ဗိုလ်ချုပ်ကြီး ကျနော့်ရဲ့အမြီးကိုထိကြည့်ချင်လားဟင်(မြန်မာဘာသာပြန်)[Completed]

Chapter-{3}

Unicode

ခြေတံရှည်ရှည်တွေနဲ့ တော်၀င်ရေတပ်ဗိုလ်ချုပ်ကြီး

ပင့်သက်ရှိုက်မှုတွေရဲ့အဆုံးမှာ အရပ်ရှည်ရှည်နဲ့လူတယောက်က ယာဥ်ပေါ်မှဆင်းလာသည်။
ထိုသူမှာ အစိမ်းရင့်ရောင်စစ်တပ်ယူနီဖောင်း၀တ်ထားပီး သူ့ရဲ့ခြေတံရှည်တွေကလည်း သားရေစစ်ဖိနပ်များနဲ့လိုက်ဖက်နေသည်။
ကြယ်သီးကို လည်ပင်းထိအပြည့်တပ်ထားသောသူ့ပုံစံမှာ ပို၍မြင့်မြတ်တော်၀င်ဆန်နေသလိုပင်။
ယူနီဖောင်းပခုံးပေါ်မှရွှေရောင်ချည်ပန်းဖွားကလည်း နေရောင်အောက်မှာတလက်လက်တောက်ပနေလေသည်။

သူ့ရဲ့မျက်နှာပုံစံက အနောက်တိုင်းဆန်ပေမယ့် မျက်လုံးတွေကတော့မှင်ရောင်ကဲ့သို့ နက်မှောင်နေလေသည်။
မျက်၀န်းတွေက မက်မွန်ပွင့်သဏ္ဍာန်ကဲ့သို့ဖြစ်နေပေမယ့် ဓားသွားလိုမျက်တောင်ရှည်ရှည်တွေ၀န်းရံထားတော့ နူးညံ့မှုတို့ရှိမနေပါ။
အလင်းကသူ့မျက်နှာရောင်ပြန်ဟပ်နေသဖြင့် သူ့ရဲ့ဟန်ပန်ကိုနဂိုထက်ပို၍ အေးစက်သည့်ဟန်ဖြစ်ပေါ်စေသည်။
သူ့ရဲ့ခန္ဓာကိုယ်ကလည်း ပခုံးကျယ်ကျယ် တောင့်တောင့်ဖြောင့်ဖြောင့် ခြေတံရှည်ရှည်တွေနဲ့ အချိုးအစားကျနေသည်။
သူ့ရဲ့နတ်ဘုရားတပါးလို ချောမောခန့်ညားတဲ့ပုံစံနဲ့ပေါင်းလိုက်တော့ ဘေးတ၀ိုက်မှအရာရှိတွေအကုန် မှေးမှိန်သွားလေသည်။

လုမျန်ဟာ အသက်၁၇နှစ်ကတည်းကစစ်တိုက်ခဲ့ပီး အခြားသူများကျူးကျော်ရန်မှကာကွယ်ဖို့ ၁၅နှစ်လုံးလုံးအင်ပါယာရဲ့နယ်မြေချဲ့ထွင်ခဲ့သည်။
ဒဏ္ဍာရီထဲက သတ်ဖြတ်ခြင်းနတ်ဘုရားလိုလူမျိုးက ဒီလိုခန့်ညားလှတဲ့မျက်နှာလေးရှိနေတာ ဘယ်သူမှထင်ထားမှာမဟုတ်ဘူး။
ကျုံးရွှယ်ယင်းကရှေ့တလှမ်းတိုးလာပီး
အလေးပြုလိုက်ပီး သူ့မျက်လုံးတွေကစိတ်အားထက်သန်နေပေမယ့် စိတ်လှုပ်ရှားနေတဲ့လေသံကိုထိန်းချုပ်ကာ
"ဗိုလ်ချုပ် စတားမြို့တော်ဆီပြန်လာတာကို ကြိုဆိုပါတယ်"

လုမျန်က ထခုန်မတတ်အပျော်လွန်နေတဲ့ပုံစံဖြစ်နေသော ယခင်ရေတပ်ဗိုလ်အားကြည့်လိုက်ပီး အေးစက်စွာခေါင်းသာငြိမ့်ပြလိုက်သည်။
ကျုံးရွှယ်ယင်းမှာ ခပ်တန်းတန်းဖြစ်သွားပီး သူ့စိတ်ထဲတွင်စိတ်ပျက်မှုတို့ လွှမ်းမိုးသွားသည်။
သူက လုမျန်အနောက်ကိုမြန်မြန်လိုက်သွားပီး လွန်ခဲ့တဲ့၅နှစ်ကစစ်ဌာနချုပ်မှလုမျန်ထွက်သွားပီးကတည်းက ခုချိန်အတောအတွင်း ဖြစ်ပွားခဲ့တဲ့ကိစ္စများကိုအစီရင်ခံနေလေသည်။