သူကတော့ ရွှေပုံကြားငွေပုံကြားမှမွေးဖွားလာသည့်ကောင်လေးဖြစ်သည်။
အသားဖြူ၍အရပ်ရှည်ပြီး
ပိန်ပိန်သွယ်သွယ်ခန္ဓာကိုယ်အားပိုင်ဆိုင်သည်။
လုပ်ငန်းခွဲများစွာရှိသည့် လင်းလုပ်ငန်းစုမှ
Ceo ဦးလင်းမြတ်သူရိန်နဲ့ ဆောက်လုပ်ရေးတွေနဲ့ပတ်သက်ရင် နာမည်ကျော်ပြီး လူစိတ်ဝင်စားများအောင်လည်း ပုံစံအမျိုးမျိုးထွင်တတ်သည့် ဒါရိုက်တာ
စိုင်းယံသော်တို့၏ တစ်ဦးတည်းသော သားဖြစ်သည်။
မျက်နှာတည်နေရင် သူ့daddy
လင်းမြတ်သူရိန် နဲ့ တူပါသော်လည်း ပုံမှန်အချိန်တွေမှာဆို သူ့ပါပါး စိုင်းယံသော်နဲ့သာပိုတူ၏။
စိတ်ကလည်း သူ့ပါပါးနဲ့တစ်ထပ်တည်း။
စိတ်ဆတ်လွယ်သလို စိတ်လည်းကြီး၏။
စွာကလည်းအရမ်းစွာမို့ သူကျောင်းနေတုန်းကဆို ခဏခဏ ရန်ဖြစ်သည်။
ခန္တာကိုယ်ကပိန်ပေမယ့် ရန်ဖြစ်ပြီဆို
သူကပဲ အရင်ဦးအောင် ဆော်သည်။
သုံးမကုန်ဖြုန်းမကုန်သည့်လုပ်ငန်းရှင်ကြီးတွေရဲ့သားဆိုပေမယ့် အလိုလိုက်မခံရပါ။
အသက်တစ်ဆယ့်ငါးပြည့်သည်နှင့် အလုပ်ကြောင်းတွေ တစ်ပုံတစ်ခေါင်းသင်ယူနေရသည်။
ပါပါးကိုယ်တိုင်ပုံစံဖော်ထားသည့်ရှမ်းပြည်ဘက်က Hotel ကို သူကပဲ ဆက်လက်တာဝန်ယူသည်။
တစ်နှစ်တစ်နှစ် အကျိုးမြတ်တွေအများကြီးရပါသော်လည်း ဒါက ပါပါးရဲ့လုပ်ငန်းမို့ ပါပါးကအကုန်သိမ်းသည်။
သူကိုယ်တိုင်တည်ထောင်သည့် ရှေးဟောင်းပစ္စည်းများဝယ်ယူစုဆောင်းသည့်ကုမ္ပဏီကတော့ အခုမှ နာမည်ရရုံရှိသေးသည်။
Daddy ထက်ပါပါးကိုသူပိုကြောက်သည်။
ပါပါးကစည်းကားကြီးပြီးပြောရင်ပြောသည့်အတိုင်းလုပ်သည်။
သူကျောင်းမပြီးသေးသည့်အချိန်ကဆို
ညကိုးနာရီထိုးသည်နှင့် အိမ်အပြင်လုံးဝ
မထွက်ရဲတော့။
ကိုးနာရီထိုးလို့အိမ်ပြန်မရောက်ရင်လည်း
ပါပါးကတော်ရုံနဲ့အိမ်ထဲပေးမဝင်။
YOU ARE READING
Never Ending ( Complete)
Romanceကိုကိုရဲ့အချစ်ခံလူသား s2 ကမ္ဘာတစ်ဝှမ်းရဲ့တစ်ရက်ကိုလူသေနှုန်းက အယောက်တစ်သောင်းရှိတယ်ထား မင်းသတ်တဲ့လူမပါဘူးဆိုရင် သေတဲ့လူထဲငါလည်းမပါဘူး ငါကမင်းသတ်မှသေမယ့်သူ ကမၻာတစ္ဝွမ္းရဲ႕တစ္ရက္ကိုလူေသႏႈန္းက အေယာက္တစ္ေသာင္းရွိတယ္ထား မင္းသတ္တဲ့လူမပါဘူးဆိုရင္ ေသတဲ့လ...
