(Unicode)
".......《Dream Tour of Fengdu》
ဂိမ်းအတွက် ပရိုမိုးရှင်းများအားလုံး အတန်အသင့် အောင်မြင်မှုရရှိခဲ့ပါတယ် အသုံးပြုသူတွေဖက်က ချိုနှစ်ဆင့်နည်းပညာကုမ္ပဏီနဲ့ လော့ဖုန်းတို့ စုပေါင်းထုတ်လုပ်ထားတဲ့ ဒီဂိမ်းအပေါ်ကို အတော်လေးကိုမှ စိတ်ပါ၀င်စားနေကြပြီး ကြားထဲမှာ ဘာကိစ္စ ထူးထူးထွေထွေမှ မရှိခဲ့ဘူးဆိုလို့ရှိရင် ကျွန်တော်တို့ဖက်က ဂိမ်းကို စီစဉ်ထားတဲ့အတိုင်း လစန္ဒြာပြက္ခဒိန်နဲ့ နှစ်သစ်ကူးကာလမှာ ထုတ်လွှင့်နိုင်ပါလိမ့်မယ်"
ဝေ့ရှောင်းက ပြောပြလာခဲ့သည်။
ချိုနှစ်ဆင့်နည်းပညာကုမ္ပဏီ၏ ရာထူးအကြီးဆုံးဖြစ်သည့်တိုင်အောင် ဝေ့ရှောင်းမှာ လော့ဖုန်းထိ တကူးတက ရောက်လာခဲ့ပြီး တစ္ဆေပွဲတော်ပန်းခြံပါတီ မူပိုင်ခွင့်အား ၀ယ်ယူခဲ့သည်။ ထို့နောက်မှာ ထိုမူပိုင်ခွင့်ဖြင့် တစ္ဆေပွဲတော်ပန်းခြံပါတီအား ဂိမ်းအသွင် ပြောင်းယူပြီး ယခုမူ ထိုဂိမ်းမှာ နောက်ဆုံးအဆင့် လက်စသတ်ပြီးသည့် အခြေအနေကိုပင် ရောက်လာခဲ့ကာ 《Dream Tour of Fengdu》အမည်ဖြင့် တရား၀င် ဖြန့်ချိတော့မည် ဖြစ်သည်။
အချိန်ကား နှစ်သစ်ကူးလည်း နီးနေပြီမို့ ဝေ့ရှောင်းက နှစ်သစ်အကြို အားလပ်ရက်မှာ လော့ဖုန်းကို တကူးတက လာလည်ပြီး သမီးဖြစ်သူအတွက် ကံကြမ္မာကောင်းမွန်စေရေး ကျောက်စိမ်းတုံးများလည်း လက်ဆောင်၀ယ်ယူသွားသေးသည်။ ထို့အပြင် ဆွေမျိုးများနှင့် မိတ်ဆွေများအတွက် မြေအောက်လောကစွမ်းအင်ရှာဖွေရေး စက်ကိရိယာများလည်း အပိုထပ်ဆောင်း ၀ယ်ယူပြန်သေး၏။
ရောက်လက်စနဲ့ တစ်ပါတည်း ရှန်းချွယ့်နှင့် 《Dream Tour of Fengdu》၏ တိုးတက်မှုအခြေအနေများအကြောင်းကို ဆွေးနွေးပေးသွားခဲ့ခြင်း။
ထိုအကြောင်းများကို ကြားသိရသော် ရှန်းချွယ့်၏ မျက်နှာထက် ခပ်စိမ်းစိမ်း အပြုံးကြီးတစ်ခုက မဖုံးနိုင်မဖိနိုင် ပေါ်ထွက်လာခဲ့သည်။
"အဲ့ဂိမ်းတောင် ထွက်လာတော့မှာကိုး......"
လော့ဖုန်းဖက်က မူပိုင်ခွင့်သာ ရောင်းချပေးထားသည်မို့ ဂိမ်းထွင်သည့် အပိုင်းတွင် ပါ၀င်ရသည့် ကဏ္ဍမရှိ။ သို့ရာတွင် မူပိုင်ခွင့်ပိုင်ရှင်တစ်ယောက်အနေနှင့် ရှန်းချွယ့်မှာ ဂိမ်းထွင်သူများထံ ဂိမ်းနှင့်ပတ်သတ်သည့် အကြံပြုချက်များ တင်သွင်းဖြစ်ခဲ့သည်။
