ဗိုလ်ချုပ်ကြီး ကျနော့်ရဲ့အမြီးကိုထိကြည့်ချင်လားဟင်(မြန်မာဘာသာပြန်)[Completed]

Chapter-{6}

Unicode

မူးနေတဲ့ကြွေရုပ်လေး

မကြာခင်မှာပဲ လူတော်တော်များများက ထိုမြင်ကွင်းကိုအာရုံစိုက်လာကြသည်။
အမူးသမားလေး စုန့်ဟွိုင်ရဲ့လက်ရှိပုံစံက လူအများအမြင်မှာ ရှက်စရာကောင်းနေတယ်ဆိုပေမယ့် ကာယကံရှင်ကိုယ်တိုင်ကတော့ ရင်ထဲမှာမကျေနပ်မှုတွေသာရှိနေတာဖြစ်သည်။

လုချန်းဇယ်က ထိုအခြင်းအရာကိုမြင်တော့ သူအပြေးလေးသွားမို့လုပ်ပေမယ့် လုမျန်ရဲ့ခြေတံရှည်တွေက သူ့ထက်ဦးသွားလေရဲ့။
လုမျန်ကိုယ်ကိုငုံ့လိုက်ပီး ​အမူးသမားလေးရဲ့လက်ကိုကိုင်ကာ ဆွဲထူလိုက်လေသည်။
စုန့်ဟွိုင်ကတော့ အရာအားလုံးကိုမေ့ပီး သူ့အာရုံအကုန်လုံးက သူ့လက်ကိုကိုင်ထားတဲ့ထိုလူလက်ကိုသာရောက်နေသည်။

လုချန်းဇယ်ရောက်လာတဲ့အချိန်ဆို လုမျန်ကစုန့်ဟွိုင်ကိုခေါ်ပီးထွက်သွားပီဖြစ်၏။
သွားနေတဲ့တလျှောက်လုံး စုန့်ဟွိုင်ကသူ့လက်ကိုကိုင်ထားတဲ့လုမျန်ကိုသာကြည့်နေသည်။
တကယ်တော့စုန့်ဟွိုင်က အရမ်းမူးနေပီး ခြေလှမ်းတွေကဒယီးဒယိုင်တွေဖြစ်နေပေမယ့် လုမျန်သွားတဲ့နေရာတော့မျောလိုက်လို့ရသေးသည်။

အခုလိုမူးနေတဲ့အချိန်မှာ စုန့်ဟွိုင်ဆိုးဆိုး၀ါး၀ါးတခုခုလုပ်ချင်လာသည်။
သူ့လက်ကိုကိုင်ထားတဲ့လက်ဟာ လှပခန့်ညားနေတော့ စုန့်ဟွိုင်လက်ချောင်းလေးများဖြင့် တဖက်လူရဲ့လက်ဖ၀ါးကိုပွတ်သပ်လိုက်သည်။
လုမျန်က ထိုအပြုအမူကိုသတိထားမိသွားတော့ ရပ်လိုက်ပီးစုန့်ဟွိုင်ကိုလှည့်ကြည့်လာသည်။
ကောင်လေးတယောက်ရဲ့ကြိတ်ပျော်နေတဲ့အမူအရာက လုမျန်ရဲ့အေးစက်စက်အကြည့်အောက်မှာ ကြက်ပျောက်ငှက်ပျောက်ပျောက်သွားသည်။

ဟွန့် အရမ်းကြောက်ဖို့ကောင်းတာပဲ...

ငါလေးပြန်တောင်ငိုချင်လာပီနော်...

ထိုပျော်နေတဲ့ကောင်လေးမျက်နှာက မိုးပြိုတော့မလိုဖြစ်သွားပီး နှာခေါင်းလေးတရှုံ့ရှုံ့နဲ့စက္ကန့်ပိုင်းအတွင်းငိုချတော့မည့်ပုံ ဖြစ်လာတာကိုလုမျန်ကြည့်နေသည်။
စုန့်ဟွိုင်က လုမျန်ထိုအမျိုးသမီးကိုပွေ့လိုက်သလို သူ့ကိုလည်းပွေ့စေချင်ပေမယ့် ထိုလူကသူ့လက်ကိုပဲကိုင်ပီးထွက်လာခဲ့တယ်။
(T/N ပွေ့တယ်ဆိုတာက အရှေ့ပိုင်းမှာ ဟိုမိန်းမလဲတော့မလိုဖြစ်နေချိန် လုမျန်အချိန်မှီဆွဲထိန်းလိုက်တာကိုပြောတာပါ
မင်းသမီးလိုပွေ့ချီတာမဟုတ်ပါဘူး)