خلف اسوار العشق انتِ مملكتي

البارت الــعـاشـــر

الـكـاتبة : عـلـيـا الـنـاصر

خـلـفَ أســوار الــعـشـق أنـتِ مـمـلـكـتـي

الـبـارت : 10

دانـيـة : دخلت تركض ومن شافت إمها گاعدة بالصالة ولازمة راسها بيدها گعدت يمها ولزمت ايدها ماما حبيبتي شلون صرتي هسة

أمـيـرة : زينة ماما لا تخافين علية

دانـيـة : شلون ما أخاف بعدين ليش ما خابرتوني قبل لا تروحن للمستشفى

الـخـطـاب : يا معودة  شكو ومخابرينچ عمتي زينة  ما بيها شي شوية إرتفع ضغطها وأخذناها للمستشفى ونزلناه

دانـيـة : ميخالف حتى لو

أمـيـرة : ماما ما بية شي لا تظلين  توهسين

دانـيـة : تمام زين خالو شنو وضعه هو وإبنة

أمـيـرة : على أساس ينقلونهم للعصر هنا ونشوف وبعد إلهم  الله

حـجـيـة مُـهـجـة : طلعت من المطبخ ها دوينة رجعتي عجل هنودة وينها

دانـيـة : إي بيبي رجعت وهند راحت لبيتهم

حـجـيـة مُـهـجـة : وليش ما جتي وياچ لهان أكيد أمها السوسة ما تخليها تجي مو آنة گالتلي الططوه تقصد زمرد وما صدگت بيها

الـخـطـاب : هاي الططوه چذابه لا تصدگين بيها هسة أروحلهم أشوف أبوية وإلا أملصلچ إذانها حتى بعد ما تچذب عليچ

حـجـيـة مُـهـجـة : عوجت حلگها إي .. إي إنتَ ظل دافع لأم  خشم اليابس اللي رافعتوا للسما وتستنكف من عدنا لما أبوچ محيسن وأمچ فخريه بعد عليش شايفة روحچ علينه عود زعم مثغفة شو هاي الفقيرة وأشرت على أميـرة مَهـندسة وشكبرها شگدها مو وياها شو حتى وظيفتها عافتها وگعدت على تربية بناتها ولا تحچي ولا تگول ومن خذيناها لليوم حالها من حالنا وأبد ما تكبرت علينة

أمـيـرة : عمه شتريدين منها گاعدة بيتها وساكته وما مأذية أحد بعدين  إنتِ شكو تصدگين بكلام زمرد هي هاي بعدها زعطوطة وما تعرف وين الله حاطها