Unicode Ver
နောင်မွေးရပ်မြေမှာအချိန်တွေအတူကုန်ဆုံးရင်း အသစ် သစ်သောပျော်ရွှင်မှုတွေကို သူ အေးချမ်းစွာပဲ ခံစားရသည်။
နောင်က တစ်နေ့တစ်နေ့မရိုးရအောင်
မပျင်းရအောင်ထားပေးသည်။
ဆင်ကလေးတွေနဲ့ပျော်ကစားပြီး မျိုးစုံသောသီးခြံတွေထဲနှစ်ယောက်အတူတူ စက်ဘီးစီးရင်း ပျော်ရွှင်ခဲ့သည်။
အစားအသောက်ဆိုတာကလည်းနောင်ကိုင်တိုင်ချက်ကျွေးတော့ပိုပြီးအရသာရှိနေသလိုပင်။ နောင်အမျိုးတွေ သူနဲ့နောင်ဆီမလာပေမယ့် ဗိုလ်လင်းတို့မိသားစုက
ခဏခဏလာ၏။ ကြည့်ရတာ မိိမိနဲ့နောင် စိတ်အားငယ်နေမှာစိုးလို့ထင်ရဲ့။
မိမိကဘာမှမဖြစ်ပေမယ့် နောင်ကိုတော့သနားမိသည်။ သူ့အမျိုးတွေကရှောင်ဖယ်ရုံတင်မက သူတို့ကလေး နောင်အိမ်ရှေ့ရောက်လာရင်တောင် သဲကြီးမဲကြီးအော်ခေါ်နေတတ်သေးသည်။
ရံဖန်ရံခါ နောင် သူ့အမျိုးတွေကို မသိမသာကြည့်နေမှာပဲတွေးမိပေမယ့်
နောင်က သူတို့ထက်ပိုချေ၏။ မိမိမျက်နှာကိုသာအမြဲတစိမ့်စိမ့်ကြည့်နေတတ်တာကိုပျော်ရင်းထပ်ပျော်မိရသည်။
နောင်မွေးရပ်မြေတွင်ပျော်ရွှင်ခဲ့တာ ဒီနေ့နဲ့ဆိုခုနစ်ရက်မြောက်ဖြစ်နေပြီဖြစ်သည်။
ဒီနေ့ညနေ Zeedဆီကိုသွားမယ်ပြောတာပဲ။ ညနေမှခရီးစမယ်ဆိုရင်တော့ Bangkok ကိုလူတိတ်ချိန် လူတွေအိပ်စက်ကုန်ကြချိန်မှ ရောက်မည့်ကိန်းရှိသည်။
ဘာပဲဖြစ်ဖြစ် မိမိနံဘေးနောင်ရှိနေရင်
အရာရာအဆင်ပြေပြီးသားပဲ။
"ဇွဲ လာ''
"ဘယ်ကိုလဲ ''
အပြင်မှလှမ်းခေါ်သူကို ပြန်မေးလိုက်သေးပေမယ့် ဇွဲသက်တန့် တစ်ကိုယ်လုံးက နောင်ဆီပြေးရောက်လာပြီဖြစ်သည်။
လက်ထဲတွင်စားစရာကအပြည့်။ ငှက်ပျောသီးစိမ်းကိုမီးကင်းစားချင်တယ်တဲ့။ သဘောအတိုင်း နောင် ငှက်ပျောသီးစိမ်းဆယ်လုံးတိတိကိုကင်ပေးလိုက်သည်။
ကိုင်ရလွယ်အောင်တုတ်ထိုးပြီးကင်ပေးခြင်းဖြစ်၏။
"မေးနေတယ် ဘယ်ကိုလဲလို့''
လက်နှစ်ဖက်လုံးစားစရာအပြည့်နဲ့မို့
နောင် ပြုံးပြုံးလေးဖြစ်သွား၏။ ကျန်တာပေးရင်မယူတတ်သည့်ဇွဲသက်တန့်က
အစားအသောက်ဆိုရင်တော့လာထားပဲ။
အဖြူရောင်တီရှပ်ပွပွကိုအနက်ရောင်ဒူးအတိဘောင်းဘီတိုနဲ့တွဲဖက်ဝတ်ဆင်ထားပုံကြောင့် ကလေးလေးတစ်ယောက်လိုချစ်စရာကောင်းဖွယ်အတိ။ ဘောင်းဘီက အိတ်နှစ်ဖက်နဲ့ဖြစ်ပြီး ဘေးစပ်နေရာတွင်
အဖြူရောင်အစင်းနှစ်ခုရှိ၏။
YOU ARE READING
Never Ending ( Complete)
Romanceကိုကိုရဲ့အချစ်ခံလူသား s2 ကမ္ဘာတစ်ဝှမ်းရဲ့တစ်ရက်ကိုလူသေနှုန်းက အယောက်တစ်သောင်းရှိတယ်ထား မင်းသတ်တဲ့လူမပါဘူးဆိုရင် သေတဲ့လူထဲငါလည်းမပါဘူး ငါကမင်းသတ်မှသေမယ့်သူ ကမၻာတစ္ဝွမ္းရဲ႕တစ္ရက္ကိုလူေသႏႈန္းက အေယာက္တစ္ေသာင္းရွိတယ္ထား မင္းသတ္တဲ့လူမပါဘူးဆိုရင္ ေသတဲ့လ...
