(Unicode)
ဝေ့ရှောင်းက သူ၏ အသက်ငယ်ရွယ်စဉ်အချိန်ကာလများကို အလုပ် အပေါ်၌သာ အလုံးစုံ အာရုံပြုခဲ့၏။
ထို့အတွက်ကြောင့် အစောပိုင်းတွင် ကလေးယူခြင်းလည်း မရှိခဲ့။
သူရော သူ့မိန်းမရော နောက်မှရလာတဲ့ ဒီသမီးငယ်လေးကို ရင်နှင့်တမျှ ချစ်ခင်ခဲ့ကြသည်။
ဒါပေမဲ့လည်း ဖြစ်ချင်တော့ သူတို့သမီးလေးက မွေးကင်းစ အရွယ်လေးကတည်းက ကျန်းမာရေးချူချာခဲ့သည်။
နာမည်ကြီးသမားတော်များ ဆရာ၀န်များနဲ့ ဘယ်လောက်ပဲတွေ့ပေး တွေ့ပေး သက်သာလာခြင်းမရှိခဲ့။
အသက်ငယ်သေးလို့ ကိုယ်ခံအားမကောင်းတာလို့ ယူဆခဲ့ပေမယ့် ဝေ့ရှောင်းသိလာရတာက သူ့သမီးဖြစ်သူသည် အရွယ်ရောက်တဲ့အလျောက် မကြာခဏ စိတ်လွတ်သွားပြီး သတိလစ်မေ့မျောသွားတာမျိုး ခဏခဏဖြစ်သည်။ ထိုကဲ့သို့ဖြစ်စဉ်မျိုးက တစ်ခါတစ်ခါဆို ရက်နဲ့ချီကြာမြင့်တတ်ပြီး ဆရာ၀န်များအနေနဲ့လည်း ထိုကဲ့သို့ဖြစ်ရတဲ့အကြောင်းအရင်းကို အတိအကျ မပြောပေးနိုင်ကြချေ။
ဝေ့ရှောင်းက သိပ္ပွံနည်းကျဘာသာရပ်များကို သင်ကြားတတ်မြောက်ထားတဲ့လူတစ်ယောက်။
ထို့ကြောင့် ပထမစစချင်းမှာ သူ့အနေနဲ့ သိပ္ပံနည်းကျမဟုတ်သော အခြေအနေများကို ထည့်သွင်းစဉ်းစားတာမျိုးမလုပ်ခဲ့ချေ။
ကလေးရဲ့ အဘွားဖြစ်သူက သေချာစဉ်းစားပြီးနောက် အပနှင်ဆရာတစ်ယောက်နှင့် တွေ့ပေးတဲ့အချိန်မှ ဝေ့ရှောင်းရော ဇနီးဖြစ်သူပါ သူတို့ သမီးရဲ့ ကျန်းမာရေးပြဿနာများက ရိုးရိုးကိုယ်ခံအားစနစ်မကောင်းတာကြောင့်ဆိုတာထက် ပိုနေကြောင်း ရိပ်စားလာခဲ့မိသည်။
ထိုအပနှင်ဆရာ၏ ပြောစကားအရ ဝေ့မော့လေးမှာ ဖြစ်နေသမျှ အရာတွေက သူမရဲ့ နက္ခတ်လက္ခဏာကြံအင်များက မှေးမှိန်နေခြင်းကြောင့် ဖြစ်ပြီး
ထိုရလဒ်အနေဖြင့် သူမက မြေအောက်ကမ္ဘာရဲ့ဖြစ်တည်မှုအချို့နှင့် မကြာခဏ သွားကြုံကြိုက်နေရသည်ဟု ဆို၏။
ရိုးရိုး ဝိဉာဉ်လွင့်သွားတဲ့ကိစ္စလောက်က စကားထဲ ထည့်ပြောစရာမဟုတ်ပေမယ့်
တစ်ခုစိုးရိမ်ရတာက တစ်နေ့မှာ သူမအနေနဲ့ ဖယ်ခွာရခက်သော မကောင်းဆိုးဝါးတစ်ကောင်ကောင်နှင့် သွားဆုံလိုက်ပါက သူမဘ၀အတွက်ပါ အန္တရာယ်ရှိသွားမှာကိုပင်
