خلف اسوار العشق انتِ مملكتي

البارت الثالث

الـكـاتـبـة : عـلـيـا الـنـاصـر

خـلف أسـوار الـعـشـق أنـتِ مـمـلـكـتـي

بارت : 3

بمكان اخر من أطراف بغداد نزلت فاطمة بسرعة على الدرج وهي البنت الوحيدة لبيت مالك سلامه الطيار عمرها 28 سنة ما متزوجة من سمعت صوت أخوها حيدرة يصيح حيدرة طبعا اخوهه من ابوهه ابوهم  مالك متزوج نسوان ثلاثة الاولى فضيلة بنت عم لمالك أم علي وفاطمة والثانية زينب أو زنوبه على حسب تعلوكتها من فضيله شريجتها وعدها ولد واحد إسمة سيف عمرة 30 سنة ما متزوج والثالثة أميرة ام حيدر أو حيدرة متوفيه من  زمان من كان عمر حيدرة ٥ سنوات  لذاك ربته عمته ومرت أبو فضيلة  وحيدرة هم عمرة 30 سنة يعني هو وسيف نفس العمر أما علي فهو الابن الكبيرعمره 42 سنة متزوج بنت خالته منال وهي مريضة بالقلب وعندة بنيه وحدة عمرها 13 سنة وإسمها ملاك 

فـاطـمـة : هلو حيدرة شلونك عيني

حـيـدر : هلا فطومه الحمدلله زين إنتِ شلونج شخبارج 

فـاطـمـة : الأخبار يمكم ظل بالي عليكم ليش قافلين موبايلاتكم والله گلبي مثل النار عليكم  كلي شصار لعلي أشو أمي كلش ما مهتمة وراحت للفاتحة مالت بيت عمي موسى

حـيـدر : لا تخافين حبيبتي علي زين مابي شي وإن شاء الله منا لإسبوع الجاي  يطلعونه

فـاطـمـة : يعني عدى مرحلة الخطر

حـيـدر : إي الحمدلله

فـاطـمـة : الحمدلله أگول أمي مرتاحة و همزين منال وملاك بتركيا چان شصار بحالهن

حـيـدر : إي هم زين يله أني راح أخذ ملابس وأبدل وأرجع على علي للمستشفى بس طلعي الفلوس اللي بكنتور علي زحمة أني أدخل غرفتهم وزوجته هم ما موجودة

فـاطـمـة : صار حبييي هسة أطلعهم

حـيـدر : أگول شو إنتِ ما رايحة للفاتحه شعجب

فـاطـمـة : لا عيني رحت بس فلتت من صارت مناوشات مالت دواعش

حـيـدر : بين منو ومنو بله

فـاطـمـة : مرت عمك موسى أول ماطبينه عليهم إستلمتها لأمي على أنو إحنه السبب بقتل ولدها وطبعا هاي الفرصة خالتك زنوبه شلون تضيعها راسا راحت عليها وبقت تشاور بيها وزنتها على أمي والمرة تخبلت وكامت تصرخ  بعلو صوتها  و طردت أمي كدام النسوان وأمي شلون تفوتها روحي بنص الزلم وصيحي على عمي موسى وكوليله عليها على إنو يقبل تهينها وكذا ومنشوف غير عمي يطب وبنص النسوان يهجم على مرتة وشبعها كتل گوة يلة خلصوها من إيدة