Unicode
တံခါးနောက်မှ ဗိုလ်ချုပ်ကြီး
အ၀တ်လဲခန်းတွင်တော့ မျက်နှာကျက်မှမီးအလင်းရောင်ဖြာကျနေကာ နှင်းလိုဖြူဖွေးအုနေတဲ့နောက်ကျောပြင်လေးကိုမြင်လိုက်ရတဲ့ခဏမှာ လုမျန်ရဲ့မျက်၀န်းတွေမတည်မငြိမ်ဖြစ်သွားသည်။
စုန့်ဟွိုင်ကကြမ်းပြင်ပေါ်တွင်အပေါ်တပိုင်း ကိုယ်ဗလာနဲ့ထိုင်နေပြီး ခါးအောက်ပိုင်းကိုတော့လဲနေတဲ့ခုံတန်းရှည်နဲ့ကွယ်ထားသည်။
မီးအလင်းရောင်က စုန့်ဟွိုင်ရဲ့အသားအရေပေါ်မီးမှောင်းထိုးပြထားသလို ကောင်လေးရဲ့ကိုယ်တပိုင်းကနူးညံ့ချောမွတ်နေသည်။
တံခါးဖွင့်သံကြား၍ စုန့်ဟွိုင်ရုတ်တရက်မော့ကြည့်လိုက်ရာ သူ့ရဲ့အသားအရေကပန်းရောင်သန်းနေပြီး မျက်လုံး၀ိုင်း၀ိုင်းလေးတွေကလည်း ကြယ်လေးတွေလိုတောက်ပနေကာ မျက်၀န်းထောင့်လေးတွေတောင်ရဲနေသည်။
လုမျန်ရဲ့လည်ချောင်းတွေကခြောက်သွေ့လာပြီး ကောင်လေးသူ့ကိုကြည့်လာတဲ့အချိန်မှ အားတင်းကာအကြည့်လွှဲလိုက်သည်။
"အာ ဆောရီး"
ဒါက လုမျန်နှစ်ပေါင်း၃၀အတွင်း ပထမအကြိမ်အနေနဲ့နေရခက်နေခြင်းပင်။
အင်ပါယာရဲ့ဗိုလ်ချုပ်ကြီးမှာ တဖက်ကိုလှည့်လိုက်ပြီးတံခါး၀ကို သူ့ခန္ဓာကိုယ်ကြီးနဲ့ပိတ်ထားလိုက်သည်။
အပြင်လူတွေ အခန်းထဲမမြင်ရအောင်ကြိုးကြိုးစားစားကာနေခြင်းပင်။
ထို့နောက် လုမျန်ကခေါင်းအနဲငယ်ပြန်လှည့်လိုက်ပေမယ့် စုန့်ဟွိုင်ကိုမကြည့်ဘဲ တံခါးဘောင်ကိုပဲကြည့်ကာ
"ကိုယ်တခုခုကူညီပေးရမလား"
စုန့်ဟွိုင်မျက်နှာက နီရဲသွားပြီး
"ဟင့် ဟင့်အင်း မလိုပါဘူး"
လုမျန်ကမသိစိတ်ကြောင့်လှည့်ကြည့်လိုက်ချင်ပေမယ့် ပြန်လည်ထိန်းချုပ်လိုက်ပြီးတည်ငြိမ်စွာပဲ
"ကိုယ်အပြင်မှာစောင့်နေမယ်၊တခုခုလိုရင်လှမ်းခေါ်လိုက်နော်...ကိုယ်ရှိနေမယ်"
"ဟုတ်ကဲ့"
စုန့်ဟွိုင်မှာဘောလုံးတလုံးလိုသာကွေးနေလိုက်ချင်သည်။
လုမျန်ကအပြင်ထွက်သွားပြီး တံခါးကိုပြန်ပိတ်ပေးလိုက်သည်။
ထိုအခါမှစုန့်ဟွိုင်တယောက်သက်ပြင်းခိုးချလိုက်သည်။
YOU ARE READING
ဗိုလ်ချုပ်ကြီး ကျနော့်ရဲ့အမြီးကိုထိကြည့်ချင်လားဟင်(မြန်မာဘာသာပြန်)[Completed]
FantasyThis is not my own story. It is my second translation work. All Credits to original author. Associated name-你想摸一下我的魚尾巴嗎 Type-Web novel Author-系辭上 Status in COO-Completed{47 chapters} Original Publisher-jjwxc Start date-20.8.2021 End date-8.11.2022
![ဗိုလ်ချုပ်ကြီး ကျနော့်ရဲ့အမြီးကိုထိကြည့်ချင်လားဟင်(မြန်မာဘာသာပြန်)[Completed]](https://img.wattpad.com/cover/282184027-64-k446143.jpg)