Unicode
" မင်္ဂလာပါ ဆရာမ"
"မင်္ဂလာပါ"
အထက်တန်းဒုတိယနှစ်အတန်းကမိုးရာသီ
မရောက်ခင်မှာ စတင်တယ်။ ပညာရေးစနစ်တွေ အမျိုးမျိုးပြောင်းလဲ သွားပြီးနောက် ကျွန်တော်တို့ဆီမှာလည်း အထက်တန်းကို
သုံးနှစ်ဖြစ်သွားခဲ့ပြီ။
" ခုနကကျောင်းရှေ့မှာရန်ဖြစ်နေကြတဲ့နှစ်ယောက်က ဒီအတန်းထဲကလား ဘယ်သူတွေလဲ"
"ယဉ်ငြိမ်းဦးနဲ့ နှင်းရတီစိုး ပါဆရာမ"
"ရှေ့ထွက်လာခဲ့ "
မပြောဖို့လက်ကာပြရင်း အတင်းခေါင်းငုံ့နေကြပေမယ့် ကလေးတွေအားလုံးရဲ့လက်ညိုးတွေကသူမတို့နှစ်ဦးဆီမှာ ပြုံကျနေတာကြောင့် စိတ်ညစ်ညူးသွားကြတယ်။
"ထွက်လာလို့ပြောနေတယ်နော်"
ဘယ်လိုလုပ်ရပါ့မလဲ။ ရန်ဖြစ်တုန်းကအော်ကြီးဟစ်ကျယ် ဖြစ်ခဲ့ကြပေမယ့် အခုအတန်းရှေ့ထွက်ရမယ် ဆိုတော့ ရှက်သလိုလိုဖြစ်နေတယ်။
"ဘာလို့ရန်ဖြစ်ကြတာလဲ... မြန်မြန်မလာဘူးလား"
ဆရာမထပ်မံအော်လိုက်တဲ့အခါကောင်မလေး နှစ်ယောက် က တစ်ယောက်ကိုတစ်ယောက် အရင်ထွက်ဖို့မျက်စပစ်ပြနေ
ကြပြီး ဒါကို ထိုင်ကြည့်နေတဲ့ လင်းယံ က တဖြည်းဖြည်း မျက်ခုံးတွေ အလယ်မှာစုကြုံ့မိသွားတယ်။
"ဆရာမ အချိန်တစ်နာရီပဲရတာကို ဒီလိုလုပ်နေရင် စာသင်ဖို့အချိန်မရှိတော့ပဲနေမယ်နော်"
ရုတ်တရက် အသံကျယ်ကျယ် ဖြင့် အကြံပြုချက်ကို ပြောချလိုက်တာကြောင့် တစ်တန်းလုံးရဲ့အကြည့်က သူ့ထံရောက်လာသည့်အပြင်.... တော်ရုံဘယ်သူမှ အရေးမစိုက်တတ်သည့်ပိုင်ချင်တောင် ... အနောက်လှည့်
ကြည့်မိသွားတယ်။ အတန်းရှေ့မှာရပ်နေတဲ့ ဆရာမကလည်း ဒေါသထွက်သွားကာ အကြည့်စူးစူး သူ့ထံ ချက်ချင်း ပစ်ခွင်းလာပြီး ခပ်မာမာဆိုလာတယ်။
" ငါက ဆရာမလား မင်းကဆရာမလား "
" ဆရာမက ဆရာမပါ... ဒါကြောင့် ဆရာမအတွက်တွေးပြီးကျွန်တော်ကပြောပြတာပါ"
ဘယ်လိုကောင်ပါလိမ့် ဆရာမကို မလေး
မစားနဲ့။
"မင်းနာမည် ဘယ်သူလဲ"
YOU ARE READING
THE MAN THE CROOKED (COMPLETED)
RandomMyanmar BL Fiction( own creation) Written by - Nay Kyi Htun Title - The Man The Crooked MC - Yan Linn Yan (ရန္လင္းယံ/ရန်လင်းယံ ) Age - 17 th ML - Linn Paing Chin (လင္းပိုင္ခ်င္း/ လင်းပိုင်ချင်း ) Age - 18th School life/ Player / the lair / Secret...
