خلف اسوار العشق انتِ مملكتي

البارت الثالث والثلاثون

الكاتبة : عليا الناصر

البارت : 33

أسد : رجع الفجر للبيت من المستشفى دخل للحمام سبح وطلع لاف المنشفة على خصرة فات لغرفته دانية ماكو هاي وين رايحة بس لا لساعها مگابلة جدتيتي وتبچي

دانية : دخلت ورى شايله المصلاية والقرأن ولابسة الازار مالت الصلاة دحگ عليه خزرها صفنت بوجهة  عيونه حمرة دم ومبين التعب بوجهة وشعراتة منفوشات من السبح ونازلات على گصته وينگطن مي ماچنت أبچي چنت أصلي بالصالة وباست القرأن وحطتة بالمقرئة وصفطت المصلاية ونزعت الازار هم صفطتة وخلتهم عالكومدي وعدلت شعرها اللي نزل على عيونها لفتة كباية ناصية شلون مچان وراحت طلعت خاولي صغير وتنهدت اي شصار على عمو

أسد : سوولة قسطرة وهسة بالعناية منا لباچر يلة يشوفون النتيجية

دانية : الله يشفيه ان شاء الله ومنو بقى وياه هناك بالمستشفى ونطته الخاولي نشفف شعرك

أسد : أخذ الخاولي منها ونشف شعره الخطاب وفرات وأني إجيت اسبح وابدل وارجعلهم تعالي طلعيلي قميصي الزيتوني وبنطروني البيجي بسرعة

دانية : راحت فتحت الكنتور وطلعتهن اله وتقربت عليه هذني مو لان اكو غيرهم و..عزا أسد شنو هذا وفتحت عيونها متفاجئة وشمرت الملابس عالقنفة ولزمتة من صدرة جوى كتفة هاي شنو هذا الاثر من سجونك ضربوك وعذبوك لعد شلون الخطاب يگول حتى بالتوقيف ما خلونة شنو تكذبون علينه

أسد : جر ايدها وزاحها وبدون نفس رد عليها عليش نكذب عليكم بس هذا قديم من زمان من انسجنت قبل ضربوني بالكيبل مالت الكهرباء هو وهذا ودار صفح وأشرلها على أثرظهرة هم

دانية : راساً عيونها انملت دموع الله يكسر اديهم ان شاء الله وتقربت عليه ورفعت راسها وباسته عالاثر مالت الجرح اللي بصدرة وحطت گصتها على صدرة وشهگت ماتحملت تحبس دموعها أكثر

أسد : حظن راسها وغمض عيونه وأخذ نفس بعدين بعد راسها شوية وهو يحظن وجهها بايديه كافي تبچين حتى عيونچ راحت من البچي مابية شي أني رجعتلچ ومراح تخلصين مني بعد وأبوية هم ان شاء الله يطيب وتتحسن صحتة ومسح دموعها بابهام اديه الاثنين وقرب وجهها وباسها من گصتها وطول بقى حاط شفايفة على گصتها بعدين ابتعد شوية ولساعة حاظن وجهها يايديه دانية ديري بالچ تفكرين تعوفيني بيوم ماشي

دانية : أخذت كف ايده اليمنه وباستها ما أريد أخلص منك حتى بهذيچ الدنيا أريدك ويايه ومستحيل أعوفك إنت روحي وأكو واحد يعوف روحة وحظنته حيل وبقت تمسد بخدها على صدرة

أسد : على كيفچ حبي لاتروحين زايد خاف خدچ يتحسس وترجعلة الحساسية من جديد

دانية : رفعت راسها ودحگت عليه لا دام رازقية وسالمية والگرنفل مالتهن ماكو خدودي بأمان بعدين ما أهون عليك أني وتضغط عليهن وتطگعهن مو