خلف اسوار العشق انتِ مملكتي

البارت الثامن والثلاثون

الكاتبة : عليا الناصر

بارت : 38

فاطمة : ظلت محتارة تروح تجي يا الله شأسوي هسة وين اروح وطلعت راحت على دانية لغرفتها دگت الباب

دانية : تأخرت يله طلعتلها تغمض وتفتح بعيونها فاطمة اعذريني چنت نايمه

فاطمة : إنتِ اعذريني لأن گعدتچ من النوم وأزعجتچ وإنتِ مبين تعبانه

دانية : عادي تعالي فوتي لاتبقين واگفة برى وهم شوفيها لغرفتي

فاطمة : دخلت ماشاء الله غرفتكم حيل حلوة الله يهنيكم

دانية : هاي ذوق أسد وأصلاً هاي غرفت نومة وچان مغيرها قبل سنة وأني من تزوجنا ماقبلت يغيروها لأن حرامات حلوة وعجبتني

فاطمة : اي والله حرمات تتغير لأن جديدة وذوق وفركت اديها ودنگت راسها

دانية : تعالي گعدي وگعدتها عالسرير وراحت جابتلها عصير وكيك من الثلاجة وقدمتلها أكلي الله عليچ ولو مو مثل الكيك اللي تسوينه إنتِ لأن هذاك  يخبل طعمة

فاطمة : الف عافية بس والله ما مشتهية ومالي نفس أكل

دانية : براحتچ خير فاطمة شبيچ جاي احسچ عندچ حچي ومستحية تگولينه

فاطمة : والله ما أعرف شأگول بيبي مهجة طلعت تدري بينا وكاشفتنا وخوبات إنتِ سمعتيها عالعشا شلون نغزتني وسمعتني كلام وقبل شوية چانت يمي بالغرفة وحچتلها كل اللي گالته الها حجية مهجة

دانية : اويلي عليها بيبي تريد كلشي عالسريع عبالها مثل زمنهم قبل بعدين اذا هو الخطاب ما حاچي وقابل على هذا الوضع هي شكو مستعجلة

فاطمة : بس كلامها صحيح خاصة من گالتلي تلعنچ الملائكة ورب العالمين ليوم الدين وأني چنت غافلة عن هاي الشغلة اووف دانية شأسوي أني هسة

دانية : شوفي إنتِ تحبينه للخطاب صحيح صارت وياكم مشاكل وهواية عقبات واذا ماسعيتي حتى تتخطينها مراح تنجحون وتكملون سوى وما أعتقد إنتِ ما تريدين الخطاب يعوفچ وترى هو كلش يحبچ ومن سنين وأكيد ما راح يأذيچ فارضي بالواقع ومشيها لحياتكم وبعد بكيفچ اذا يعني عجبچ تممين زواجكم او لا

فاطمة : المشكلة اني خايفة يعني بلكي يزداد التوتر عندي وتجيني نوبة الربو وأخرب كل شي و يجوزهم اتذكر شغلات سيئة وخاصة من خطفني وعبالي اغتصبني

دانية : لا تفكرين بالشغلات  السيئة وتوكلي على الله وصدگيني ماكو شي يخوف وبعد إنتِ وشطارتچ وان شاء الله نسمع الاخبار الطيبة باچر وبيبي ترتاح وترضى عليچ

فاطمة : ان شاء الله يله خلي اروح احضر نفسي واتصل عالخطاب ادعيلي كلشي يتم بسلام

دانية : ان شاء الله يارب تفرج بوجهچ وتعدي كل امورچ بسهولة ويارب يسر امور فاطمة ولاتعسرها وگامت فتحت الكنتور وطلعت علاگة شوفي هذا القفطان هدية الچ اني على اساس انطيه الچ يوم العرس حتى تلبسينه ثاني يوم بس بعد ماسمعت اللي سمعته واللي صار مانطيته الچ وأتمنى يعجبچ ويعني هو هدية بسيطة مو فد شي والهدية الاصليه وصيت أسد يجبها الچ من دبي