من غير رقم وغيرت رقمي مرتين وهم رجع يتصل ومدري منين بجيب رقمي