Part 25
.
အလုပ်မရှိသောနေ့တစ်နေ့ရဲ့မနက်ခင်းအစောပိုင်းက စိတ်ကိုပေါ့ပါးစေလျက်။
မတရားသွေးလာလေသောမနက်ခင်းလေနုအေးတို့ကြောင့် ကြက်သီးတို့ဖြန်းဖြန်းထပြီး အေးလို့တုန်နိူင်သည်။
မနက်ခင်းအစောကြီးမထတတ်သည့်သူက
ဒီရက်တော့အစောကြီးထသည်။
နေရာစိမ်းဖြစ်နေလို့မဟုတ်ဘဲ ညီလေးများပြန်လာပြီလားဆိုသည့်စိတ်ဖြင့်ထခြင်းဖြစ်သည်။
အေးစက်လွန်းသောရေက
လက်ကို ကျဥ်စေပေမယ့် ချောင်းစပ်နံဘေးထိုင်၍ သူ မျက်နှာသစ်သည်။
ရေတွေကအငွေ့ပျံမတတ်အေးတာကြောင့်
သူမြန်မြန်နှင့်ချောင်းဆီကထွက်ခွာလိုက်သည်။
ပတ်ဝန်းကျင်ကို မျက်စိကစားကြည့်တော့
တပ်သားတွေအားလုံးကနိုးနှင့်တာကြာပြီဆိုသည့်ဟန် ထမင်းချက်သူကချက်
ဂိတ်စောင့်သူကစောင့်ဖြင့် တာဝန်ထမ်းဆောင်နေကြပြီ။
Daddy ရှိနေသည့်တဲအိမ်ကပိတ်ရက်သားရှိနေသေးတာကြောင့်Daddyမထသေးမှန်းသူသိလိုက်သည်။
သွားမနိူးဖို့ကိုလည်းသူရွေးချယ်သည်။
အသက်အရွယ်ရလာသော်လည်းတာဝန်ကြီးတွေနဲ့ပိနေသေးသော Daddy ကို
သူ သနားသည်။
သက်တောင့်သက်သာနဲ့နေခွင့်ရအောင်သူလုပ်ပေးချင်သည်။
ညီလေးကိုလည်း ဒီတာဝန်တွေက လွတ်မြောက်စေပြီး အပြင်လောကတွင်
လွတ်လွတ်လပ်လပ်ပျော်ပါးစေချင်သည်။
စခန်းရှိတဲအားလုံး၏အလယ်တည့်တည့်တွင်ရပ်နေသောသူက ခါးကိုထောက်၍ သက်ပြင်းရှိုက်သည်။
အပြာရောင်ဂျင်းဘောင်းဘီနှင့်အဖြူရောင်တီရှပ်ကိုဝတ်ဆင်ထားပြီး ခြေသလုံးအထိရှည်သည့် အနက်ရောင်သိုးမွေးအနွေးထည်ကို ထပ်၍ ဝတ်ဆင်လိုက်
သည့်အခါ သူ့၏ချောမောမှုကအံ့မခန်း။
တပ်သားတွေက Zeed ကိုသူတို့၏ခေါင်းဆောင်မဟုတ်မှန်းသိသည်။
သို့သော် ရုပ်ချင်းဆင်ခြင်းကြောင့် မကြာခဏ ခိုး ခိုးကြည့်တာတို့လုပ်တတ်သည်။
Zeed က သူ့ကိုကြည့်နေသောတပ်သားတွေကို မသိသလို လျစ်လျူရှုပြီး စခန်းပတ်ပတ်လည်ကို လျှောက်ကြည့်ဖို့ရာ
ရပ်နေသည့်ခြေလှမ်းတို့ကိုပြန်၍စသည်။
YOU ARE READING
Never Ending ( Complete)
Romanceကိုကိုရဲ့အချစ်ခံလူသား s2 ကမ္ဘာတစ်ဝှမ်းရဲ့တစ်ရက်ကိုလူသေနှုန်းက အယောက်တစ်သောင်းရှိတယ်ထား မင်းသတ်တဲ့လူမပါဘူးဆိုရင် သေတဲ့လူထဲငါလည်းမပါဘူး ငါကမင်းသတ်မှသေမယ့်သူ ကမၻာတစ္ဝွမ္းရဲ႕တစ္ရက္ကိုလူေသႏႈန္းက အေယာက္တစ္ေသာင္းရွိတယ္ထား မင္းသတ္တဲ့လူမပါဘူးဆိုရင္ ေသတဲ့လ...
