Behind Those Glasses (EDITING)

56: It's too late

Raniela's POV

Nagulantang ang buong sistema ko ng marinig ang malakas na pagtunog ng phone ko. Doon ko lang napagtantong panaginip lang pala ang lahat. Akala ko'y nagkita na kami. Salamat naman!

Agad kong binuksan ang cellphone ko upang makita kung sino ang dahilan bakit tumunog ang phone. Kaya halos manigas ako sa kinatatayuan ko ng makita kung sino ito.

Xandy is calling...

"H-Hello.."

Bakit nanginginig ako?

"Where are you? He's here! Nandito na ang kapatid ko. Kakauwi nga lang niya, e.-"

Ibinaba ko ang cellphone. Bakit saktong-sakto ang sinabi ni Xandy sa realidad at panaginip ko.

Mahina kong sinasabunutan at sinasampal ang sarili ko. Baka panaginip lang nanaman ito. Sana hindi tama ang panaginip ko. Sana mali ako. Sana hindi siya ang kapatid ni Xandy. Sana hindi!

Wait nga, Raniela! Ano naman ngayon kung siya nga? Wahh! Magreresign na lang ata ako? Bakit hindi na lang kaya sa kompanya namin nina Daddy ako magtrabaho? May hotels naman kami eh!

Xandy:

Bakit mo pinatay? Let's eat dinner, anyway. Sa may 26th floor. My brother is here. And he's so excited to meet you.

Parang bumaluktot ang buong sikmura ko ng mabasa ko 'yon. Nabuo nanaman ang takot sa loob ko. At hindi ko maipaliwanag pero parang nawala ang gutom ko.

Ako:

Busog pa ako. Mauna na kayo. I'm sleepy. :)

Xandy:

Awww. Are you sure? Okay. Kung magbago ang isip mo. Alam mo na. :D

Hindi na ulit ako nagreply sa text niya. Agad akong nagkumot. Hindi ko talaga maintindihan ang sarili ko. Dahil lang sa isang masamang bangungot ay natakot na ako.

Nakalipas ang isang oras. Napagpasya kong buksan ang facebook ko. Last year ko nga lang ulit nasubukan magfacebook. Dahil nang mga nakalipas na taon ay nakadeactive ito. Natatakot ako sa kung anong makikita ko.

Ngunit ngayon, bahala na. Mas magandang siguraduhin ko nga kung tama o mali ang nangyayari.

Sinearch ko ang pangalan ni Xandy. Ngunit, walang lumabas. Puro fanpages ang mga ito. Wala siyang real account. Sumunod ay nagsearch na ako sa google. Sinubukan kong alamin kung sino ang CEO at ang Vice President ng V Brewery. Nanlumo ako ng iba ang lumabas.

President of Villanueva Brewery Company is Mr. Xander Villanueva while the Vice President of this company is Mrs. Treffy Villanueva, Mr. Xander Villanueva's Wife.

At nang basahin ko ang article na 'yon ay nalaman kong 2013 pa pala ginawa 'yon. Bakit hindi ba latest kung sino ang Vice President ngayon? Haynaku!

Nang bahagya akong humiga. Bigla na akong nagutom. Ayaw kong bumaba. Pero gutom na talaga ako. Kung nasa 26th floor sina Xandy. Sa main restaurant na lang ako kakain.

Bumaba ako sa 12th floor. Nakakatakot naman dito sa elevator. Ang layo pa ng bababaan ko tapos mag-isa lang ako? Urghhh!

Ang tagal ng pagbaba ko gamit ang elevator. Ngayon ay nasa 15th floor na ako. Gutom na gutom na talaga ako! And I can't help it.

Hanggang sa tumunog na ang elevator. Sa may 12th floor na pala ako. Kaya agad ako lumabas doon. Tumambad sa akin ang malaking restaurant. At sobrang daming tao ang nagsisikainan. Sa susunod, dadalhin ko si Vladimir dito upang hindi lang naman ako iyong kumakain sa ganito kaingrandeng lugar.